ವಿಧವೆ ಮತ್ತು ಬಡವರಿಗಾಗಿ ಪರಿಶ್ರಮಪಡುವವರು ಅಲ್ಲಾಹನ ಮಾರ್ಗದಲ್ಲಿ ಯುದ್ಧ ಮಾಡುವವರಿಗೆ, ಅಥವಾ ರಾತ್ರಿಯಿಡೀ ನಮಾಝ್ ಮಾಡುವವರು ಮತ್ತು ಹಗಲಿಡೀ ಉಪವಾಸ ಆಚರಿಸುವವರಿಗೆ ಸಮವಾಗಿದ್ದಾರೆ

ಇಬ್ನ್ ಹುಬೈರ ಹೇಳುತ್ತಾರೆ: "ಇದರ ಅರ್ಥವೇನೆಂದರೆ, ಅಲ್ಲಾಹು ಅವರಿಗೆ ಒಂದೇ ಸಲಕ್ಕೆ ಉಪವಾಸ ಆಚರಿಸುವವರ, ನಮಾಝ್ ಮಾಡುವವರ ಮತ್ತು ಯುದ್ಧ ಮಾಡುವವರ ಪ್ರತಿಫಲವನ್ನು ನೀಡುತ್ತಾನೆ. ಏಕೆಂದರೆ, ಅವರು ತಮ್ಮ ಶಕ್ತಿ ಮತ್ತು ಸಂಪತ್ತಿಗೆ ಅನುಸಾರವಾಗಿ ಖರ್ಚು ಮಾಡುತ್ತಾ, ವಿಧವೆಗೆ ಅವಳ ಗಂಡನ ಸ್ಥಾನದಲ್ಲಿ ನಿಂತು ಸೇವೆ ಮಾಡುತ್ತಾರೆ ಮತ್ತು ಸ್ವಯಂ ತಮ್ಮ ಅಗತ್ಯಗಳನ್ನು ನೆರವೇರಿಸಲು ಸಾಧ್ಯವಾಗದ ನಿರ್ಗತಿಕರಿಗೆ ಅವರ ಅಗತ್ಯಗಳನ್ನು ಪೂರೈಸಿಕೊಡುತ್ತಾರೆ. ಆದ್ದರಿಂದ ಅವರಿಂದ ಉಂಟಾಗುವ ಪ್ರಯೋಜನವು ಉಪವಾಸ, ನಮಾಝ್ ಮತ್ತು ಯುದ್ಧಕ್ಕೆ ಸಮವಾಗಿರುತ್ತದೆ.