Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 19

Чыпкаларды алып салуу

Риваят кылынган булак

"Аллах Таала мындай деди: "Кимде-ким Менин досума душман болсо, Мен ага согуш жарыялайм. Пендем Мага эң сүйүктүү болгон парз ибадаттарды аткаруу менен жакындагандай башка нерсе менен жакындай албайт. Пендем напил ибадаттары менен мага жакындай берсе, Мен аны жакшы көрүп калам. Эгер жакшы көрүп калсам, анда анын уга турган кулагы, көрө турган көзү, кармай турган колу, баса турган буту болот. Эгер сураса, сураганын сөзсүз берем. Эгер коргоо тилесе, коргоомо алам".
Сахих (ишенимдүү) Бухари жазып калтырган.
التصنيف الشرعيالأربعون النووية، توحيد الأسماء والصفات
"Аллах Таала жакшылыктарды жана жамандыктарды жазып, анан аларды баяндап берген. Кимде-ким бир жакшылыкты ниет кылып, бирок аткара албай калса, Аллах Таала ага ошол жакшылыкты толук аткарды деп жазат. Эгер ниет кылып, анан ниетиндегини иш жүзүндө аткарса, анда ага ондон жети жүзгө чейин же андан да көп эселеген жакшылыктарды жазат. Эгерде пенде бир жаман ишти ниет кылып, бирок аны аткарбаса, ага толук бир жакшылыкты жазат. А эгер ниет кылып, ниетин иш жүзүндө аткарса, ага бир жамандык жасады деп жазат".
Сахих (ишенимдүү) Бухарий жана Муслим «сахих» китептеринде дал ушул сөздөр менен риваят кылышкан
التصنيف الشرعيالأربعون النووية، توحيد الأسماء والصفات
"Ислам беш нерсеге (түркүккө) негизделген : Аллахтан башка ибадатка татыктуу кудай жок, Мухаммад Анын кулу жана элчиси деп күбөлүк берүү, намаз окуу, зекет берүү, (Каабага) ажылык кылуу, Рамазанда орозо кармоо".
Сахих (ишенимдүү) Бухарий жана Муслим риваяты
التصنيف الشرعيالأربعون النووية، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، وجوب الحج والعمرة وحكم تاركهما، الإيمان بالله عز وجل، النبوة والرسالة، الإسلام
"Мен силерди эмнеден тыйсам, андан тыйылгыла! Мен силерди эмнеге буйрусам, аны чамаңардын жетишинче аткаргыла. Силерден мурда жашап өткөндөрдүн көбү пайгамбарына каяша сүйлөгөнү жана бейпайда суроолорду көп бергени үчүн кыйраган".
Сахих (ишенимдүү) Бухарий жана Муслим риваяты
التصنيف الشرعيالأربعون النووية، الأنبياء والرسل السابقين عليهم السلام
«Аллах кимге жакшылык кааласа, анда ага сыноо жиберет».
Сахих (ишенимдүү) Бухари жазып калтырган.
التصنيف الشرعيالإيمان بالقضاء والقدرموضوعات الحديثالصبر، الإيمان بالقدر خيره وشره، الرضامحاور التعريف بالإسلاممعنى الابتلاء
Пайгамбарыбыз (ага Аллахтын тынчтыгы жана мактоосу болсун) Аллах Тааланын мындай дегенин айтат: "Адам баласы мени жалганчыга чыгарды, мындай кылуу аларга ылайык эмес эле. Алар Мени сөгүштү, мындай кылуу аларга ылайык эмес эле. Жалганчыга чыгарганы: бизди биринчи жолу жараткандай, кайра жарата албайт деп айтканы. А чынында, аларды кайра тирилтүү жоктон бар кылып биринчи жолу жаратканга караганда жеңил эмеспи. Ал эми сөккөнү: Аллахтын баласы бар деп айтканы. А чынында, Мен эч нерсеге муктаж эмес Жалгызмын, тууган да, туулган да эмесмин, Мага эч нерсе тең эмес".
Сахих (ишенимдүү) Бухари жазып калтырган.
التصنيف الشرعيتوحيد الأسماء والصفات، الحياة الآخرة، الشركموضوعات الحديثأهمية التوحيد، الإيمان بالله تعالى، الإيمان باليوم الآخرمحاور التعريف بالإسلامالتنزه عن الشريك والوالد، البعث بعد الموت
"«Ким азанды укканда: "Аллохумма робба хазихид-даьватит-тааммах, уас-солаатил-коима аати мухаммада-нил васиилата уал-фадыйлата, уаб-'асху макоомам-махмуданил-лази уа-'адтах" - деп айтса, кыямат күнү ага менин шапаатым берилет»". Мааниси: "Оо, Аллах! Оо, ушул кемчиликсиз чакыруунун жана тургузулган намаздын Раббиси! Мухаммадга кыяматта васила (шапаат кылууну) жана артыкчылыкты бер! Аны Өзүң убада кылган даңкталган орунда (шапаат кылуу орунунда) тирилт!"
Сахих (ишенимдүү) Бухари жазып калтырган.
التصنيف الشرعيالأذان والإقامة، الحياة الآخرة
"Кимде-ким биздин намазыбызды окуса, биздин кыбылабызга жүздөнсө жана биз сойгон малдын этинен жесе, мына ошол – Аллахтын жана Анын элчисинин коргоосундагы мусулман. Ошондуктан, Аллахтын коргоосуна кыянаттык кылбагыла”.
Сахих (ишенимдүү) Бухари жазып калтырган.
التصنيف الشرعيأحكام ذبائح الكفار، وجوب الصلاة وفضلها وحكم تاركها، الإسلام