((نه ژ مه‌یه یێ باڵنده‌يه‌كى بفرينيت يان بۆ بێته فراندن - ب مه‌به‌ستا ڕه‌شبينيێ يان گه‌شبينييێ - ، یان فالگریێ بکه‌ت یان بۆ بهێته کرن، یان سحر و سێره‌به‌ندیێ بکه‌ت یان بۆ بهێته کرن
عمڕانێ كوڕێ حوصه‌ینی (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((نه ژ مه‌یه یێ باڵنده‌يه‌كى بفرينيت يان بۆ بێته فراندن - ب مه‌به‌ستا ڕه‌شبينيێ يان گه‌شبينييێ - ، یان فالگریێ بکه‌ت یان بۆ بهێته کرن، یان سحر و سێره‌به‌ندیێ بکه‌ت یان بۆ بهێته کرن، هەر کەسێ گرێیەکێ گرێدەت و هه‌ر كه‌سێ بچیته ده‌ڤ فالگره‌كی و باوه‌ریێ ب گۆتنێن وی بینیت، ئه‌ڤه وی كوفری ب وێ كر یا بۆ موحه‌ممه‌دی (صه‌لات و سه‌لامێن خودێ ل سه‌ر بن) هاتییه خوارێ)).
«لَيْسَ مِنَّا مَنْ تَطَيَّرَ أَوْ تُطُيِّرَ لَهُ، أَوْ تَكَهَّنَ أَوْ تُكُهِّنَ لَهُ، أَوْ سَحَرَ أَوْ سُحِرَ لَهُ، وَمَنْ عَقَدَ عُقْدَةً، وَمَنْ أَتَى كَاهِنًا فَصَدَّقَهُ بِمَا يَقُولُ فَقَدْ كَفَرَ بِمَا أُنْزِلَ عَلَى مُحَمَّدٍ صَلَّى اللهُ عَلَيْهِ وَسَلَّمَ».
پێغه‌مبه‌ری ب گۆتنا خۆ: (نه ژ مه‌یه) گه‌ف ل وی كه‌سێ ئوممه‌تا خۆ كرن یێ هنده‌ك كاران بكه‌ت، ژ ڤان كاران ژی: یێ ئێكێ: (یێ باڵنده‌يه‌كى بفرينيت يان بۆ بێته فراندن) و بنیاتێ وێ ئه‌ڤه‌یه: ده‌مێ كه‌سه‌كی ڤیابا كاره‌كی بكه‌ت ژ گه‌شتكرنه‌كێ یان بازرگانییه‌كێ یان هه‌ر كاره‌كێ دی؛ دا بالنده‌یه‌كی به‌رده‌ت، ڤێجا ئه‌گه‌ر ئه‌ڤ بالنده‌یه بۆ لایێ ڕاستێ چووبا؛ دا گه‌شبین بیت و دا به‌ره‌ڤ كرنا وی كاری چیت یێ ڤیای بكه‌ت، به‌لێ ئه‌گه‌ر بالنده بۆ لایێ چه‌پێ چووبا؛ دا ڕه‌شبین بیت و دا ده‌ستان ژ كرنا وی كاری به‌رده‌ت یێ ڤیای بكه‌ت، ڤێجا ئه‌ڤ كاره نه‌یێ دروسته، چ مرۆڤ بخۆ بكه‌ت یان داخوازێ ژ كه‌سه‌كێ دی بكه‌ت بۆ بكه‌ت، ڕه‌شبینی ب هه‌ر تشته‌كێ دی ژی دچیته د بن ڤی بابه‌تیڤه، چ ئه‌و تشت ژ وان تشتان بیت یێن مرۆڤی گوهلێ دبیت یان دبینیت، ژ بالنده‌یان یان گیانه‌وه‌ران یان خودانێن نه‌ساخییان یان ژماره‌یان یان ڕۆژان یان هه‌ر تشته‌كێ دی ژ بلی وان. یێ دووێ: (یێ فالگریێ بکه‌ت یان بۆ بهێته کرن) ڤێجا هه‌ر كه‌سێ بانگه‌شه‌یا زانینا غه‌یبێ بكه‌ت ب ڕێكا بكارئینانا ستێران و ڕێكێن وه‌سا، یان هاته ده‌ڤ كه‌سه‌كێ بانگه‌شه‌یا زانینا غه‌یبێ بكه‌ت ژ كاهن و خێفزانكان و یێن وه‌سا، پاشی باوه‌ر ژ وی بكه‌ت د وی تشتێ دبێژیتدا كو ئه‌و ژی بانگه‌شه‌یا وییه ب زانینا غه‌یبێ؛ ئه‌ڤه وی كوفری ب وێ كر یا بۆ موحه‌ممه‌دی (صه‌لات و سه‌لامێن خودێ ل سه‌ر بن) هاتییه خوارێ. یێ سێیێ: (یێ سحر و سێره‌به‌ندیێ بکه‌ت یان بۆ بهێته کرن) ئه‌و ژی ئه‌و كه‌سه یێ كارێ سحر و سێره‌به‌ندییێ دكه‌ت، یان داخوازێ ژ كه‌سه‌كێ دی دكه‌ت سحر و سێره‌به‌ندییه‌كێ بۆ دروست بكه‌ت، دا مفای یان زیانێ پێ بگه‌هینیته كه‌سه‌كی، یان ژی گرێیه‌كێ چێكه‌ت ب گرێدانا داڤه‌كێ، پاشی سحره‌كێ ل سه‌ر بكه‌ت ب خواندنا پێڤه‌خواندنێن حه‌رام ل سه‌ر وێ سحرێ و پفكرنا وێ.
