Пайгамбар хадистеринин энциклопедиясы

«Адам балдарынын баарынын жүрөгү Мээримдүү Аллахтын (Рахмандын) эки манжасынын ортосунда бир гана жүрөк сыяктуу турат. Ал аны каалагандай багыттайт (өзгөртөт)». Андан соң Аллахтын Элчиси (ага Аллахтын тынчтыгы жана мактоосу болсун): «Оо, жүрөктөрдү багытоочу Аллахым! Биздин жүрөктөрүбүздү Өзүңө моюн сунуп, ибадат кылууга бур!» – деп дуба кылды.

"Мен өткөндөн кийин эркектерге аялдардан өткөн фитна-азгырык болбойт".

"Мен Пайгамбар (ага Аллахтын тынчтыгы жана мактоосу болсун) менен чогуу отурган элем. Ал кезде эки киши бири-бирин тилдеп жатышкан эле. Алардын биринин жүзү кызарып, моюн тамырлары көөп чыкты. Ошондо Пайгамбар (ага Аллахтын тынчтыгы жана мактоосу болсун) айтты: «Чындыгында, мен бир сөздү билем, эгерде ал ошону айтса, анда ал сезип жаткан нерсеси андан кетер эле. Эгерде ал: «Аьузу биллаахи минаш-шайтоон», — деп айтса, ал сезип жаткан нерсе андан кетет». Ошондо алар (тегерегиндеги адамдар) ага: "Чындыгында, Пайгамбар (ага Аллахтын тынчтыгы жана мактоосу болсун) сени шайтандын азгырыгынан Аллахтан коргоо сурасын деп жатат" — дешти. Ошондо ал: "Эмне мага жин тийиптирби?!" — деп берди."

"Эки түрдүү адамдар тозоктун тургундары болот, бирок мен аларды көрө элекмин. Биринчиси, колунда уйдун куйругундай чубалган камчысы бар, аны менен адамдарды сабаган коом. Экинчиси, кийимчен жылаңач, эркектерди өздөрүнө тарткан жана башкаларды да ушундай болууга кызыктырган, башына түйгөн чачтары төөнүн өркөчүндөй чайпалган аялдар. Мына ушулар бейишке кирбейт жана бейиштин жытын да жыттабайт. Ал эми бейиштин жыты канча-канча аралыкка буркурап турат".

"Кимде-ким кайсыл бир жерге келсе: "Аъузу би калима тиллаахит-тааммаати миң шарри маа холак" деп айтса, анда ал кайра жолун улап кеткенге чейин ага эч нерсе зыян бербейт".

"Аллах Аруу-Таза, таза нерселерди гана кабыл кылат. Аллах Таала ыймандууларды пайгамбарларды буйруган нерсеге буйруган. Ал минтип айткан: "Оо, элчилер! Таза, адал нерседен жегиле! Жакшы иш-амалдарды кылгыла! Чынында, эмне кылганыңарды Мен билүүчүмүн". (Муминун, 51-аят). Ошондой эле: "Оо, ыйман келтиргендер! Биз силерге берген ырыскылардын таза-адалынан жегиле...!" деген. Андан кийин пайгамбарыбыз (ага Аллахтын тынчтыгы жана мактоосу болсун) алыс сапарга чыгып, чачы саксайып жүдөгөн, үстү-башын чаң баскан адам колун өйдө көтөрүп: “Оо, Раббим! Оо, Раббим!” - деп дуба кылганын эскерип, анан мындай деди: “Анын жегени арам, ичкени арам, кийгени арам, арамдан азыктанат. Анан анын дубасы кантип кабыл болсун?!”

"Пайгамбарыбыз (ага Аллахтын тынчтыгы жана мактоосу болсун) эрте менен багымдат намазын окуган кезде анын жанынан чыгып кетти, бул убакта ал өзүнүн намаз окуган ордунда эле. Анан Пайгамбарыбыз шашке маалында кайтып келсе, ал ордунда олтурган эле. Ошондо Пайгамбарыбыз (ага Аллахтын тынчтыгы жана мактоосу болсун): "Мен таштап кеткен абалыңда олтурасыңбы?" - деп сурады. Ал: "Ооба", - деди. Пайгамбарыбыз (ага Аллахтын тынчтыгы жана мактоосу болсун): «Мен сенден кийин төрт сөздү үч жолу айттым, эгерде алар сенин бүгүн айткандарың менен таразага тартылса, алардан оор келмек: Аллахка Анын жараткандарынын санындай, Өзү ыраазы болгондой, Аршынын салмагындай жана сөздөрүнүн көлөмүндөй көп-көп мактоолор болсун. Биз Аллахты ар кандай кемчилдиктүү сыпаатардан аруулайбыз!» - деди."

"Ким түнү Бакара сүрөсүнүн акыркы эки аятын окуса, ага жетиштүү болот".