Skip to content
721 Hadiths

Encyclopedia of Prophetic Hadiths

Filter results

21 of 721 cards

Clear filters
«Ad tʋʋmã tũudɑ ne Anniya-rãmbã, lɑ ɑd ned fãɑ sẽn dɩk Anniy ningã n be ne-ɑ, rẽnd ned ning sẽn maana Higra (yik Mɑk n kẽng Mɑdiinã) tɩ yɑɑ Wẽnd lɑ A Tẽn-tʋʋmã yĩngɑ, rẽnd yẽ soɑb Yikrã yɩtɑ Wẽnd lɑ A Tẽn-tʋʋmɑ yĩngɑ, lɑ ned ning Yikrã sẽn wɑ n yɑɑ dũni yĩnga n rɑt n nɑ n pɑɑm-ɑ, mɑɑ yɑɑ pɑgɑ lɑ a rɑt n furi, rẽnd yẽ yikrã yɑɑ ɑ sẽn yik n kẽng bũmb ning yĩngã». La gom-bila a yembr n be Albʋhaary pʋga: « Ad tʋʋmã yaa ne Anniy-rãmbã, la ninsaal fãa yaa a sẽn maan Anniy ningã n be ne-a».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالهجرة وأحكامها، أعمال القلوبموضوعات الحديثالإخلاص
«Muumin-rãmbã bilgri, b nong-taabã la b yols-taabã la b nim-bãan-zoεεgã pʋgẽ, b yaa wala yĩnga, yĩn-will sã n zĩnd beenẽ n zabdẽ, la yĩngã fãa gill sẽn boond taab n lagem-a ne gõeem basbo la yĩn-zabre».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيأحكام الولاء والبراء، المجتمع المسلم، الأخلاق الحميدة، الإسلامموضوعات الحديثالرحمة، موالاة المؤمنين، المحبةمحاور التعريف بالإسلاممحاسن الأخلاق
«Mam poorẽ rãmbã fãa yaa sẽn yɑɑf-b rãmbɑ, sã n ka vẽnegdbã, la sẽn be vẽnegrã pʋgẽ, yaa ned sẽn na n maan tʋʋm yʋngo, n vẽeg beoog tɩ Wẽnd luda a bãngo, t'a tʋg n yetẽ: zagla! Ad yʋngẽ mam maana woto la woto, ad yẽ rag n gãanda yʋngẽ t'a Soabã yaa sẽn lud a bãngo, t'a vẽeg beoong n pãrgd Wẽnd sʋtrã (bãn-loeerã) n basd a mengã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيذم المعاصيموضوعات الحديثالتوبة
Tɩ Nabiyaamã (Wẽnd pʋʋsg la A tɩlgr be a yĩnga) a bao a Saabit ɭbn Ƙays n ka yã ye, tɩ ned yeele: "Wẽnd Tẽn-tʋʋmã, mam na n waa ne a kibarã fo nengẽ". T'a ta a nengẽ n mik t'a zĩ a zãkẽ wã n sulg a zugã. T'a yeel-a: "yaa bõe n tar foom?" T'a yeel-a ad yaa wẽnga. Bala a ra zẽkda a koεεga tɩ yɩɩd Nabiyaamã koεεgã (Wẽnd pʋʋsg la A tɩlgr be a yĩnga), rẽnd a tʋʋmdã lʋɩɩme, a yaa Bugum biiga, tɩ nedã lebg n wa Nabiyaamã nengẽ n kõ-a kibare t'a yeela woto la woto, t'a lebg yaoolem kẽngrã ne kiba-noogo sẽn yaa bedre, Nabiyaamã yeelame: «Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالصحابة وفضلهم، أسباب النزولموضوعات الحديثحقوق النبي ﷺ، الصحابة رضي الله عنهم، الخوف
B soka Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) ned sẽn na n zabd raood yĩnga, la ned sẽn na n zabd buud yĩnga, la ned sẽn na n zabd maan-tɩ-b-yã yĩnga, bãmbã fãa gillã ãnd n be Wẽnd sorã zugu? Tɩ Wẽnd Tẽn-tʋʋmã yeele (Wẽnd pʋʋsg lɑ A tɩlgr be ɑ yĩngɑ): «Ned ning sẽn zabda n rat tɩ Wẽnd yʋʋrã zẽk n yɩɩdã, yẽ soab bee Wẽnd sorã zugu».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيأعمال القلوب، أحكام ومسائل الجهاد وآدابهموضوعات الحديثفضل الجهاد، الإخلاص، الرياء