Encyclopedia of Prophetic Hadiths

«Sètènman, Allah padone kominote mwen an poutèt mwen pou sa yo fè pa erè, sa yo bliye, ak sa yo te fòse yo fè.»

Pa dwe gen ni mal, ni aksyon ki lakòz mal.

Li pa fè pati de kominote nou an, nenpòt moun ki chèche siy nan zwazo (sipèstisyon) oswa ki fè sa pou lòt moun, nenpòt moun ki pratike divinasyon oswa ki fè sa pou lòt moun, oubyen nenpòt moun ki pratike maji oswa ki mande pou yo fè maji pou li. Nenpòt moun ki fè maji , epi nenpòt moun ki al wè yon divinò epi li kwè nan sal di, li deja rejte nan sa ki te desann sou Muhammad (ke lapè ak benediksyon Allah sou li).

«Nenpòt moun ki manje yon manje epi li di: Lwanj pou Allah ki ban mwen manje sa a, epi ki ban mwen li kòm pwovizyon san okenn pouvwa ak fòs ki soti nan mwen, yap padonnen li peche li te fè anvan yo.»

« Pami kwayan yo (moun ki gen lafwa yo), sila ki gen lafwa ki pi konplè a, se sila ki gen pi bon konpòtman an, epi pi bon moun nan pami nou, se moun ki pi bon ak madanm yo. »

« Gen krentif pou Allah kèlkeswa kote ou ye, epi fè yon bon aksyon swiv yon move aksyon, lap efasel, epi aji ak moun avèk yon bon karaktè. »

«Nenpòt moun ki imite yon pèp, li fè pati yo.».

Pa fè kay nou tounen kavo, epi pa fè kavo mwen tounen yon kote pou fèt (oswa yon kote pou moun rasanble regilyèman pou yo selebre). Mande benediksyon (salawat) pou mwen, paske lapriyè nou an ap rive jwenn mwen kèlkeswa kote nou ye.