Encyclopedia of Prophetic Hadiths

«Yaa sɩda ad dũni yaa b sẽn kãab a soaba, n kãab sẽn be dũni pʋgẽ, sã n ka Wẽnd yʋʋr tẽegre, la sẽn wõnd rẽ, la bãngdã maa bãng boaadã».

«Ned ning sẽn vẽega beoogo n tar laafɩ a yĩnsẽ, la bas-m-yam a mengẽ, n tar a raarã rɩɩbo, yaa wala b koola dũni wã fãa n kõ yẽnda».

«Ned ning sẽn rɩ rɩɩbo, n yeele: Alhamdu lillaahi Allaḏii aṭ-ʿamanii haaḏaa, wa razaƙaniihi min ġayri hawlin minnii walaa ƙuwwatin= (Pẽgr be ne Naab ning sẽn rɩlga maam wãndã, la A lok-a maam, tɩ ka tũ ne sɩlem, la pãnga sẽn yi mam nengẽ), b yaafda a zũnuub sẽn reng taoore».

«Ad yaoogo, a yaa rẽenem sigb zĩig sẽn yaa laahr zagsã, tɩ ned sã n põs a pʋgẽ, sẽn watã yol-yol n yɩɩde, la a sã n ka põs a pʋgẽ, sẽn watã keelem n yɩɩde».

«M Soab a Wẽnde, sek-ma ne F halaalã n yi F haraamã, la F sek maam ne F yɩɩdlemã n yi zẽng sẽn pa foom».

Wakat ning Wẽnd koεεgã sẽn wa n sigi: {Rẽ poorẽ b na sok yãmba, raaren-kãngã, neema wã yelle.} [Attakaasirʋ: 8] a Az-zubayr yeelame: yaa Wẽnd Tẽn-tʋʋma, yaa neema bʋd la b sẽn na n sok tõndã, yaa bõn-sabl a yiibã bala, tamarʋ wã la koomã? Tɩ Nabiyaamã yeele: « La ad sokrã na n yɩɩme».

«Yĩgs dũni wã tɩ Wẽnd na yɩ f nonglem, la f yĩgs bũmb ning sẽn be nebã nengẽ wã, tɩ nebã na yɩ f nonglem».

«Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye».