((خودێ گۆت: ئه‌ی كوڕێ ئاده‌می؛ مالێ خۆ (د ڕێكا مندا) بمه‌زێخه، ئه‌ز ژی دێ (مال و سامانی) ده‌مه ته))
ئه‌بو هوره‌یره (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((خودێ گۆت: ئه‌ی كوڕێ ئاده‌می؛ مالێ خۆ (د ڕێكا مندا) بمه‌زێخه، ئه‌ز ژی دێ (مال و سامانی) ده‌مه ته)).
«قَالَ اللهُ: أَنْفِقْ يَا ابْنَ آدَمَ أُنْفِقْ عَلَيْكَ».
پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو خودایێ مه‌زن گۆت: ئه‌ی كوڕێ ئاده‌می؛ مالێ خۆ بمه‌زێخه - ب دانا مه‌زاختنێن واجب و سوننه‌ت - ؛ ئه‌ز ژی دێ مال و سامانێ ته زێده و به‌رفره‌ھ كه‌م و دێ ژ پێش وی تشتێ ته مه‌زاختی ژی ده‌مه ته و دێ بۆ ته به‌ره‌كه‌تێ ئێخمه مالێ ته.
....:
هاندان ل سه‌ر خێر و صه‌ده‌قه‌كرن و مه‌زاختنا مالی د ڕێكا خودێدا.
مه‌زاختنا مالی د ڕێكێن خێرێدا؛ ژ مه‌زنترین ئه‌گه‌رێن به‌ركه‌تێ و زێده‌بوونێیه د ڕزقیدا، هه‌ر دیسان ژ مه‌زنترین ئه‌گه‌رێن به‌ده‌لڤه‌كرنا وی تشتییه ژ لایێ خودێڤه یێ مرۆڤی مه‌زاختی.
ئەڤ فه‌رمووده‌یە ژ وان فه‌رمووده‌یانە یێن کو پێغەمبەرێ خودێ (صەلات و سەلامێن خودێ ل سەر بن) ژ خودایێ خۆ ڤه‌دگێڕیت و ب فه‌رمووده‌یا قودسی یان ئیلاهی دهێتە ناڤکرن، فه‌رمووده‌یا قودسی ژی ئەوە یا کو ئاخڤتن و ڕامانا وێ ژ ده‌ڤ خودێ بیت، ب تنێ ئه‌و نه‌بیت کو ئه‌و تایبەتمەندییێن قورئانێ تێدا نینن یێن کو ب وان ژ یێن دی جودا بوویە، ژ كرنا عیباده‌تی ب خواندنا وێ و هه‌بوونا ده‌ستنڤێژێ بۆ خواندنا وێ و هه‌ڤڕكیكرن و قه‌بخواستن و موعجیزه‌بوون و ژ بلی ڤان.
زێده‌تر (5)
صه‌حیحا بۆخاری (7/ 62) (5352).
صه‌حیحا موسلمی (2/ 690) (993).
شرح النووي على مسلم (7/ 79).
بهجة الناظرين شرح رياض الصالحين.
لسليم الهلالي (1/ 603).