Encyclopedia of Prophetic Hadiths

«Ned ning sẽn yeele, a sẽn wat n wʋm laandãanã: Aš-hadu an laa ɩlaaha ɩlla Allaah, wahdahʋʋ laa šarɩɩka lahʋʋ Wa anna Mʋhammadan ʿAbdʋhuu warasʋʋlʋhuu, Radiitu billaah rabban, Wa bi Mʋhammadɩ Rasʋʋlan, Wa bil ɩslaami diinan, b yaafda a zũnuubã».

«Rasem-rãmb ka be tɩ tʋʋm sõmbs noom Wẽnd n yɩɩd rasem-kãensã ye» rat n yeel tɩ rasem piigã, la b yeel yã: Wẽnd Tẽn-tʋʋmã, baa Gɩhaadɩ Wẽnd sorã pʋga? T'a yeele: «Baa Gɩhaadɩ Wẽnd sorã pʋg ka yɩɩd-a ye, sã n ka ned sẽn yi ne a meng la a arzεka, n ka lebg ne baa fʋɩ rẽ pʋgẽ ye».

Tɩ ad Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a kẽe miisrẽ wã, tɩ rao kẽ n pʋʋse, la a ning Nabiyaamã sallem (Wẽnd pʋʋsg lɑ A tɩlgr be ɑ yĩngɑ), tɩ Nabiyaamã reeg a sallemã, la a yeele: « Lebg n tɩ pʋʋs, tɩ fo ka pʋʋs nand ye». T'a lebg n tʋg n pʋʋs wala a sẽn da pʋʋsã, rẽ poorẽ, t'a wa n ning Nabiyaamã sallem (Wẽnd pʋʋsg lɑ A tɩlgr be ɑ yĩngɑ), t'a yeele: «Lebg n tʋg n pʋʋse, ad fo ka pʋʋs ye». Noor a tãabo, tɩ nedã yeele: m wẽen ne Naab ning sẽn tʋmsa foom ne sɩdã, mam ka mi Pʋʋsg sẽn yɩɩd woto ye. Tɩ Nabiyaamã yeele: «Fo sã n yik n na n pʋʋse, bɩ f yeel Allaahʋ Akbarʋ, rẽ poorẽ bɩ f karem sẽn yaa yol-yol ne foom Alkʋrãanẽ wã, rẽ poorẽ bɩ f maan Rukuu halɩ tɩ f yĩnsã wa tʋg n yõgneg tɩ fo be Rukuuẽ wã, rẽ pooẽ bɩ f roog n wa tʋg n tẽeg n yalse, rẽ poorẽ bɩ f maan suguudu halɩ tɩ f yĩnsã wa tʋg n yõgend taaba, tɩ f yaa sẽn be suguudẽ wã, rẽ poorẽ bɩ f roog tɩ f yĩnsã wa tʋg n yõgne, tɩ f yaa sẽn zĩ, la f maan f Pʋʋsgã fãa woto».

«Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a»

«Yãmb sã n wʋm boollã, bɩ y yeel wala laandãanã sẽn yet to-to wã».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) saglsã wʋsgã fãa kũumã sẽn wa n wa-a wã wakatã, rag n yɩɩme: «M sagend-y lame ne Pʋʋsgo, la y nusã sẽn so wã, m sagend-y-la ne Pʋʋsgã, la y nusã sẽn so wã». Halɩ tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) wa maand t'a be a sũurẽ wã n vũudẽ, t'a zelemdã ka tõe n yiis-a ye.

«Ned ning sẽn yɩlga Wẽnd yʋʋrã, n maan "sʋbhaanallaah" Pʋʋsg fãa poorẽ, pis-tã la a tãabo, la "Alhamdu lillaah" pis-tã la a tãabo, la "Allaahʋ Akbarʋ" pis-tã la a tãabo, rẽnda yaa pis-wae la a wae, la a pisd koabgã n yeele: "laa ɩlaaha ɩllaa Allaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr ", b yaafda a zũnuubã, baa t'a sã n yɩ n yaa wala mogr puudu».

" Ra tʋ-y kiidbã ye, ad b loogame n kẽng b sẽn tʋm tɩ reng taoorẽ wã".