Encyclopedia of Prophetic Hadiths

«Yaa hakε n zao lɩslaam fãa gilli t'a so rasem a yopoe pʋgẽ fãa raar a yembre, n pek a zugã la a yĩngã».

Tõnd lebgame, tõnd la Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), n yi Mak n tʋgd Madiina, halɩ tɩ tõnd wa be koom zĩigẽ sẽn be sorã zugu, tɩ neb yãg Laansarã wakato, n yõge tɩ bãmb yaa sẽn yãgde, tɩ tõnd kẽng b nengẽ, tɩ b na-kãsen-kãya yaa sẽn tonde, tɩ koomã ka ta beenẽ ye, tɩ Wẽnd Tẽn-tʋʋm yeele: (Wẽnd pʋʋsg la A tɩlgr be a yĩnga) «Wɩɩbd be ne na-kẽsen-kayã sẽn yaa Bugum, yõk-y koomã tɩ ta».

Yii a Hʋmraan sẽn yaa a ʿƲsmaan ɭbn ʿAffaan neemã-lalldã, a yeelame tɩ yẽ yãa a ʿƲsmaan ɭbn ʿAffaan t'a kɩt tɩ b wa ne Pʋʋs laaga, t'a kɩll n kiig a nus a yiibã n pek-b noor a tãabo, rẽ poorẽ t'a rɩk a rɩtgã n tʋm koomã pʋgẽ, n yãk n wuk a noorã la a fẽes a yõyã, la a fẽes n yiisi, rẽ poorẽ t'a pek a nengã noor a tãabo la a nus a yiibã n tɩ tãag kãntɩɩsẽ wã, noor a tãabo, n yaool n saag a zugã, rẽ poorẽ t'a pek nao a yiibã fãa gill noor a tãabo, n yaool n yeele: mam yãa Nabiyaamã (Wẽnd pʋʋsg la A tɩlgr be a yĩnga) t'a maand wala mam sẽn yõgd koomã to-to wã, la a yeele: «Ned ning sẽn yõga mam koomã yõgb buudu, rẽ poorẽ, n pʋʋs rakaar a yiibu, n ka tags dũni yεl a pʋgẽ, Wẽnd yaafda a zũnuub sẽn reng taoore».

«Lɩslaam sã n yõk koom - Maa sɩd-kõta- n pεk a nengã; zũnuub buud fãa, a sẽn gese ne a nengã, yitame n lagem ne koomã - maa n lagem ko-tosdmã baasdgã - t'a sã n pek a nus a yiibã, la zũnuub buud fãa a sẽn tʋm ne a nus a yiibã, sẽn tũud koomã n yi -maa tũ ko-tosd baasdgẽ wã, "la a sã n pek a nao a yiibã, la zũnuub buud fãa nao a yiibã sẽn kẽne, sẽn tũud koomã n yi", maa -"n lagem n tũ ko-tosd baasdgẽ wã",- "halɩ t'a wa yi koomã yõgbẽ, t'a yaa yɩlgemde, n yi zũnuub-rãmbã».

T'a Ʋmmu Habiiba Bint Gehš sẽn rag n yaa ʿAbdʋr-rahmaan pagã, a togsa Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) zɩɩmã sẽn paamd yẽnda, t'a yeel-a: «Zĩndi, fo Pekrã sẽn rag gɩd foomã tεka, rẽ poorẽ, rasem-kãensã sã n loog bɩ f so». Rẽnd a ra yɩɩme n sood koom Pʋʋsg fãa wakato.

Nabiyaamã (Wẽnd pʋʋsg la A tɩlgr be a yĩnga) rag n yɩɩme n pekdẽ, maa n soodẽ, ne saawalle n tʋg n tãag mud a nu, la a yõgd koom ne mudri.

Mam da bee ne Nabiyaamã (Wẽnd pʋʋsg la A tɩlgr be a yĩngɑ) so-toɑkẽ, tɩ mam sulg n na n foog a na-wʋʋd a yiibã, t'a yeele: « Bas-ba tɩ mam wid-b lame tɩ b yaa yɩlma» tɩ Nabiyaamã saag b yiibã.

Mam soka a Aaɩša n yeele: yaa ne bõe la Nabiyaamã (Wẽnd pʋʋsg la A tɩlgr be a yĩngɑ) ra sɩngd ne t'a sã n wa kẽ a zakẽ wã? La a yeel yã: yaa ne sɩgdre.