Encyclopedia of Prophetic Hadiths

«Baag sã n yũ yãmb yembr laok pʋgẽ, bɩ a pek-a naoor a yopoe».

Tõnd rag n ka geend bendã maa rõodã, d sẽn yɩlg Pekr poorẽ tɩ yaa baa fʋɩ ye.

«Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo, la yãmb yembr fãa sã n nek a gõeemẽ, bɩ a reng n pek a nugã taoor t'a na n ka ning-a koomã laok pʋgẽ ye, ad yãmb yembr fãa ka mi a nugã sẽn gãandẽ ye». La a Muslim gom-bilã: «Yãmb yembr fãa sã n wa yik a gõoemẽ bɩ a ra bõr a nugã koomã pʋgẽ ye, halɩ t'a pek-a noor a tãabo, bala yẽ ka mi a nugã sẽn gãandẽ ye».

«Yãmb ned fãa sã n yik a gõeemẽ wã, bɩ a fẽes a yõorã noor a tãabo, ad a sʋɩɩtãanã a gãandeda a yõorẽ wã».

«Ned ning sẽn so arzũm raar gεnaab koom, rẽ poorẽ n kẽng pĩndɑ, yaa wala a maana doaag ne yʋgemde, la ned ning sẽn kẽnga wakɑt a yiibã, yaa wala a maana doaag ne naafo, la ned ning sẽn kẽnga wakat a tãabã, yaa wala a maana doaag ne pesg sẽn tar yɩɩla, la ned ning sẽn kẽnga wakat a naasã, yaa wala a maana doaag ne noaaga, la ned ning sẽn kẽnga wakat a nu wã, yaa wala a maana doaag ne gelle, la limaamã sã n yi malεgsã watame n kelgd Tẽegrã».

«Yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka, la ad Pʋʋsgã yaa vẽenem, la sãra (doaag) maanego a yaa daliil sẽn wilgd lɩɩmaangã, la ad sugr yaa vẽenem, la Alkʋrãanã a yaa gom lubdga, sẽn na n sõng foom, maa sẽn na n nams foom, ad nebã fãa gilli, b sãta beoogo, n koosd a mengã, be beenẽ sẽn basd a yõor burkĩndi n yi Bugmã, be b pʋgẽ ned sẽn na n halk a yõorã n kẽes-a Bugmã pʋgẽ».

«Yaa hakε n zao lɩslaam fãa gilli t'a so rasem a yopoe pʋgẽ fãa raar a yembre, n pek a zugã la a yĩngã».

Tõnd lebgame, tõnd la Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), n yi Mak n tʋgd Madiina, halɩ tɩ tõnd wa be koom zĩigẽ sẽn be sorã zugu, tɩ neb yãg Laansarã wakato, n yõge tɩ bãmb yaa sẽn yãgde, tɩ tõnd kẽng b nengẽ, tɩ b na-kãsen-kãya yaa sẽn tonde, tɩ koomã ka ta beenẽ ye, tɩ Wẽnd Tẽn-tʋʋm yeele: (Wẽnd pʋʋsg la A tɩlgr be a yĩnga) «Wɩɩbd be ne na-kẽsen-kayã sẽn yaa Bugum, yõk-y koomã tɩ ta».