عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Fon Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Türkmen - Turkmen Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
721 Hadiths
Encyclopedia of Prophetic Hadiths
التصنيف الشرعي
Grading
Narrated in
Narrator
Show all narrators (17)
Tɩ b yeela Wẽnd Tẽn-tʋʋmɑ ãnd n yɩɩd zu-noog ne fo sugsgã dũni wã yikr rɑɑre? Tɩ Wẽnd Tẽn-tʋʋmɑ pʋʋsg lɑ tɩlgr be ɑ yĩng yeele: «Mɑm rɑ tẽedɑme ɑ Abʋʋ Hʋrɑyrɑtɑ tɩ ned rɑ reng foo n sok mɑɑm Hɑdiis-kãngã ye, mɑm sẽn ne tɩ fo tɑrɑ yã-beed ne Hɑdiisã bãngrã, ɑd nebã sẽn yɩɩd zu-noog ne mɑm sugsgã Dũni yikr rɑɑrã, yɑɑ ned ning sẽn yeelɑ tɩ lɑɑ ɩlɑɑhɑ ɩllɑl-Allɑh, n yɩlg-ɑ ɑ sũurẽ wã maɑ ɑ mengẽ wã».
Naṣʋn Ṣahɩɩhʋn (Gom-sikdem sẽn manege) A Al-Bʋẖaariy n reeg-a
التصنيف الشرعيالصحابة وفضلهم، فضل العلم، فضائل التوحيد، آداب العالم والمتعلم، توحيد الألوهيةموضوعات الحديثالحث على طلب العلم، الشفاعة، الإخلاصمحاور التعريف بالإسلامالنجاة بالدخول في الإسلام
Wakat ning kũumã sẽn wa n wa a Abʋʋ Taalibã, Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) waa a nengẽ, n mik a Abʋʋ Gεhl la Abdʋllaah ɭbn Abɩɩ Ʋmmayya ɭbn Mugɩɩra a nengẽ, t'a yeele: " m saam-bila, yeele: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), yaa gom-bil m sẽn tõe n tall-a n gom n sõng foom Wẽnd nengẽ", t'a Abʋʋ Gεhl la a Abdʋllaah ɭbn Abɩɩ Ʋmmayya yeele: fo na n kisga a Abdʋl Muttalib dĩinã? rẽnd Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) ka bak n yet-a t'a yeel-a, tɩ bãmba b yiibã le lebgd n yet a Abʋʋ Taalib gomd ning b sẽn yetã, halɩ t'a Abʋʋ Taalib wa yeel a baasg gomd ne-ba: " yaa Abdʋl Muttalib dĩinã pʋg la mam be", rẽnd a tõdgame n naz n yeel: " Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde)". A yeelame: Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame:" m wẽen ne Wẽnde, m na kos Wẽnd yaafa n kõ-fo, tɩ Wẽnd sã n ka gɩdg-ma". Tɩ Wẽnd na n sik Aayarã: {Pa sõmb ne nabiyaamã la neb nins sẽn be ne yẽ wã tɩ b kos yaafg n kõ lagem-n-taarã rãmb ye} [Attawba: 113], la Wẽnd sika a Abʋʋ Taalib zugu, n yeel Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ): {Ad fo ka kãndg fo sẽn noang-a soab ye, yaa Wẽnd n kãndgd A sẽn tʋlle, Yẽnda n leb n yɩɩd minim ne neb nins sẽn kãndã}. [Al-Ƙaṣaṣ: 56].
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالتفسير، أحكام الولاء والبراء، أسباب النزول، الدعوة إلى الله، الشركموضوعات الحديثالدعوة إلى الله، معاداة الكفار، معنى «شهادة أن لا إله إلا الله»، القرآن وعلومهمحاور التعريف بالإسلامالتعلق بالدين الموروث، النطق بالشهادتين
«Ned ning sẽn yãs Wẽnd todsẽ wã n ka lʋɩt a pʋgẽ la sẽn lʋɩ a pʋgẽ wã bilgri, yaa wala neb sẽn na n kẽ koglg pʋgẽ, tɩ sãnda paam yĩngrã, tɩ sãnda be tẽngrã, tɩ sẽn be-b tẽngrã sã n rat n teoog koomã, b pɩʋʋgda yĩngrã, tɩ b yeele: tõnd sã n pãrg tõnd nengẽ wã võore n teoogd beenẽ la d ra nams neb nins sẽn be yĩngrã ye, rẽnd koglgã rãmb sã n bas bãmbã ne b sẽn rat bũmb ningã, b fãa na n halkame, la b sã n gãd-ba b põsdame, tɩ b fãa põse».
