Skip to content
417 Hadiths

Encyclopedia of Prophetic Hadiths

Filter results

12 of 417 cards

Clear filters
Filter
Pick a property to filter by
الفئة المستهدفة1
حجم المحتوى4
التخريج المتعدد2
حجم المحتوى: متوسط
پێغه‌مبه‌ر (صه‌لات و سه‌لامێن خودێ ل سه‌ر بن) د به‌ر دوو گۆڕاندا ده‌ربازبوو و گۆت: ((ئه‌و هه‌ردوو یێن دهێنه‌ سزادان و ئه‌و ل سه‌ر تشته‌كێ وه‌سا ناهێنه‌ سزادان كو ل ده‌ڤ هه‌وه‌ یێ مه‌زن بیت (به‌لێ ل ده‌ڤ خودێ یێ مه‌زنه‌)، یێ ئێكێ خۆ ژ میزێ نه‌دپاراست، یێ دی ژی ئاخڤتن ڤه‌دگوهاستن (فه‌سادی دكر))). پاشی چه‌قه‌كێ ته‌ڕ یێ دارخورمێ ئینا و كره‌ دوو كه‌ر و ل سه‌ر هه‌ر گۆڕه‌كی ئێك چكلاند. گۆتنێ: ئه‌ی پێغه‌مبه‌رێ خودێ، ته بۆچی‌ ئه‌ڤه‌ كر؟ گۆت: ((دا به‌لكی هندی هشك نه‌بووین سزای ل سه‌ر وان سڤك بكه‌ن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالأخلاق الذميمة، أهوال القبور، الاستنجاء وقضاء الحاجة، الحياة البرزخيةموضوعات الحديثالنميمة، الإيمان باليوم الآخر، عدم التنزه من البول
((پێغه‌مبه‌ری (صه‌لات و سه‌لامێن خودێ ل سه‌ر بن) بۆ هه‌ر نڤێژه‌كێ ده‌ستنڤێژه‌ك دگرت، (ئه‌نه‌سی) گۆت: من گۆت: ئه‌رێ هوین چ دكه‌ن؟ گۆت: هندی ده‌ستنڤێژا مه‌ نه‌كه‌ڤتبا؛ ده‌ستنڤێژا مه‌ تێرا مه‌ دكر و مه‌ نوی نه‌دكر)).
فه‌رمووده‌یه‌كا دروسته‌ بۆخاری ڤێ فه‌رمووده‌یێ ڤه‌دگوهێزیت
التصنيف الشرعيفضل الوضوء، سنن وآداب الوضوء، نواقض الوضوءموضوعات الحديثأحكام الوضوء
«ده‌مێ هوین چوونه‌ تاره‌تێ؛ به‌رێ خۆ نه‌ده‌نه‌ قیبلێ و پشتا خۆ ژی نه‌كه‌نێ، به‌لكی به‌رێ خۆ بده‌نه‌ لایێ ڕۆژهه‌لاتێ یان ڕۆژئاڤایێ». ئه‌بو ئه‌یووبی گۆت: ئه‌م چووینه‌ وه‌لاتێ شامێ و مه‌ دیت كو ئاڤده‌ستێن وان یێن به‌ره‌ڤ قیبلێڤه‌ هاتینه‌ ئاڤاكرن، مه‌ ژی خۆ خوار دكر و داخوازا لێبوورینێ ژ خودێ دكر.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيإزالة النجاسات، الاستنجاء وقضاء الحاجةموضوعات الحديثآداب قضاء الحاجة
ئه‌ز زه‌لامه‌ك بووم گه‌له‌ك مه‌زی ژ من دهات و من شه‌رم دكر پرسیارێ ژ پێغه‌مبه‌ری (صه‌لات و سه‌لامێن خودێ ل سه‌ر بن) بكه‌م، چونكی كچا وی ل ده‌ڤ من بوو (هه‌ڤژینا من بوو)، ڤێجا من فه‌رمان ل میقدادێ كوڕێ ئه‌سوه‌دی كر كو ئه‌و پرسیارێ ژێ بكه‌ت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((دێ ئه‌ندامێ خۆ یێ نێرینه‌ شۆت، پاشی دێ ده‌ستنڤێژێ گریت)). د ڤه‌گوهاستنا بۆخاریدا هاتییه‌: ((ده‌ستنڤێژێ بگره‌ و ئه‌ندامێ خۆ یێ نێرینه‌ بشۆ)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيآداب العالم والمتعلم، إزالة النجاسات، نواقض الوضوءموضوعات الحديثالحياء، أحكام الاستنجاء والاستجمار، أحكام الوضوء
