Encyclopedia of Prophetic Hadiths

((ته‌قوا خودێ بكه‌ ل هه‌ر جهێ تو لێ بی، پشتی هه‌ر گونه‌هه‌كێ ژی خێره‌كێ بكه‌، ئه‌و خێر دێ وێ گونه‌هێ ژێبه‌ت و ب ڕه‌وشته‌كێ جوان سه‌ره‌ده‌رییێ د گه‌ل خه‌لكی بكه‌)).

((هه‌ر كه‌سێ خۆ وه‌كی هنده‌كێن دی لێ بكه‌ت؛ ئه‌و ژ وانه‌)).

((مالێن خۆ نه‌كه‌نه‌ گۆڕستان، قه‌برێ من ژی نه‌كه‌نه‌ جه‌ژن (كو به‌رده‌وام بهێنه‌ سه‌ر) و صه‌له‌واتان بده‌نه‌ سه‌ر من، چونكی ب ڕاستی هه‌ر جهێ هوین لێ بن؛ صه‌له‌واتێن هه‌وه‌ دگه‌هنه‌ من)).

((ب ڕاستی ژ خرابترینێ مرۆڤان ئه‌ون یێن قیامه‌ت ب سه‌ر واندا دهێت و ئه‌و د ساخ و ئه‌وێن گۆڕان (قه‌بران) دكه‌نه‌ مزگه‌فت)).

ده‌مێ ئایه‌تا: {ثُمَّ لَتُسْأَلُنَّ يَوْمَئِذٍ عَنِ النَّعِيمِ} هاتییه‌ خوارێ، زۆبه‌یری گۆت: ئه‌ی پێغه‌مبه‌رێ خودێ؛ ئه‌رێ دێ ل سه‌ر كیژ خۆشی و نیعمه‌تان پرسیار ژ مه‌ هێته‌ كرن، ئه‌رێ ئه‌و ب تنێ هه‌ردوو ڕه‌شاتینه‌ (قه‌سپ و ئاڤ)؟ گۆت: ((ئه‌و (پرسیاركرن) دێ هه‌ر هێت)).

((هه‌ر كه‌سێ زیانێ بگه‌هینیته‌ موسلمانه‌كی؛ خودێ ژی دێ زیانێ گه‌هینیته‌ وی و هه‌ر كه‌سێ زه‌حمه‌ت و بارگرانییێ بۆ موسلمانه‌كی دروست بكه‌ت؛ خودێ ژی دێ زه‌حمه‌ت و بارگرانییێ بۆ دروست كه‌ت)).

كۆمه‌كا خه‌لكی (ده‌هـ كه‌س بوون) هاتنه‌ ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، به‌یعه‌ت ژ نه‌ھ كه‌سان وه‌رگرت، به‌لێ ئێك ژ وان هێلا و به‌یعه‌ت ژێ وه‌رنه‌گرت. گۆتن: ئه‌ی پێغه‌مبه‌رێ خودێ، ته‌ به‌یعه‌ت ژ نه‌ھ كه‌سان وه‌رگرت و ته‌ ئه‌ڤه‌ هێلا؟ گۆت: ((چونكی نڤشتییه‌ك یا ب ویڤه‌))، ڤێجا وی زه‌لامی ده‌ستێ خۆ بره‌ وێ نڤشتییێ و ژ ستۆیێ خۆ ڤه‌كر و پڕچاند، پاشی پێغه‌مبه‌ری (صه‌لات و سه‌لامێن خودێ ل سه‌ر بن) به‌یعه‌ت ژێ وه‌رگرت و گۆت: ((هه‌ر كه‌سێ نڤشتییه‌كێ (ب مه‌ره‌ما پاراستنێ) ب خۆڤه‌ بكه‌ت، ئه‌ڤه‌ وی شرك كر)).

((ل ده‌ڤ خودایێ مه‌زن خۆ تشته‌ك ژ دوعایێ باشتر و بهاتر نینه‌)).