پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌یعه‌ت دامه (سۆز و په‌یمان ژ مه وه‌رگرتن) ل سه‌ر گوهداریكرنێ و جێبه‌جێكرنا فه‌رمانێن كاربده‌ستان ل ده‌مێ به‌رته‌نگی و به‌رفره‌هییێ، د وی تشتێ بۆ مرۆڤی یێ خۆش و د وی تشتێ بۆ مرۆڤی یێ نه‌خۆش، بگره خۆ ل ده‌مێ ئه‌و مافێن خۆ ل پێش مه دئێخن
عوباده‌یێ كوڕێ صامتی (خودێ ژێ ڕازی بیت) دبێژیت:
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌یعه‌ت دامه (سۆز و په‌یمان ژ مه وه‌رگرتن) ل سه‌ر گوهداریكرنێ و جێبه‌جێكرنا فه‌رمانێن كاربده‌ستان ل ده‌مێ به‌رته‌نگی و به‌رفره‌هییێ، د وی تشتێ بۆ مرۆڤی یێ خۆش و د وی تشتێ بۆ مرۆڤی یێ نه‌خۆش، بگره خۆ ل ده‌مێ ئه‌و مافێن خۆ ل پێش مه دئێخن، هه‌روه‌سا كو ئه‌م هه‌ڤڕكییێ ل سه‌ر ده‌ستهه‌لاتێ د گه‌ل خودانێن ده‌ستهه‌لاتێ نه‌كه‌ین، و ل سه‌ر هندێ كو ئه‌م ئاخڤتنا حه‌قییێ بێژین خۆ ئه‌م ل كیڤه بین، بۆ ڤێ چه‌ندێ ژی ئه‌م ژ لۆمه‌كرنا چ لۆمه‌كه‌ران نه‌ترسین.
بَايَعْنَا رسولَ اللهِ صلى الله عليه وسلم على السَّمْعِ وَالطَّاعَةِ فِي الْعُسْرِ وَالْيُسْرِ، وَالْمَنْشَطِ وَالْمَكْرَهِ، وعلى أَثَرَةٍ علينا، وعلى أَلَّا نُنَازِعَ الْأَمْرَ أهلَه، وعلى أَنْ نَقُولَ بِالْحَقِّ أينما كُنَّا، لا نَخَافُ في الله لَوْمَةَ لَائِمٍ.
پێغه‌مبه‌ری (صه‌لات و سه‌لامێن خودێ ل سه‌ر بن) سۆز و په‌یمان ژ صه‌حابییان وه‌رگرت ل سه‌ر گوهداریكرنا مه‌زن و كاربده‌ستێن خۆ د كاروبارێن بۆ وان ب ساناهی و یێن ب زه‌حمه‌ت و ل ده‌مێ ئه‌و د زه‌نگین و ل ده‌مێ ئه‌و د هه‌ژار، چ ئه‌ڤ فه‌رمانێن كاربده‌ستێن وان ل وان دكه‌ن ژ وان تشتان بن یێن نه‌فسێن وان حه‌ز ژێ دكه‌ن یان ژی ئه‌و بن یێن بۆ نه‌فسێن وان د نه‌خۆش، خۆ ئه‌گه‌ر مه‌زن و كاربده‌ستان مال و سامانێ گشتی یان پۆست و پله و تشتێن دی دانه هنده‌ك كه‌سان ژ ملله‌تێ خۆ و نه‌دانه هنده‌كێن دی، خۆ ل ڤی ده‌می ژی پێدڤییه ئه‌و د باشییێدا گوهدارییا وان بكه‌ن و ژ بن فه‌رمانا وان ده‌رنه‌كه‌ڤن، چونكی ئه‌و فتنه و خرابییا د شه‌ڕكرنا د گه‌ل واندا په‌یدا دبیت؛ مه‌زنتره ژ وێ خرابییا ژ به‌ر زۆڕدارییا كاربده‌ستان په‌یدا دبیت، هه‌ر ژ وی تشتێ سۆز و په‌یمان پێ داینه وان ئه‌ڤه‌یه ئه‌و ئاخڤتنا حه‌قییێ بێژن خۆ ل كیڤه بن، بۆ ڤێ چه‌ندێ ژی دلسۆز بن د گه‌ل خودێ و د ڕیكا خودێدا ژ لۆمه‌كرنا چ لۆمه‌كه‌ران نه‌ترسن.
...:
به‌رهه‌مێ گوهداریكرن و جێبه‌جێكرنا فه‌رمانێن سه‌رۆك و كاربده‌ستان كۆمبوون و ئێكگرتنا په‌یڤا موسلمانان و هێلانا دووبه‌ره‌كی و ژێكڤه‌بوونێیه.
فه‌ربوونا گوهداریكرن و جێبه‌جێكرنا فه‌رمانێن سه‌رۆك و كاربده‌ستان ئه‌گه‌ر ئه‌و فه‌رمانێ ب گونه‌هێ نه‌كه‌ن، ئه‌ڤ گوهداریكرنه ژی ل ده‌مێ به‌رفره‌هی و به‌رته‌نگییێ و د وی تشتێ بۆ مرۆڤی یێ خۆش و ئه‌وێ نه‌خۆش و ده‌مێ ئه‌و هنده‌كێن دی ب سه‌ر مرۆڤی دئێخن و مافێ مرۆڤی ژی دخۆن.
فه‌ربوونا گۆتنا حه‌قییێ ل هه‌ر جهه‌كێ مرۆڤ لێ هه‌بیت، بێی كو مرۆڤ د ڤێ چه‌ندێدا ژ بەر خودێ ژ لۆمه‌كرنا چ لۆمه‌كه‌ران بترسیت.
(9/ 77) (7199.
7200).
زێده‌تر (10)
صه‌حیحا بۆخاری (9/ 47) (7055-7056).
صه‌حیحا موسلمی (3/ 1470) (1709).
بهجة الناظرين شرح رياض الصالحين.
لسليم الهلالي (1/ 277).
رياض الصالحين.
للنووي (ص83) (186).
شرح رياض الصالحين.
لابن عثيمين (2/ 419).
نزهة المتقين شرح رياض الصالحين.
لمجموعة من الباحثين (1/ 202).