Encyclopedia of Prophetic Hadiths

Neb nins sẽn da karemd tõnd Alkʋrãanã, sẽn yaa Nabiyaamã (Wẽnd pʋʋsg la A tɩlgr be a yĩng) sahaabsã, b yẽsa tõndo, tɩ bãmb rag n yɩɩme n reegd Wẽnd Tẽn-tʋʋma (Wẽnd pʋʋsg la A tɩlgr be a yĩng) nengẽ Aayae-rãmb piiga, rẽnd bãmb ka rag n leb n reegd Aayae-rãmb piiga a taaba, halɩ tɩ bãmb wa tʋg n bãng piig ning bãmb sẽn reegã, bũmb ning sẽn be a pʋgẽ, sẽn yaa bãngre la b leb n tʋm ne-ba, b yeelɑme: "rẽnd tõnd karema bãngrã la tʋʋmã".

«Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo, la yãmb yembr fãa sã n nek a gõeemẽ, bɩ a reng n pek a nugã taoor t'a na n ka ning-a koomã laok pʋgẽ ye, ad yãmb yembr fãa ka mi a nugã sẽn gãandẽ ye». La a Muslim gom-bilã: «Yãmb yembr fãa sã n wa yik a gõoemẽ bɩ a ra bõr a nugã koomã pʋgẽ ye, halɩ t'a pek-a noor a tãabo, bala yẽ ka mi a nugã sẽn gãandẽ ye».

«Yaa a Abʋʋ Munzire, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? a yeelɑme : tɩ mɑm yeele : Wẽnd la A tẽn-tʋʋmã n yɩɩd minim ne rẽ, t’a yeele : « a Abʋʋ Munziri, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? » a yeele: tɩ mam yeele {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑa Vɩta vʋɩɩm sẽn pid Soɑbɑ, n yɑɑ a Mɑɑn-m-toor Soɑbɑ} [Albaƙara : 255]. T’a yeele : tɩ Nabiyaamã wẽ mam sũurã n yeel-ma : « m wẽen ne Wẽnde, ad bãngr na pʋʋs-f zu-noogo, a Abaa Munziri».

Nabiyaamã (Wẽnd pʋʋsg la A tɩlgr be a yĩnga) rag n ka yɩ n yaa gom-be-ned ye, a rag n yɩɩme n yetẽ:«Ad sẽn be yãmb nin-tũusdsã pʋgẽ, yaa sẽn yɩɩd-b yãmb ne zʋg-sõngo».

«Rɩbaat (koll n gɩd bεεbã todse) Wẽnd sorã pʋgẽ wã a sõmblemã yɩɩda dũni la bũmb ning sẽn be a zugu la yãmb ned fãa sãbsg rɩglg zĩiga, a sõmblem yɩɩda dũni la sẽn be dũni wã pʋgẽ, la zaabr kẽnde yamb sẽn na n kẽn-a Wẽnd sorã yĩnga, maa yʋng kẽnde, a yɩɩda dũni wã la bũmb ning sẽn be a pʋgẽ».

Tɩ ned n rɩ Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) ne a goabgã, tɩ Nabiyaamã yeel-a: «rɩ ne f rɩtgã», t'a yeele: m ka tõe ye, t'a yeele: «f kõn n tol n leb n tõog ye», bũmb ka gɩdg-a rẽnda waoog-m-menga, la a Salamat ɭbn Al-akwa’ yeele: t'a ka tõog n zẽk sag-võrã n kẽng a noorẽ wã ye.

Yii Nabiyaamã nengẽ (Wẽnd pʋʋsg la A tɩlgr be a yĩnga)a sẽn togsd tɩ yaa sẽn yi a Soabã nengẽ, A Naam yɩ wagell n zẽke, n yeele: "Yamb maana zunuub tʋʋmde, n yeele: " Soaba Wẽnde yaaf m zunuubã". Tɩ Wẽnd yeele, A Naam yɩ wagell n zẽke: Mam yambã beegame la a leb n bãngame t'a tara Soabã sẽn yaafde la A leb n sɩbgd ne zunuuba" rẽ poorẽ tɩ yamba beege, n yeele: "m Soaba, yaaf-ma m zunnuubã, tɩ Wẽnd yeele, A Naam yɩ wagell n zẽke: " Mam yamba maana beegre, n bãng t'a tara Soaba, sẽn yaafd zunuuba la A leb n sɩbgd ne zunuuba. Tɩ yambã leb n maan zunuuba, n yeele: " m Soaba, yaaf-ma m zunuubã". Tɩ Wẽnd yeele, A Naam yi wagell n zẽke: "M yambã maana beegre, n bãng t'a tara Soaba, sẽn yaafd zunuuba, la A sɩbgd ne zunuuba, maan f sẽn rate, tɩ ad Mam yaaf-f lame".

M yeelame, Wẽnd Tẽn-tʋʋmã: ãnd la m sõmb n maneg n yɩɩde? T'a yeele: «F ma wã, rẽ poorẽ f ma wã, rẽ poorẽ f ma wã, rẽ poorẽ f baabã wã, rẽ poorẽ sẽn pẽ-a n yɩɩda, la sẽn pẽ-a n yɩɩda».