Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 91

Чыпкаларды алып салуу

Равий

Бардык равийлерди көрсөтүү (52)
"Кимде-ким тамак жеп бүткөндөн кийин: "Алхамду лиллаахил-лази атъамани хаза ва розаканиихи мин гойри хавлин уа лаа кувватин" (Менден эч кандай күч-кубат талап кылбай, ушул тамакты жедирип, ырыскы берген Аллах Таалага алкыш-мактоолор болсун) деп айтса, анын өткөн (майда) күнөөлөрү кечирилет.
Хасан (жакшы) Абу Дауд, ат-Тирмизи, Ибн Маажа жана Ахмад жазып калтырган.
التصنيف الشرعيالأذكار للأمور العارضة
Аллахтын элчиси (ага Аллахтын тынчтыгы жана мактоосу болсун) Муаздын колунан кармап: "Эй Муаз, Аллахка ант берип айтам, мени сени жакшы көрөм" - деди. Анан: "Муаз, сага айтар осуятым: ар бир намаздан кийин "Аллахумма аъинни ъалаа зикрика ва шукрика ва хусни ъибадатика" деп айтканды такыр калтырба" - деди.
Сахих (ишенимдүү) Абу Дауд, ан-Насаи жана Ахмад риваят кылган.
التصنيف الشرعيأذكار الصلاة
Аллахтын Элчиси (ага Аллахтын тынчтыгы жана мактоосу болсун) жунуб болгондон башка бардык абалда бизге Куранды окуп берчү.
Хасан (жакшы) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيأحكام القرآن والمصاحف، الغسل
"Ыймандуулардын ыйманы толугу - кулк-мүнөзү жакшысы. Силердин эң жакшыңар - аялзатына жакшы мамиле кылганыңар".
Хасан (жакшы) Абу Дауд, ат-Тирмизи жана Ахмад жазып калтырган.
التصنيف الشرعيالأخلاق الحميدة، العشرة بين الزوجين، الإيمانموضوعات الحديثحسن الخلق، حق الزوجةمحاور التعريف بالإسلاممحاسن الأخلاق
«Мен Бану Мунтафик уруусунун өкүлү болуп (же Бану Мунтафик өкүлдөрүнүн курамында) Аллахтын Элчисине (ага Аллахтын тынчтыгы жана мактоосу болсун) келдим. Аллахтын Элчисине (ага Аллахтын тынчтыгы жана мактоосу болсун) келгенибизде, аны үйүнөн таба албадык. Бирок момундардын энеси Айшаны (Аллах андан ыраазы болсун) жолуктурдук. Ал биз үчүн хазира (эт менен ун кошулуп жасалган тамак) жасоону буйруду, бизге ал даярдалды. Ошондой эле бизге кинаъ (ичине курма салынган табак) алып келишти. Кийин Аллахтын Элчиси (ага Аллахтын тынчтыгы жана мактоосу болсун) келип: «Бир нерсе жеп-ичтиңерби?» же «Силерге бир нерсе берүүнү буйруду беле?» — деп сурады. Биз: «Ооба, оо, Аллахтын Элчиси!» — дедик. Биз Аллахтын Элчиси (ага Аллахтын тынчтыгы жана мактоосу болсун) менен чогуу отурганыбызда, койчу койлорун короого айдап келди. Жанында маараган бир козу бар эле. Аллахтын Элчиси (ага Аллахтын тынчтыгы жана мактоосу болсун): «Эй баланча, (койлоруң) эмне тууду?» — деп сурады. Ал: «Козу», — деди. Аллахтын Элчиси (ага Аллахтын тынчтыгы жана мактоосу болсун): «Анын ордуна биз үчүн бир кой сой», — деди. Андан соң: «Биз муну сен үчүн сойдук деп ойлобо, — деди ("ля тахсабанна" деп эмес, "ля тахсибанна" деп айтты). — Бизде жүз кой бар, анын көбөйүшүн каалабайбыз. Койчу жаңы козу туудурганда, биз анын ордуна бир кой сойдуруп турабыз». Мен: «Оо, Аллахтын Элчиси! Менин аялым бар, анын тилинде бир нерсе бар (б.а. тили заар, одоно сүйлөйт)», — дедим. Ал: «Анда ага талак бер», — деди. Мен: «Оо, Аллахтын Элчиси! Анын (көптөн берки) жолдоштугу бар жана андан балдарым бар», — дедим. Ал: «Анда ага буйру (б.а. насаат айт). Эгер анда жакшылык болсо, ал муну кабыл алат. Жана аялыңды күңүңдү ургандай урба!» — деди. Андан соң мен: «Оо, Аллахтын Элчиси! Мага даарат тууралуу айтып бериңизчи», — дедим. Ал: «Дааратты толук ал, бармактардын арасын желеле (манжаларыңды аралатып жуу) жана орозо кармабаган болсоң, мурунга сууну тереңирээк тарт», — деп жооп берди».
Сахих (ишенимдүү) Абу Дауд, ат-Тирмизи, ан-Насаи жана Ибн Маажа риваят кылган
التصنيف الشرعيسنن وآداب الوضوء
«Ким бир коомго өзүн окшотсо, анда ал ошолордон».
Хасан (жакшы) Абу Дауд жана Ахмад жазып калтырган.
التصنيف الشرعيأحكام التشبهموضوعات الحديثالتشبه بالكفار
«Үйүңөрдү мүрзөгө айлантып албагыла. Менин кабырымды кез-кезде ибадат кылуучу жай кылып албагыла. Мага салават айткыла. Чындыгында, силер кайсыл жерде болсоңорда силердин салаватыңар мага жетип турат».
Хасан (жакшы) Абу Дауд жазып калтырган.
التصنيف الشرعيفضائل الأعمال الصالحة، صلاة التطوع، زيارة القبور، الإيمان بنبينا محمد صلى الله عليه وسلمموضوعات الحديثأهمية التوحيد، اتخاذ القبور مساجد، حقوق النبي ﷺمحاور التعريف بالإسلامالغلو في الأنبياء
Пайгамбар (ага Аллахтын тынчтыгы жана мактоосу болсун) аны Йеменге жөнөткөндө, ага уйлардан: ар бир отуз баштан бир табиъ же табиъаны (бир жашар эркек же ургаачы торпокту), ар бир кырк баштан бир мусиннаны (эки жашар кунаажын же букачар), ал эми ар бир балакат жаш курагына жеткен адамдан бир динар же ага барабар маафирди (Йеменде жасалуучу кийимди) алууну буйруду.
Сахих бишаваахидихи (башка ишенимдүү айтымдары бар хадис). Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيزكاة بهيمة الأنعام