Naṣʋn Ṣahɩɩhʋn (Gom-sikdem sẽn manege) A Al-Bʋẖaariy n reeg-a
التصنيف الشرعيفضل الأمر بالمعروف والنهي عن المنكرموضوعات الحديثالأمر بالمعروف والنهي عن المنكر
«Beoogo, m na n kõo tãp-kao-kãngã raoa, sẽn nong Wẽnd la A Tẽn-tʋʋmã, tɩ Wẽnd me la A Tẽn-tʋʋmã nong-a, tɩ Wẽnd pake sẽn tu a nugu», a yeelame: tɩ nebã gãand yʋngã n sõsda: yaa ãnda la b na n kõ tãp-kaoorã, la nebã sẽn wa n vẽeg beoogã, b sãdame n kẽng Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga), tɩ ned fãa rat tɩ b kõ-a, tɩ Nabiyaamã yeele: «a ʿAli ɭbn Abɩɩ Ṭaalib bεε?» Tɩ b yeel-a: yaa Wẽnd Tẽn-tʋʋma, ad a nin a yiibã zabdame. T'a yeele: «tʋm-y tɩ b bool-a». Tɩ b tall-a n wa ne, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) tʋbs a nin a yiibẽ wã n kos Wẽnd a yĩnga, t'a maage, tɩ yaa wala zabdem ra ka be ne-a ye, t'a kõ-a tãp-kaoorã, t'a ʿAli yeele: Wẽnd Tẽn-tʋʋma: m na n zaba ne-b halɩ tɩ b yɩ wala tõnd bɩɩ? T'a yeele: «maag f meng n kẽnge, halɩ n tʋg n sig b samandẽ wã, rẽ poorẽ bɩ f bool-b n tʋg lɩslaangẽ, la f togs-ba bũmb ning sẽn yaa tɩlae n zao b zugu sẽn yaa Wẽnd hakε wã tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالصحابة وفضلهم، الطب والتداوي والرقية الشرعية، فضل الدعوة إلى الله وأحكامها، غزواته وسراياه صلى الله عليه وسلم، أحكام ومسائل الجهاد وآدابه، دلائل النبوةموضوعات الحديثالدعوة إلى الله، الصحابة رضي الله عنهممحاور التعريف بالإسلاملا يقبل الله غير دين الإسلام، عدل الإسلام
« Tɑɑs-y mɑm yĩngɑ, bɑɑ tɩ sã n yɑɑ Aɑyɑr ɑ yembre, lɑ y yẽs ɭsrɑɑɩɩl koɑmbã kibɑyã, tɩ tɑɑl kɑ be ye, lɑ ned ning sẽn yɑgɑ n rogl mɑɑm pʋ-toogo bɩ ɑ bɑo ɑ zĩndg zĩig Bugmẽ wã».
Naṣʋn Ṣahɩɩhʋn (Gom-sikdem sẽn manege) A Al-Bʋẖaariy n reeg-a
التصنيف الشرعيفضل الدعوة إلى الله وأحكامها، قصص وأحوال الأمم السابقة، أهمية السنة ومكانتهاموضوعات الحديثنشر العلم بالدعوة إلى الله، الدعوة إلى الله، الكذب على الله ورسوله
«Yel-kãngã na n taa zĩig fãa yʋng la wĩndg sẽn taẽ, la Wẽnd ka na n bas tẽng pʋgẽ roto, A ka na n bas gãnd zagse, rẽndame t'A kẽes-a dĩin-kãngã, ne nin-tɩrg tɩrlem, mɑɑ yaand yaalgo, tɩrlem Wẽnd sẽn na n zɩsg lɩslaamdã ne-a, la yaalgo Wẽnd sẽn na n yaal kɩfẽndã ne-a». La a Tamiim Ad-daary rag n yɩɩme n yetẽ: mam bãnga yel-kãngã m zakã rãmbẽ, ad neb nins sẽn tuubã b paama sõmblem la zɩslem la zu-zẽkre, la neb nins sẽn kell n pa kɩfẽndã pʋgẽ wã yaalg la paoogr la yãnd n paam-ba.
