Ned ning sẽn me miisr Wẽnd yĩnga, Wẽnd meta a buudu arzãnã pʋga n kõ-a».

A ʿƲsmaan ɭbn ʿAffaan (Wẽnd yard be a yĩnga), a rag n ratame n na n lebg n me Nabiyaamã miisrã (Wẽnd pʋʋsg la A tɩlgr be a yĩnga) t'a neeremã yɩɩg me-rẽengã, tɩ nebã kisg rẽ, ne sẽn mik t'a na n tedga miirã meeb n yi meeb ning a sẽn dag n yaa a soab Nabiyaamã wakatã (Wẽnd pʋʋsg la A tɩlgr be a yĩnga) bala miisrã rag n da mee ne tãnkoεεma la a beoongã rag n yaa tamar tɩɩsã raado. La a ʿƲsmaan rag n ratame n na n me-a ne kuga la sima, t'a ʿƲsmaan na n kõ-b kibare, (Wẽnd yard be a yĩnga) t'a wʋma Nabiyaamã (Wẽnd pʋʋsg la A tɩlgr be a yĩnga) t'a yetẽ, tɩ ned ning sẽn me miisri, tɩ yaa Wẽnd yardã la a baooda (A Naam zẽkame) ka maan-tɩ-b-yã ka maan-tɩ-b-wʋme, Wẽnd rond-a lame, ne rolb sõmblem sẽn yɩɩd yẽ me tʋʋmdã buudu, la rol-kãngã yaa Wẽnd sẽn na n me a meoongã buudu n kõ-a arzãnã pʋga.