Encyclopedia of Prophetic Hadiths

«zems-y soaf-rãmbã ne taaba, ad Soaf-rãmbã tẽesgã bee Pʋʋsgã pidsg pʋgẽ».

«M Soɑbɑ Wẽnde rɑ mɑɑn m Kɑbrã tɩ yɑɑ rʋbg ye, Wẽnd kãɑbg be ne neb sẽn dɩk b Nɑbiyɑɑ-rãmb yɑɑdo n mɑɑn Misɑ».

«Yãmb yembr fãa sã n na n kẽ miisrẽ bɩ a yeele: Allahʋmma ɭftahlɩɩ abwaaba Rahmatɩka, (M Soab A Wẽnde, pak F Yolsgã ragnoy n kõ-ma). la a sã n na n yi, bɩ a yeele: Allahumma Innii As'alʋka min faḍlɩka, (M Soaba A Wẽnde, m kot-F la F yɩɩdlemã)».

T'a ʿƲsmaan ɭbn ʿAffaan rag n rat n mee miisrã, tɩ nebã kisg rẽnda, la b nongame t'a kell n bas-a a sẽn yaa a soabã, t'a ʿƲsmaan yeele, m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: « Ned ning sẽn me miisr Wẽnd yĩnga, Wẽnd meta a buudu arzãnã pʋga n kõ-a».

«Yãmb yembr fãa sã n kẽ miisri, bɩ a maan rakaar a yiibu taoor t'a na n ka zĩnd ye».

t'a Ʋmmu Salamat togsa Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) Wẽnd roog (Egliisi) yẽ sẽn yã Habaša (Etioopi ) tẽngẽ wã, tɩ b boond t'a Maariya, a togsa Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) bãmb sẽn yã a pʋgẽ sẽn yaa nin-naandse, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) yeele: «Ad bãmbã yaa nebã tɩ yamb sõngo maa nin-sõng sã n ki b nengẽ la b sẽn met miisr a yaoogẽ wã, la b ning nin-naand-kãensã beenẽ, ad bãmbã la bõn-naandsã sẽn yɩɩd wẽng Wẽnd nengẽ».

«Pʋʋsgo mam miis-kãngã pʋgẽ, a yel-sõmdã yɩɩda Pʋʋs-rãmb tusri zẽng sẽn ka miis-kãngã pʋgẽ, sã n ka Lohorem miisrã bala».

«Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã: yaa taoor soab sẽn yaa tẽeg tɩrga, la rasãng sẽn yik Wẽnd tũudum pʋgẽ, la rao sũur sẽn yag ne miisa, la neb a yiib sẽn bʋ taab nonglem Wẽnd yĩnga, n tigim taab A nonglemã zugu n leb n welg taab A nonglemã zugu, la raoa pag sẽn tar ziir la neerem sẽn bool-a, t'a yeele: ad mam zoeta Wẽnde, la ned sẽn na n maan sãra n solge, halɩ tɩ yẽ goabga ka mi rɩtgã sẽn kõtã ye, la ned sẽn be a yembre, n tẽeg Wẽnd yelle, t'a nintãmã kiigi».