Naṣʋn Ṣahɩɩhʋn (Gom-sikdem sẽn manege) A Ahmad n reeg-a
التصنيف الشرعيالدعوة إلى الله، دلائل النبوة، أشراط الساعةموضوعات الحديثالدعوة إلى الله، الإيمان بالرسل عليهم السلاممحاور التعريف بالإسلامالإسلام هو الدين الحق
Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeela a saambɩbã: «yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã», tɩ saambɩba yeele: sã n ka Ƙʋrays-rãmbã sẽn na n wa zang maam yĩnga, n yetẽ tɩ yaa kũumã yεεsg la rabeem n kɩt tɩ m yeel gom-kãngã, m rag n na maag f sũuri ne gomdã yeelgo, wakat-kãngã tɩ Wẽnd na n sik Nabiyaamã zugu {Ad fo ka kãndgd fo sẽn noang-a soab ye, yaa Wẽnd n kãndagd A sẽn tʋlle} [Al-ƙasas: 56].
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيأسباب النزول، فضائل التوحيد، فضل الدعوة إلى الله وأحكامها، العهد المكي بعد بعثته صلى الله عليه وسلم، الإيمان بالقضاء والقدر، توحيد الألوهية، الإسلامموضوعات الحديثالدعوة إلى الله، أهمية التوحيد، معنى «شهادة أن لا إله إلا الله»محاور التعريف بالإسلامفوائد الدخول في الإسلام، الخوف من نظرة الناس، النطق بالشهادتين
Raar a yembre tõnd sẽn wa n zĩ Nabiyaamã nengẽ, (Wẽnd pʋʋsg la A tɩlgr be a yĩnga), miisrã pʋgẽ, la ned sẽn kẽ ne a yʋgemde, n gãneg a yʋgemdã miisrã pʋga, rẽ poorẽr t’a loe-a, n yaool n yeel bãmbã: yaa ãna la a Mohammad yãmb sʋka, tɩ Nabiyaamã, (Wẽnd pʋʋsg la A tɩlgr be a yĩnga) yaa sẽn kɩll bãmb sʋka, tɩ tõnd yeele: “ Yaa rao-kãngã sẽn yaa pεεlgã, sẽn kɩllã” la raoa yeele: “ a Abdʋl Mutalib biigã?” Tɩ Nabiyaamã, (Wẽnd pʋʋsg la A tɩlgr be a yĩnga), yeele: “m sak-f lame” tɩ raoa yeel Nabiyaamã, (Wẽnd pʋʋsg la A tɩlgr be a yĩnga), : “m na n soka foom la m na n kenga m meng n sok-fo, bɩ f ra sãam f sũur ne maam ye, tɩ Nabiyaamã yeel-a: “sok bũmb ning f sẽn rate” la a yeele: “ m kota foom f Soabã yĩnga, la sẽn reng-b foom Soabã yĩnga, yaa Wẽnd n tʋms foom nebã fãa gill nengẽ?” Tɩ Nabiyaamã yeele: “m Soab a Wẽnde, n-yee” la a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd pʋʋs Wakat a nu wã, raar pʋgẽ la wĩndga?” T’a yeele: “ m Soab a Wẽnde, n-yee” t’a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd loe noor kiu-kãngã yʋʋmdã pʋgẽ?” T’a yeele: “ m Soab a Wẽnde, n-yee”, t’a yeele: “ m yõkd-f-la sεεg ne Wẽnd, yaa Wẽnd n sagl foom tɩ d reeg sarã wã tõnd rakãagbã nengẽ, n pʋɩ-a talsã?” Tɩ Nabiyaamã, (Wẽnd pʋʋsg la A tɩlgr be a yĩnga) yeele: “m Soab a Wẽnde, n-yee” tɩ raoa yeele: “ m kõo sɩd ne bũmb ning fo sẽn wa ne wã, la ma me yaa tẽn-tʋmda, n na n taas neb nins sẽn be mam poorẽ sẽn yaa mam nebã la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالدعوة إلى الله، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإيمان بالله عز وجل، الإيمان بنبينا محمد صلى الله عليه وسلم، الإسلامموضوعات الحديثالزكاة ومكانتها، الصوم الواجب، الدعوة إلى الله، التواضع، حقوق النبي ﷺ، مكانة الصلاة وفضلهامحاور التعريف بالإسلامالتعريف بالنبي محمد صلى الله عليه وسلم، أركان الإسلام