როდესაც იხილავთ ახალ მთვარეს, დაიწყეთ მარხვა, და როდესაც კვლავ იხილავთ მას, დაასრულეთ იგი. თუ კი ის ღრუბლების გამო დაიფარება თქვენგან, მაშინ შეავსეთ თვე ოცდაათი დღით
გადმოცემულია იბნ უმარისგან (ალლაჰის იყოს მათით კმაყოფილი), რომელმაც თქვა: გავიგონე, რომ ალლაჰის შუამავალი (ალლაჰის ლოცვა და მშვიოდობა მას) ამბობდა:
«როდესაც იხილავთ ახალ მთვარეს, დაიწყეთ მარხვა, და როდესაც კვლავ იხილავთ მას, დაასრულეთ იგი. თუ კი ის ღრუბლების გამო დაიფარება თქვენგან, მაშინ შეავსეთ თვე ოცდაათი დღით».
«إِذَا رَأَيْتُمُوهُ فَصُومُوا، وَإِذَا رَأَيْتُمُوهُ فَأَفْطِرُوا، فَإِنْ غُمَّ عَلَيْكُمْ فَاقْدُرُوا لَهُ».
მოციქულმა (ალლაჰის ლოცვა და მშვიდობა მას) დაამტკიცა რამადანის თვეში მარხვის დაწყებისა და დასრულების ნიშნები, როცა თქვა: "როდესაც იხილავთ რამადანის ახალ მთვარეს, დაიწყეთ მარხვა. თუ მთვარესა და თქვენ შორის ღრუბლები იქნება და ის დაიფარება, მაშინ შა'აბანის თვე შეავსეთ ოცდაათი დღით. ხოლო როცა იხილავთ შაუვალის ახალ მთვარეს, დაასრულეთ მარხვა. თუ მთვარესა და თქვენ შორის ღრუბლები იქნება და ის დაიფარება, მაშინ რამადანის თვე შეავსეთ ოცდაათი დღით".
თვის დასაწყისი განისაზღვრება ახალი მთვარის ხილვით და არა ასტრონომიული გამოთვლებით.
იბნ ალ-მუნდირმა გადმოსცა სწავლულების ერთსულოვანი აზრი (იჯმა') იმაზე, რომ მარხვის დაწყება არ არის სავალდებულო, თუ რამადანის თვე დგინდება მხოლოდ ასტრონომიული გამოთვლებით და არა მთვარის ხილვით.
აუცილებელია შა'აბანის თვე სრულად, ოცდაათი დღით შეავსოთ, თუ ღრუბლები ან სხვა დაბრკოლებები ხელს უშლის რამადანის ახალ მთვარის ხილვას.
მთვარის თვე შეიძლება შედგებოდეს მხოლოდ ოცდაცხრა ან ოცდაათი დღისგან.
აუცილებელია რამადანის თვე სრულად, ოცდაათი დღით შეავსოთ, თუ ღრუბლები ან სხვა დაბრკოლებები ხელს უშლის შაუვალის ახალ მთვარის ხილვას.
ის, ვინც იმყოფება ისეთ ადგილზე, სადაც არ არის ადამიანი, რომელიც პასუხისმგებელია მარხვასთან დაკავშირებული ისლამური წესების დაცვაზე, ან თუ ამ საკითხში ჩართული პირები უგულებელყოფენ ამ ვალდებულებებს, თავად უნდა აკონტროლოს ეს საკითხი. ის უნდა დაეყრდნოს ან საკუთარ დაკვირვებას ახალ მთვარეზე, ან ისეთი პირის მოწმობას, რომელსაც ენდობა, რათა დაიწყოს და დაასრულოს მარხვა.
საჰიჰ ალ-ბუხარი (3/ 25) (1900).
საჰიჰ მუსლიმ (2/ 760) (1080).
მეტი... (9)
تيسير العلام.
لعبد الله البسام (ص314).
تنبيه الأفهام شرح عمدة الأحكام.
لابن عثيمين (3/ 414).
الإفهام في شرح عمدة الأحكام.
لابن باز (ص385).
خلاصة الكلام على عمدة الأحكام.
لفيصل آل مبارك (ص146).
الموسوعة الفقهية الكويتية (23/ 142).