((ئه‌گه‌ر ئێك ژ هه‌وه‌ ده‌ستنڤێژ گرت، بلا ئاڤێ بكه‌ته‌ د دفنا خۆدا و پاشی ده‌ربێخیت، و هه‌ر كه‌سێ خۆ ب به‌ران پاقژ بكه‌ت بلا هژمارا به‌رێن خۆ بكه‌ته‌ تاك، و ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ بشۆت به‌ری بكه‌ته‌ د ئاڤا ده‌ستنڤێژێدا، چونكی ئێك ژ هه‌وه‌ نزانیت كا ب شه‌ڤ ده‌ستێ وی ل كیرێ مایه‌)). و د ڤه‌گوهاستنا موسلمیدا هاتییه‌: ((ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ نه‌كه‌ته‌ د ناڤ ئامانیدا هه‌تا سێ جاران نه‌شۆت، چونكی ئه‌و نزانیت كا ب شه‌ڤ ده‌ستێ وی ل كیرێ مایه‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيآداب النوم والاستيقاظ، الآنية، الاستنجاء وقضاء الحاجة، سنن وآداب الوضوء، صفة الوضوءموضوعات الحديثأحكام الاستنجاء والاستجمار، أحكام الوضوء
من ئاڤ بۆ پێغه‌مبه‌ری (صه‌لات و سه‌لامێن خودێ ل سه‌ر بن) ئاماده‌ كر دا سه‌رێ خۆ پێ بشۆت و من ب ڕێكا پارچه‌ قۆماشه‌كی په‌رده‌ بۆ گرت، ئینا ئاڤ ل ده‌ستێن خۆ كر و ئه‌و شویشتن، پاشی ب ده‌ستێ ڕاستێ ئاڤ ب سه‌ر یێ چه‌پێدا كر و عه‌وره‌تێ خۆ شویشت، پاشی ده‌ستێ خۆ ل ئه‌ردی دا و پاشی پاقژ كر (مه‌سحكر)، پاشی شویشت، پاشی ئاڤ د ده‌ڤ و دفنا خۆ وه‌ردا و سه‌روچاڤ و هه‌ردوو زه‌ندكێن خۆ شویشتن، پاشی ئاڤ ب سه‌ر سه‌رێ خۆدا كر و ب سه‌ر هه‌می له‌شێ خۆدا ئینا، پاشی ژ جهێ خۆ چوو و هه‌ردوو پێیێن خۆ شویشتن، من ژی پارچه‌كا قۆماشی داڤێ دا خۆ پێ پاقژ بكه‌ت به‌لێ وه‌رنه‌گرت، ڤێجا چوو و ده‌ستپێكر ب ده‌ستێن خۆ ئاڤ ل سه‌ر له‌شێ خۆ ڕاكر و خۆ هشك كر.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصفة الغسلموضوعات الحديثأحكام الغسل
ئه‌ز ل وێرێ یێ ئاماده‌بووم ده‌مێ عه‌مرێ كوڕێ ئه‌بو حه‌سه‌نی پرسیار ژ عه‌بدولڵاھێ كوڕێ زه‌یدی كری ده‌رباره‌ی ده‌ستنڤێژا پێغه‌مبه‌ری (صه‌لات و سه‌لامێن خودێ ل سه‌ر بن)، ئینا عه‌بدولڵاھی داخوازا ئامانه‌كێ ئاڤێ كر، پاشی ده‌ستنڤێژه‌كا وه‌كی یا پێغه‌مبه‌ری (صه‌لات و سه‌لامێن خودێ ل سه‌ر بن) بۆ وان گرت، ڤێجا ئامان وه‌رگێڕا و ئاڤ ب سه‌ر ده‌ستێ خۆدا كر و سێ جاران ده‌ستێن خۆ شویشتن، پاشی ده‌ستێ خۆ كره‌ د ئاڤێدا و ئاڤ د ده‌ڤ و دفنێن خۆ وه‌ردا و پاشی ئینا ده‌ر، ئه‌ڤه‌ ژی سێ جاران ئه‌نجام دا، پاشی ده‌ستێ خۆ كره‌ تێدا و سێ جاران سه‌روچاڤێن خۆ شویشتن، پاشی هه‌ردوو ده‌ستێن خۆ هه‌تا ئه‌نیشكان دوو جاران شویشتن، پاشی ده‌ستێ خۆ كره‌ تێدا و مه‌سحا سه‌رێ خۆ كر، ڤێجا ب هه‌ردوو ده‌ستان ژ پێشییا سه‌ری چوو هه‌تا پاشییا سه‌ری و پاشی زڤڕانده‌ جهێ ده‌ستپێكێ، ئه‌ڤه‌ ئێك جار ئه‌نجامدا، پاشی هه‌ردوو پێیێن خۆ هه‌تا گۆزه‌كان شویشتن.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصفة الوضوءموضوعات الحديثأحكام الوضوء
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ئه‌ز بۆ كاره‌كی فرێكرم و ئه‌ز تووشی جه‌نابه‌تێ بووم و من ئاڤ نه‌دیت، ڤێجا من خۆ د ناڤ ئاخا سه‌ر ئه‌ردیدا گه‌ڤزاند ، هه‌روه‌كی كا چاوا گیانه‌وه‌ر خۆ تێدا وه‌ردكه‌ن، پاشی ئه‌ز هاتمه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و من ئه‌ڤ چه‌نده‌ بۆ وی گۆت، گۆت: ((ب تنێ به‌س بوو تو ب ده‌ستێن خۆ ئه‌ڤێ بكه‌ی))، پاشی هه‌ردوو ده‌ستێن خۆ ئێك جار ل ئه‌ردی دان و مه‌سحا ده‌ستێ چه‌پێ ل سه‌ر یێ ڕاستێ كر و پشتا ده‌ستێن خۆ و سه‌روچاڤێن خۆ پێ مه‌سح كرن.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصفة التيممموضوعات الحديثأحكام التيمم