„Нека биде понижен човекот кому ќе му биде спомнато моето име, и нема да испрати салават врз мене. Нека биде понижен човекот што ќе го дочека месецот рамазан, и нема да му биде простено до неговиот крај. И нека биде понижен човекот чии родители ќе ја доживеат староста кај него, а тој преку нив нема да го заслужи Џенетот.“
Ебу Хурејре, Аллах нека е задоволен со него, пренесува дека Божјиот пратеник, салаллаху алејхи ве селем, рекол:
„Нека биде понижен човекот кому ќе му биде спомнато моето име, и нема да испрати салават врз мене. Нека биде понижен човекот што ќе го дочека месецот рамазан, и нема да му биде простено до неговиот крај. И нека биде понижен човекот чии родители ќе ја доживеат староста кај него, а тој преку нив нема да го заслужи Џенетот.“
«رَغِمَ أَنْفُ رَجُلٍ ذُكِرْتُ عِنْدَهُ فَلَمْ يُصَلِّ عَلَيَّ، وَرَغِمَ أَنْفُ رَجُلٍ دَخَلَ عَلَيْهِ رَمَضَانُ ثُمَّ انْسَلَخَ قَبْلَ أَنْ يُغْفَرَ لَهُ، وَرَغِمَ أَنْفُ رَجُلٍ أَدْرَكَ عِنْدَهُ أَبَوَاهُ الكِبَرَ فَلَمْ يُدْخِلاَهُ الجَنَّةَ».
Веровесникот, салаллаху алејхи ве селем, упатил дова против три категории на луѓе да бидат понижени, посрамени и да имаат загуба: 1. Оној кому ќе му биде спомнат Пратеникот, салаллаху алејхи ве селем, а нема да испрати салават кон него, велејќи: „салаллаху алејхи ве селем“ или слично. 2. Оној што ќе го дочека месецот рамазан, а ќе му помине, без да му биде простено – поради негово занемарување на покорноста. 3. Човекот чии родители ќе ја доживеат староста кај него, а тој, поради непочитување и пропуштање на правото кон нив, нема да го заслужи Џенетот преку нив.
Ес-Синди рекол: „Суштината е дека секој од овие имал прилика која, доколку не би ја занемарел, ќе можел преку неа да стекне голема добрина. А бидејќи бил немарен и дозволил таа прилика да му избега, навистина е на губиток и загуба.“
Поттик да се испраќа салават кон Пратеникот, салаллаху алејхи ве селем, секогаш кога ќе се спомне неговото име.
Поттик на сериозна посветеност и залагање во ибадетот за време на месецот рамазан.
Поттик на вложување труд во почитување и добрина кон родителите, особено кога ќе ја доживеат староста.
Сунен Тирмизи (5/ 513) (3545).
Муснед на Ахмед ибн Ханбел (12/ 421) (7451).
Повеќе... (10)
شرح رياض الصالحين.
لابن عثيمين (3/ 411).
نزهة المتقين شرح رياض الصالحين.
لمجموعة من الباحثين (2/ 963).
مرقاة المفاتيح شرح مشكاة المصابيح.
لعلي القاري (2/ 744).
بهجة الناظرين شرح رياض الصالحين.
لسليم الهلالي (2/ 485).
تطريز رياض الصالحين.
لفيصل آل مبارك (ص767).