((دلێ خۆ نه‌به دونیایێ؛ خودێ دێ حه‌ز ژ ته كه‌ت، دلێ خۆ نه‌به وی تشتێ ل ده‌ڤ خه‌لكی هه‌ی؛ خه‌لك ژی دێ حه‌ز ژ ته كه‌ن))
ژ ئه‌بو عه‌باسی، سه‌هلێ كوڕێ سه‌عدێ ساعدی (خودێ ژێ ڕازی بیت) گۆت: زه‌لامه‌ك هاته ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن)، گۆت: ئه‌ی پێغه‌مبه‌رێ خودێ؛ كاره‌كی نیشا من بده كو ئه‌گه‌ر من كر؛ خودێ ژی حه‌ز ژ من بكه‌ت، خه‌لك ژی حه‌ز ژ من بكه‌ن، گۆت:
((دلێ خۆ نه‌به دونیایێ؛ خودێ دێ حه‌ز ژ ته كه‌ت، دلێ خۆ نه‌به وی تشتێ ل ده‌ڤ خه‌لكی هه‌ی؛ خه‌لك ژی دێ حه‌ز ژ ته كه‌ن)).
«ازْهَدْ فِي الدُّنْيَا يُحِبُّكَ اللَّهُ، وَازْهَدْ فِيمَا عِنْدَ النَّاسِ يُحِبُّكَ النَّاسُ».
زه‌لامه‌كی پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر كو به‌رێ وی بده‌ته كاره‌كی كو ئه‌گه‌ر كر؛ خودێ حه‌ز ژ وی بكه‌ت و خه‌لك ژی حه‌ز ژ وی بكه‌ن، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ: خودێ دێ حه‌ز ژ ته كه‌ت ئه‌گه‌ر ته تشتێ زێده یێ دونیایێ و ئه‌و تشتێ د ئاخره‌تێدا مفایێ ته ژێ نه‌بیت هێلا و ته ئه‌و تشت ژی هێلا یێ كو دشێت زیانێ ب دینێ ته بگه‌هینیت. خه‌لك ژی دێ حه‌ز ژ ته كه‌ن ئه‌گه‌ر ته خۆ ژ وی تشتێ د ده‌ستێ واندا هه‌ی ژ دونیایێ دویركر، ژ به‌ر كو ئه‌و ب سرۆشتێ خۆ حه‌ز ژ وی تشتی دكه‌ن و یێ داخوازا وی تشتێ د ده‌ستێ واندا هه‌ی بكه‌ت و دلێ خۆ ببه‌تێ و هه‌ڤڕكییێ د گه‌ل وان بكه‌ت؛ دێ كه‌ربێن وان ژ وی ڤه‌بن و یێ وی تشتی بهێلیت؛ دێ حه‌ز ژ وی كه‌ن.
باشییا زاهدبوونێ د دونیایێدا كو ئه‌و ژی ئه‌ڤه‌یه: مرۆڤ وی تشتی بهێلیت یێ بۆ ئاخره‌تێ چ مفا تێدا نه‌بیت.
زوهد ژی پله‌یه‌كا بلندتره ژ وه‌ره‌عێ، چونكی وه‌ره‌ع هێلانا وی تشتییه یێ زیانێ ب ئاخره‌تا مرۆڤی دگه‌هینیت، به‌لێ زوهد هێلانا وی تشتییه یێ چ مفا بۆ ئاخره‌تا مرۆڤی تێدا نه‌بیت.
سندی گۆت: دونیا ل ده‌ڤ خه‌لكی یا خۆشتڤییه، له‌وا یێ هه‌ڤڕكییێ د گه‌ل وان بكه‌ت ل سه‌ر وێ؛ دێ بیته كه‌سه‌كێ خراب ل ده‌ڤ وان و دێ كه‌ربێن وان ژێ ڤه‌بن، ل دویڤ وێ هه‌ڤڕكییا ئه‌و د گه‌ل دكه‌ت، به‌لێ یێ وان و خۆشتڤییا وان بهێلیت و دلێ خۆ نه‌به‌تێ؛ دێ ل دویڤ ئاستێ هێلانا وی بیته كه‌سه‌كێ خۆشتڤی ل ده‌ڤ وان.
زێده‌تر (8)
چل فه‌رمووده‌یێن نه‌وه‌وی (ص118) (ح31).
سونەنا ئبن ماجه (5/ 225) (4102).
التحفة الربانية في شرح الأربعين حديثًا النووية (ص73).
فتح القوي المتين في شرح الأربعين وتتمة الخمسين (ص111).
الفوائد المستنبطة من الأربعين النووية.
للشيخ عبد الرحمن البراك (ص87).
الأحاديث الأربعون النووية وعليها الشرح الموجز المفيد.
لعبد الله بن صالح المحسن (1/61).
Cited in books
4 Booksزێده‌تر (4)
- رياض الصالحينرياض الصالحين مع فوائد وهدايات - 3«ازهَدْ في الدُّنْيَا يُحِبَّكَ اللهُ، وَازْهَدْ فِيمَا عِنْدَ النَّاسِ يُحِبَّكَ النَّاسُ».
- شرح الأربعين النووية«ازْهَدْ فِي الدُّنْيَا يُحِبُّك اللَّهُ، وَازْهَدْ فِيمَا عِنْدَ النَّاسِ يُحِبُّك النَّاسُ».
- مجموعة زاد الحديث(2)1(وازهدْ فيما عندَ الناسِ)
- مجموعة زاد الحديث(2)1(ازْهَدْ فِي الدُّنْيَا يُحِبَّكَ الله...)