Пайгамбар хадистеринин энциклопедиясы

Беш нерсе бул адамдын табияттык тазалыгынан. Алар: сүннөткө отургузуу, уяттуу жерлердеги түктөрдү кыруу, мурутту кыскартуу, тырмактарды алуу жана колтуктун түктөрүн жулуу.

"Даарат ушатууга барганыңарда кыбалага жүздөнүп отурбагыла, артыңарды да салбагыла. Чыгышка же батышка жүздөнүп отургула". Абу Айуб айтат: Биз Шам тарапка барганда ал жакта даараткананы кыбылага каратып салынган экен, биз бурулуп отуруп, анан Аллахтан кечирим айтып жүрдүк.

Пайгамбардын (ага Аллахтын тынчтыгы жана мактоосу болсун) сахабаларынан кээ бир адамдар түшүндө Кадыр түндүн акыркы жети түндө болорун көрүштү. Анан Аллахтын Элчиси (ага Аллахтын тынчтыгы жана мактоосу болсун): «Силердин түшүңөрдүн акыркы жети түнгө дал келгенин көрүп турам. Ким аны издей турган болсо, акыркы жети түндөн издесин»,– деп айтты.

«Өзүнө жараша мамиле кылуу тууганчылык байланышты бекемдөөгө жатпайт. Тууганчылык байланыш үзүлгөндө аны байланыштырган адам тууганчылык байланышты бекемдеген адам болот».

"Кыямат күнү адамдар арасындагы иштерден эң биринчи териштириле турганы - кан жөнүндө болот".

"Чындыгында, бейиште Райян деп аталган бир эшик бар. Кыямат күнү андан орозо кармагандар кирет, андан алардан башка эч ким кирбейт. Орозо кармагандар кайда? – деп айтылат. Ошондо алар турушат да, алардан башка эч ким андан кирбейт. Качан алар кирип бүткөндө, ал эшик жабылат да, андан эч ким кирбейт."

"Бөтөн аялдардын жанына киргенден сак болгула". Ансарлардан бир киши: Оо, Аллахтын элчиси, кайын журттан болсочу (аялдын кайниси, кайнагасы)" деп сурады. Ал: "Кайын журттан болсо - бул, өлүмгө тете" - деди.

"Эч кимиңер заара кылганда мүчөсүн оң колу менен кармабасын. Даарат ушатканда оң колу менен тазалабасын. Ичкенде идиштин ичине демин чыгарбасын".