9 : 80
ٱسۡتَغۡفِرۡ لَهُمۡ أَوۡ لَا تَسۡتَغۡفِرۡ لَهُمۡ إِن تَسۡتَغۡفِرۡ لَهُمۡ سَبۡعِينَ مَرَّةٗ فَلَن يَغۡفِرَ ٱللَّهُ لَهُمۡۚ ذَٰلِكَ بِأَنَّهُمۡ كَفَرُواْ بِٱللَّهِ وَرَسُولِهِۦۗ وَٱللَّهُ لَا يَهۡدِي ٱلۡقَوۡمَ ٱلۡفَٰسِقِينَ
Ipangeni nengka silan sa ampun sa Allah ataw ka di, na apya pan makapitu pulu nengka silan ipangeni sa ampun na di bun ampunen nu Allah sa kanilan su dusa nilan kagina silan na pigkafiran nilan su Allah endu su sinugu nin endu su Allah na di nin tutulun su manga taw a faasiq (nakalyu kanu kasugwan su galebak nin).