((ژ من ڤه‌گێڕن و به‌لاڤ بكه‌ن ئه‌گه‌ر خۆ ئایه‌ته‌كا ب تنێ بیت، ئاخڤتنان ژ به‌نو ئیسرائیلییان ڤه‌گوهێزن و چ ل سه‌ر هه‌وه نینه (ماده‌م دژی قورئان و فه‌رمووده‌یان نینه) و هه‌ر كه‌سێ ب مه‌ره‌م دره‌وه‌كێ ب زار ده‌ڤێ من بكه‌ت؛ بلا جهه‌كی بۆ خۆ ل ناڤ ئاگرێ جه‌هنه‌مێ ئاماده بكه‌ت))
ژ عه‌بدولڵاهێ كوڕێ عه‌مری (خودێ ژ هه‌ردووکان ڕازی بیت) ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((ژ من ڤه‌گێڕن و به‌لاڤ بكه‌ن ئه‌گه‌ر خۆ ئایه‌ته‌كا ب تنێ بیت، ئاخڤتنان ژ به‌نو ئیسرائیلییان ڤه‌گوهێزن و چ ل سه‌ر هه‌وه نینه (ماده‌م دژی قورئان و فه‌رمووده‌یان نینه) و هه‌ر كه‌سێ ب مه‌ره‌م دره‌وه‌كێ ب زار ده‌ڤێ من بكه‌ت؛ بلا جهه‌كی بۆ خۆ ل ناڤ ئاگرێ جه‌هنه‌مێ ئاماده بكه‌ت)).
«بَلِّغُوا عَنِّي وَلَوْ آيَةً، وَحَدِّثُوا عَنْ بَنِي إِسْرَائِيلَ وَلَا حَرَجَ، وَمَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ».
پێغەمبەر (صەلات و سەلامێن خودێ ل سەر بن) فه‌رمانێ دكه‌ت ب به‌لاڤكرنا زانینێ ژ وی ژ قورئانێ یان سوننه‌تێ، خۆ ئه‌گه‌ر تشته‌كێ كێم ژی بیت، وه‌كی ئایه‌ته‌كێ یان فه‌رمووده‌یه‌كێ، ب وی مه‌رجی ئه‌و كه‌سێ ڤێ زانینێ دگه‌هینیت بزانیت چ دگه‌هینیت و گازی بۆ دكه‌ت. پاشی پێغەمبەری (صەلات و سەلامێن خودێ ل سەر بن) دیار كر كو ڤه‌گێڕان ژ به‌نو ئیسرائیلییان بۆ وی تشتێ ب سه‌رێ وان هاتی كاره‌كێ دروست و ئاساییه، به‌لێ نابیت ئه‌ڤ ڤه‌گێڕانه دژی شه‌ریعه‌تێ مه بن. پاشی پێغەمبەری (صەلات و سەلامێن خودێ ل سەر بن) هشیاركرن ژ وێ ئێكێ كر مرۆڤ دره‌وێ ل سه‌ر وی بكه‌ت (ئانكو ژ دره‌و ئاخڤتنه‌كێ بده‌ته پال وی و وی ئه‌و ئاخڤتن نه‌كربیت) و هه‌ر كه‌سێ ب مه‌ره‌م دره‌وه‌كێ ب زار ده‌ڤێ ویڤه بكه‌ت؛ بلا جهه‌كی بۆ خۆ ل ناڤ ئاگرێ جه‌هنه‌مێ ئاماده بكه‌ت.
لا حرج: لا إثم ولا ذنب.
بنو اسرائيل: هم بنو يعقوب بن إسحاق بن إبراهيم، فإسرائيل لقب ليعقوب. والمراد أتباع دينهم من اليهود والنصارى.
هاندان ل سه‌ر گه‌هاندنا شه‌ریعه‌تێ خودێ و كو ئه‌و چه‌ند ل سه‌ر مرۆڤییه یا مرۆڤی ژبه‌ركری و تێگه‌هشتی، خۆ ئه‌گه‌ر تشته‌كێ كێم ژی بیت.
پێدڤییه مرۆڤ داخوازا زانینا شه‌رعی بكه‌ت و خۆ شاره‌زا بكه‌ت، دا بشێت ب ڕه‌نگه‌كێ دروست عیباده‌تێ خودێ بكه‌ت و شه‌ریعه‌تێ وی بگه‌هینیت.
پێدڤییه مرۆڤ خۆ ژ دروستییا هه‌ر فه‌رمووده‌یه‌كا ڤه‌دگێڕیت یان به‌لاڤ دكه‌ت پشتڕاست بكه‌ت، ئه‌ڤه ژی وه‌ك هشیاربوونه‌ك ژ هندێ بچیته د بن ڤێ گه‌فا دژوارڤه.
هاندان ل سه‌ر ڕاستگۆییێ د ئاخڤتنێدا و هشیاربوونێ د ڤێ ئاخڤتنێدا، هه‌تا نه‌كه‌ڤیته د ناڤ دره‌وێدا، ب تایبه‌تی ژی د شه‌ریعه‌تێ خودایێ مه‌زندا.
زێده‌تر (7)
صه‌حیحا بۆخاری (4/ 170) (3461).
بهجة الناظرين شرح رياض الصالحين.
لسليم الهلالي (2/ 464).
نزهة المتقين.
لمصطفى الخن وغيره (2/ 951).
شرح رياض الصالحين.
لابن عثيمين (5/ 429).