...:
پێدڤییه مرۆڤ خۆ ب هێلیته ب هیڤییا خودێڤه و باوه‌رییێ ب قه‌زا و قه‌ده‌را وی بینیت و حه‌رامه مرۆڤی باوه‌ری ب فالگیری و ڕه‌شبینی و بێئیفله‌حی و سێره‌به‌ندی و فالگرتنێ هەبیت، یان ژی پرسیارێ ژ خودانێن وان تشتان بكه‌ت.
بانگه‌شه‌كرنا زانینا غه‌یبێ ژ وێ شركێیه یا دژی ته‌وحید و ئێكتاپه‌رستییێیه.
حه‌رامه مرۆڤ كاهن و فالگران ڕاست ده‌ربێخیت و بچیته ده‌ڤ و باوه‌ر ژ گۆتنێن وان بكه‌ت، خواندنا د ناڤ له‌پێ ده‌ستی و فنجان و ستێران و به‌رێخۆدانا وان ژی دچیته د بن ڤی حوكمیڤه، خۆ ئه‌گه‌ر ب تنێ بۆ خواندنێ ژی بن.
زێده‌تر (11)
مسند البزار = البحر الزخار (9/ 52) (3578).
شرح السنة للبغوي (12/ 182).
مجموع الفتاوى (35/ 173).
القول المفيد على كتاب التوحيد.
لابن عثيمين (1/ 543).
التمهيد لشرح كتاب التوحيد.
لصالح آل الشيخ (ص315).
الجديد في شرح كتاب التوحيد.
لمحمد القرعاوي (ص242).
الملخص في شرح كتاب التوحيد.
لصالح الفوزان (ص217).
Cited in books
7 Books- پهڕتووكا ئێكتاپهرستییێ (كتاب التوحید)كتاب التوحيد للشيخ محمد بن عبد الوهاب((مَنْ أَتَى كَاهِنًا فَصَدَّقَهُ بِمَا يَقُولُ فَقَدْ كَفَرَ بِمَا أُنْزِلَ عَلَى مُحَمَّدٍ صلى الله عليه وسلم))، ئانكو: ((هه‌ر كه‌سێ بهێته ده‌ڤ فالگره‌كی و باوه‌رییێ ب گۆتنێن وی بینیت؛ ئه‌ڤه وی كوفری ب وێ كر یا بۆ موحه‌ممه‌دی صه‌لات و س
- پهڕتووكا ئێكتاپهرستییێ (كتاب التوحید)كتاب التوحيد للشيخ محمد بن عبد الوهابئانكو: ((نه ژ مه‌یه یێ باوه‌ری ب فالێن خراب ههبیت یان بۆ بهێته گرتن، یان فالگریێ بکه‌ت یان بۆ بهێته کرن، یان سحر و سێره‌به‌ندیێ بکه‌ت یان بۆ بهێته کرن، و هه‌ر كه‌سێ بچیته ده‌ڤ فالگره‌كی و باوه‌ریێ ب گۆتنێن وی بینیت، ئه‌ڤه وی كوفری ب
زێده‌تر (5)
- حكم السحر والكهانة(من أتى كاهناً فصدّقه بما يقول فقد كفر بما أنزل على محمد -صلى الله عليه وسلم- )
- حكم السحر والكهانة(من أتى كاهناً فصدقه بما يقول فقد كفر بما أنزل على محمد -صلى الله عليه وسلم- )،
- حكم السحر والكهانة(من أتى كاهناً فصدقه بما يقول فقد كفر بما أنزل على محمد -صلى الله عليه وسلم- )،
- عقيدة الأئمة الأربعة«لَيْسَ مِنَّا مَنْ تَطَيَّرَ أَوْ تُطِيِّرَ لَهُ، أَوْ تَكَهَّنَ أَوْ تُكُهِّنَ لَهُ، أَوْ سَحَرَ أَوْ سُحِرَ لَهُ»،
- مطوية الرقيةالرقية الشرعية - 1" ليس منّا مَن تطيّر أو تُطير له، أو تكهّن أو تُكهّن له، أو سَحر أو سُحر له، ومن أتى كاهناً فصدقه بما يقول فقد كفر بما أنزل على محمد ".