Encyclopedia of Prophetic Hadiths

M baoo Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) n ka yã-a gãagã zugu yʋng a yembre, tɩ mam babl tɩ mam nugã tʋg n sɩɩs a na-pʋgã, mikame t'a bee miisrã pʋgẽ, t'a na-kadem a yiibã yaa sẽn sel Tẽngã, t'a yetẽ:«allaahumma aʿʋʋḏʋ biriḍaaka min saẖatika, wabimuʿaafaatika min ʿʋƙʋʋbatika, wa aʿʋʋḏʋ bika minka, laa ʿuhsii ṯana’an ʿalayka anta kamaa aṯnayta ʿalaa nafsika= M Soab a Wẽnde! M kota gũudum ne Fo yardã n yi F gẽegã, la F laafɩ wã n yi F namsgã, la m kot F gũudum n yi-Fo, mam ka tõe n tigim pẽgr Fo zug ye, la ad Fo yaa wala F sẽn pẽg F Mengã».

«Pʋʋs tɩ f yaa sẽn yãse, f sã n pa tõe, bɩ f zĩndi, f sã n pa tõe, bɩ f kɩlle».

Mam lagema Nabiyaamã n pʋʋse, (Wẽnd pʋʋsg la A tɩlgr be a yĩngɑ), la a ra ningda sallemã a rɩtg wεεngẽ: «"Assalaamu ʿalaykum wa rahmatʋllaah wa barakaatʋhʋʋ", Tɩlgr be ne yãmba la Wẽnd yolsgã la A barkã» la a goabg wεεngẽ «"Assalaamu ʿalaykum wa rahmatʋllaah", Tɩlgr be ne yãmba la Wẽnd yolsgã».

Tɩ Nabiyaamã (Wẽnd pʋʋsg la A tɩlgr be a yĩngɑ), a yɩɩme n ka basd rakaar a naase, taoor t'a na n ka pʋʋs Zafare, la rakaar a yiibu, taoor t'a na n ka pʋʋs fagiri.

Tɩ Nabiyaamã (Wẽnd pʋʋsg la A tɩlgr be a yĩnga) a yɩɩme n rag n yet faril fãa Pʋʋsg poorẽ: «laa ɩlaaha ɩlla-Llɑahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr, allaahʋmma laa maanɩ-ʿa lɩmaa aʿaṭayta, walaa mʋʿʋṭɩya lɩmaamana-ʿata, walaa yanfa-ʿʋ zalǧaddɩ minka alǧaddʋ».

«Ned ning sẽn rɩ gεbã maa lay bɩ a ra kolg tõnd ye -maa a yeelame: bɩ a ra kolg d miisrã, la a zĩnd a zakẽ». Ad Nabiyaamã (Wẽnd pʋʋsg la A tɩlgr be a yĩngɑ) b waa ne rʋk a nengẽ, tɩ zẽ-biis sẽn yaa maas be beenẽ, t'ɑ wʋm yũug a pʋgẽ wã, t'a sok tɩ b togs-a zẽ-biis nins sẽn be beenẽ wã, la a yeele: tɩ b kolg-a a Ṣahaabsã sãndã sẽn da be a nengẽ, la Nabiyaamã sẽn wa n yãnd tɩ b kisga a rɩɩbã, a yeelame: «Rɩ-y ad mam sõsda ne yãmb sẽn pa sõsd ne».

«Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam, ad ned ning sẽn pʋʋsa maam pʋʋsg a yembre, Wẽnd rond-a lame ne pʋʋsg-kãngã, pʋʋsg piiga, rẽ poorẽ bɩ y kos Naab A Wẽnd dargε zẽnkdgã n kõ-mɑ, bala a yaa dargε sẽn be arzãn pʋgẽ, ned ka sõmb ne-a rẽnda yamb a yembr sẽn yi Wẽnd yembsã pʋgẽ, tɩ mam nong n rat tɩ yɩ maam, rẽnd ned ning sẽn kosa dargε zẽkdgã n kõ maam, mam sugsgã na n paama a soabã».

«Zɩkr-rãmb n be, tɩ b yεt ka bõn ye -b maanda- faril fãa poorẽ, yaa Sʋbhaanallaah pis-tã la a tã, la Al-hamdu lillaah pis-tã la a tã, la Allaahʋ Akbarʋ pis-tã la a tã».