((هه‌ر كه‌سێ نڤێژا سپێدێ بكه‌ت؛ یێ دناڤ زيمه‌ت و پاراستنا خودێدا
ژ جوندووبێ كوڕێ عه‌بدولڵاهێ قه‌سری (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((هه‌ر كه‌سێ نڤێژا سپێدێ بكه‌ت؛ یێ دناڤ زيمه‌ت و پاراستنا خودێدا، ڤێجا هشیاری هندێ بن خودێ داخوازا تشته‌كی ژ زيمه‌ت و پاراستنا خۆ ژ هه‌وه بكه‌ت، چونكی هه‌ر كه‌سێ خودێ داخوازا تشته‌كی ژ زيمه‌ت و پاراستنا خۆ ژێ بكه‌ت؛ دێ ڤێڕا گه‌هیت، پاشی دێ وی كه‌سی ل سه‌ر ڕویێ وی ڕاخشینیته ناڤ ئاگرێ جه‌هنه‌مێ)).
«مَنْ صَلَّى صَلَاةَ الصُّبْحِ فَهُوَ فِي ذِمَّةِ اللهِ، فَلَا يَطْلُبَنَّكُمُ اللهُ مِنْ ذِمَّتِهِ بِشَيْءٍ، فَإِنَّهُ مَنْ يَطْلُبْهُ مِنْ ذِمَّتِهِ بِشَيْءٍ يُدْرِكْهُ، ثُمَّ يَكُبَّهُ عَلَى وَجْهِهِ فِي نَارِ جَهَنَّمَ».
پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو هه‌ر كه‌سێ نڤێژا سپێدێ بكه‌ت؛ ئه‌و كه‌س یێ ل بن پاراستن و زێره‌ڤانی و چاڤدێرییا خودێ، خودێ دێ به‌ڕه‌ڤانییێ ژ وی كه‌سی كه‌ت و دێ وی كه‌سی بسه‌ر ئێخیت. پاشی پێغه‌مبه‌ری (صه‌لات و سه‌لامێن خودێ ل سه‌ر بن) هشیاركرن ژ هندێ كر مرۆڤ ڤێ په‌یمانێ بشكێنیت و به‌تال بكه‌ت، ڤێجا چ ب هێلان و نه‌كرنا نڤێژا سپێدێ بیت، یان ژی ب نه‌خۆشی گه‌هاندن و ده‌ستدرێژیكرنا سه‌ر نڤێژكه‌ران بیت، چونكی هه‌ر كه‌سێ ڤێ چه‌ندێ بكه‌ت؛ ئه‌ڤه وی ئه‌ڤ په‌یمانه شكاند و هه‌لوه‌شاند و خۆ ژ هه‌ژی گه‌فا دژوار كر كو ئه‌و ژی ئه‌ڤه‌یه خودێ دێ داخوازا وی تشتی ژێ كه‌ت یێ وی كه‌سی د وی تشتیدا خه‌مساری د ده‌رحه‌قێ خودێدا كری، هه‌ر كه‌سێ خودێ داخوازێ ژێ بكه‌ت ژی؛ دێ ڤێڕا گه‌هیت و پاشی دێ ل سه‌ر ڕویێ وی ڕاخشینیته ناڤ ئاگرێ جه‌هنه‌مێ.
...:
دياركرنا گرنگییا نڤێژا سپێدێ و قه‌در و بها و خێرا وێ.
هشیاركرنه‌كا دژوار ژ نه‌خۆشی دروستكرن و زیان گه‌هاندنا ب وی كه‌سێ نڤێژا سپێدێ كری.
تۆلڤه‌كرنا خودایێ مه‌زن ژ وی كه‌سێ نه‌خۆشی و زیانێ دگه‌هینیته عه‌بدێن وی یێن باش.
زێده‌تر (7)
صه‌حیحا موسلمی (1/ 454) (657).
المعجم الأوسط (4/ 5) (3464).
نزهة المتقين شرح رياض الصالحين (1/ 249).
شرح رياض الصالحين.
لابن عثيمين (2/ 561).
بهجة الناظرين شرح رياض الصالحين.
لسليم الهلالي (1/ 323).
Cited in books
3 Booksزێده‌تر (3)
- المنتقى من المتجر الرابح في ثواب العمل الصالح - المعتمدالمنتقى من المتجر الرابح في ثواب العمل الصالح“من صلى صلاة الصبح فهو في ذمة الله، فلا يطلبنكم الله من ذمته بشيء، فإنه من يطلبه من ذمته بشيء يدركه، ثم يكبه على وجهه في نار جهنم”.
- رياض الصالحينرياض الصالحين مع فوائد وهدايات - 2«مَنْ صَلَّىٰ صَلاَةَ الصُّبْح فَهُوَ فِي ذِمَّةِ الله، فَلا يَطْلُبـَنَّكُمُ اللهُ مِنْ ذِمَّتِهِ بِشَيءٍ، فَإِنَّهُ مَنْ يَطْلُبْهُ مِنْ ذِمَّتِهِ بِشَيْءٍ يُدْرِكْهُ، ثُمَّ يَكُبُّهُ عَلَىٰ وَجْهِهِ فِي نَارِ جَهَنَّمَ».
- رياض الصالحينرياض الصالحين مع فوائد وهدايات - 2«مَنْ صَلَّىٰ صَلاةَ الصبْح فَهُوَ في ذِمَّةِ الله، فَلا يَطلُبَنَّكُمْ الله مِنْ ذِمَّتِهِ بِشَيء، فَإنَّهُ مَنْ يَطلُبْهُ مِنْ ذِمَّتِهِ بِشَيءٍ يُدْرِكْهُ، ثُمَّ يَكُبَّهُ عَلَىٰ وَجْهِهِ في نَارِ جَهَنَّمَ».