Encyclopedia of Prophetic Hadiths

"m pa na n kõ-y kibar ne zũnuub bεdã sẽn yɩɩd bedrem?" Tɩ tõnd yeele: n-yẽe Wẽnd Tẽn-tʋʋma, t'a yeele: yaa lagm-n-taar ne Wẽnde, la roagdb a yiibã namsgo, la a ra kɩlame t'a zĩndi n yeele: la zĩri-beedo, la a pa bak n yɩlemd-a, hal tɩ tõnd wa yeele: a pa na n yɑɑ n sĩndĩ.

«Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do, t'ɑ wɑ mɑɑn kɑɑlem tɩ Wẽnd yɑɑf-ɑ».

«Rao ka sõmb n ges a ra-taag yãnde, pag me ra tʋg n get a pʋg-to yãnde, la rao me ra tʋg n naag rao n pil fu-yend ye, pag me ra tʋg n lagem a pʋg-to n pil fu-yend ye».

«Yãmb mii talg bɩɩ?» La b yeel yã: Tõnd pʋgẽ, talg yaa ned sẽn ka tar wakɩre la a ka tar laogo. La a (Nabiyaama) yeel yã: «ad talga mam poorẽ rãmbẽ wã yaa ned ning sẽn wat dũni yikr raarã ne no-loeere la Pʋʋsgo la Zaka, ɑ wɑtɑme lɑ mikɑme t'a tʋʋ yãwã soaba burkĩndi, n rõd yãwã soaba, n rɩ yãwã soab ligdi, tɩ b zĩndg-a tɩ yãwã soab mɑɑn dol n deeg a yel-sõmbdã, tɩ yãwã soab me yãk a yel-sõmdẽ wã. T'a yel-sõmã wã sã n wa sε taoor t'a ka yao sẽn be a zugã zãngɑ, b yãkda bãmbã zũnuub-rãmbã n fẽeg yẽnda, rẽ poorẽ tɩ b rɩk-a n fẽeg Bugmẽ wã».

«Ad Wẽnd nonga yamba, sẽn yaa Wẽnd zoεta, sẽn yaa sek-m-meng soaba, sẽn yaa gãneg-m-meng soaba».

«Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».

"Ned ning sẽn ka yolsda nebã, Wẽnde, A Naam yɩ wagell n zẽka, A ka yolsd-a ye".

"Ra wa tʋg n paoog manegr ye, baa tɩ fo na n sega f ma-bi taag ne neng sẽn yõgemde".