Encyclopedia of Prophetic Hadiths

((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).

((هه‌ر تشته‌كێ مرۆڤ پێ سه‌رخۆش بیت؛ عه‌ره‌قه‌ و هه‌ر تشته‌كێ سه‌رخۆشكه‌ر بیت یێ حه‌رامه‌، و هه‌ر كه‌سێ بمریت و د دونیایێدا ئه‌وی عه‌ره‌ق ڤه‌دخوار و بووبوو مودمنێ عه‌ره‌قێ (به‌رده‌وام ڤه‌دخوار)و ژێ ته‌وبه‌ نه‌كر؛ ئه‌و ل ئاخره‌تێ ڤه‌ناخۆت )).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ ده‌ست ب نڤێژێ دكر ده‌ستێن خۆ هه‌تا ڕاستا هه‌ردوو ملێن خۆ بلند دكرن، ده‌مێ ته‌كبیرا چوونا ڕكوعێ دكر و ده‌مێ سه‌رێ خۆ ژ ڕوكوعێ بلند دكر، هه‌ر ده‌ستێن خۆ بلند دكرن و دگۆت: «سَمِعَ اللَّهُ لِمَنْ حَمِدَهُ، رَبَّنَا وَلَكَ الحَمْدُ»، و ئه‌ڤه‌ د سوجدێدا نه‌دكر.

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) پاشڤه‌برن ژ قه‌زه‌عێ كر (قه‌زه‌ع ژی ئه‌ڤه‌یه‌ مرۆڤ هنده‌ك ژ پرچا خۆ بتڕاشیت و هنده‌كێ بهێلیت).

((به‌رده‌وام جبریلی شیره‌ت ب قه‌نجی و باشییا د گه‌ل جیرانی ل من كر هه‌تا من هزركری جيران دێ بیته‌ میراتگرێ جيرانێ خۆ)).

((هوین هه‌می شڤانن (به‌رپرسن) و هه‌ر ئێك ژ هه‌وه‌ به‌رپرسه‌ ژ وان كه‌سێن ل بن به‌رپرسیارییا خۆ، سه‌رۆك و ڕێبه‌ر شڤانه‌ ل سه‌ر خه‌لكی و به‌رپرسه‌ ژ وان، زه‌لام شڤانه‌ ل سه‌ر كه‌سوكارێن مالا خۆ و به‌رپرسه‌ ژ وان، ژن شڤانه‌ د مالا زه‌لامێ خۆدا و ل سه‌ر زارۆكێن وی و به‌رپرسه‌ ژ وان، عه‌بد (خزمه‌تكار) شڤانه‌ ل سه‌ر مالێ مه‌زنێ خۆ و به‌رپرسه‌ ژێ، ڤێجا بزانن كو هوین هه‌می شڤانن و هوین هه‌می به‌رپرسن ژ ژ وان كه‌سێن ل بن به‌رپرسیارییا هه‌وه‌)).

من ده‌ھ ڕكاعه‌ت (یێن سوننه‌ت) ژ پێغه‌مبه‌ری (صه‌لات و سه‌لامێن خودێ ل سه‌ر بن) ژبه‌ركرن‌: دوو ڕكاعه‌ت به‌ری نڤێژا نیڤڕۆ، دوو ڕكاعه‌ت پشتی وێ، دوو ڕكاعه‌ت پشتی نڤێژا مه‌غره‌ب ل مالا وی، دوو ڕكاعه‌ت پشتی نڤێژا عه‌یشا ل مالا وی و دوو ڕكاعه‌ت به‌ری نڤێژا سپێدێ، ئه‌و ده‌مه‌ك بوو كه‌س تێدا نه‌دچوو ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن). حه‌فصایێ بۆ من گۆت كو ده‌مێ بانگهلدێری بانگ ددا و ده‌مێ نڤێژێ هاتبا سپێده‌ هه‌لاتبا ؛ وی دوو ڕكاعه‌ت دكرن. د ڤه‌گوهاستنه‌كا دیدا هاتییه‌: پێغه‌مبه‌ری (صه‌لات و سه‌لامێن خودێ ل سه‌ر بن) پشتی نڤێژا ئه‌ینییێ ژی دوو ڕكاعه‌ت دكرن.

((فه‌رمان ل من هاتییه‌ كرن ئه‌ز شه‌ڕێ خه‌لكی بكه‌م هه‌تا ئه‌و شاهده‌ دده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌، و نڤێژان بكه‌ن و زه‌كاتێ بده‌ن، ڤێجا ئه‌گه‌ر وان ئه‌ڤ چه‌نده‌ كر؛ ئێدی خوین و مالێ وان دێ ل سه‌ر من هێته‌ قه‌ده‌غه‌كرن، ئه‌و تێنه‌بیت ئه‌گه‌ر ب حه‌قێ ئیسلامێ بهێته‌ وه‌رگرتن، و حسێب و لێپرسینا وان ل سه‌ر خودێیه‌».