«پارشێو بکەن؛ چونکە پارشێوکردن بەرەکەت وپیرۆزی تێدایە».

لە ئەنەسی کوڕی مالیکەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت:

«پارشێو بکەن؛ چونکە پارشێوکردن بەرەکەت وپیرۆزی تێدایە».

«تَسَحَّرُوا، فَإِنَّ فِي السَّحُورِ بَرَكَةً».

(البخاري ومسلم) بەهاوبەشی گێڕاویانەتەوە
حديث صحيح
شیکردنەوە

پێغەمبەر -صلى اللە علیە وسلم- هانی مسوڵمانانی داوە بۆ پارشێو كردن، ئەمیش بریتیە لە خواردن لە كۆتایی شەو وەكو ئامادەكارییەك بۆ ڕۆژووگرتن، پارشێو كردن بەرەكەت وخێر وپاداشتی زۆری تێدایە، هەروەها یارمەتیدەرە: بۆ نزا كردن لە كۆتایی شەودا، وبۆ بەهێزی وچالاكبوون لەكاتی بەڕۆژووبووندا، ودەبێتە هۆی كەمكردنەوەی ناڕەحەتیەكانی.

لە سوودەکانی فەرموودەکە

پارشێوکردن سوننەتە، وئەنجامدانى جێبەجێکردنی فەرمانى شەریعەتە.

ئیبن حەجەر لە (فتح الباري)دا دەڵێت: بەرەكەت وپیرۆزی لە پارشێودا دێتە دی لە چەند ڕێگایەكەوە، لەوانەیش: شوێنكەوتنی سوننەتە، وپێچەوانەكردنی خاوەن كتێبەكانە -جولەكە وگاوڕەكان-، وبەهێزكردنی لاشەیە بۆ ئەنجامدانی پەرستن، وزیادكردنی چالاكی لاشەیە، ودوورخستنەوەی ڕەوشت خراپیە كە لەوەیە بەهۆی برسێتیەوە ڕووبدات، هۆكارە بۆ خێر كردن لەسەر ئەو كەسەی داوا دەكات یان لەگەڵی دادەنیشێت بۆ خواردن لەو كاتەدا، هۆكارە بۆ زیكر ونزا كردن لە كاتێكدا كە هیوا هەیە بە وەڵامدانەوەی نزا تێیدا، ونوێكردنەوەی نیەتە بۆ ئەو كەسەی بێ ئاگا بووە لێی لە پێش خەوتن.

جوانى فێرکردنی پێغەمبەر -صلى اللە علیە وسلم- چونکە حوکم وحیکمەتی پێکەوە باسکردووە؛ بۆئەوەى دڵ ئاسوودە وفراوان بێتەوە، هەروەها بەرزی ومەزنی شەریعەت دەربکەوێت.

ئیبن حەجەر دەڵێت: پارشێو دەكرێت بە كەمترین بڕ لە خواردن وخواردنەوە كە كەسێك دەیخوات یان دەیخواتەوە.

سەرچاوەكان
زیاتر (6)

سەحیحی البخاري (3/ 29) (1923).

سەحیحی مسلم (2/ 770) (1095).

تيسير العلام.

لعبد الله البسام (ص317).

تنبيه الأفهام شرح عمدة الإحكام.

لابن عثيمين (3/ 416).

8 کتێبەکان
زیاتر (8)
هەموو کارتەکان