Encyclopedia of Prophetic Hadiths

«Nenpòt moun ki di: 'Subhanallah wa bihamdihi' (Glwa pou Allah epi lwanj pou Li) san (100) fwa nan yon jou, yap padone peche li yo, menm si yo ta tankou kim lanmè a.»

«Yon fi pa dwe vwayaje pou yon distans 2 jou esepte avèk maril oswa yon mahram, epi pa dwe gen jèn nan 2 jou: Al-Fitr ak Al-Adha, epi pa dwe gen priyè aprè Subh jiskaske solèy la leve, ni aprè Asr jiskaske solèy la kouche, epi yo pa dwe antreprann vwayaj esepte pou 3 moske: Moske Al-Haram, Moske Al-Aqsa, ak moskem nan la a».

«Allah pa aksepte lapriyè okenn nan nou si li nan eta enpite (salte), toutotan li pa fè ablisyon (Woudou).»

Daprè Pwofèt la (ke lapè ak benediksyon Allah sou li) ke li te entèdi fè ve(pwomès kondisyonèl bay Allah);, epi li te di: «Sètènman, li pa pote okenn byen, men se sèlman avèk li yo retire sa ki nan men moun ki chich la».

«E si te gen yon rivyè devan pòt kay youn nan nou, epi li lave kò li ladan li 5 fwa chak jou, èske nou panse ta ka rete yon ti salte sou li?» Yo reponn: «Non, patap rete okenn salte sou li.» Lè sa a, Pwofèt la di: «Se menm jan an tou pou 5 priyè yo; Allah sèvi ak yo poul efase tout peche yo.»

Kite m' (pa pousem nan detay) sou sam pa di nou. Se paske pèp ki te viv anvan nou yo te konn poze twòp kesyon epi yo te konn dezobeyi pwofèt yo ki fè yo te peri. Donk, sim entèdi nou yon bagay, evitel nèt; e sim ban nou yon lòd, fè tout saw kapab pouw respektel. »

«Ranje ran nou yo dwat, paske ranje ran yo dwat se youn nan sa ki rann lapriyè a konplè.»

Mesaje Allah a (ke lapè ak benediksyon Allah sou li) te di Mu’adh ibn Jabal lè li te voyelb ale nan peyi Yemen : Wap pral jwenn yon pèp ki gen yon Liv (Jwif oswa Kretyen). Lè w rive kote yo, envite yo pou yo temwanye pa gen lòt dye ki merite adorasyon eksepte Allah, e ke Muhammad se mesaje Allah. Si yo obeyiw nan sa, fè yo konnen ke Allah te enpoze sou yo senk (5) lapriyè chak jou ak chak nwit. Si yo obeyiw nan sa, fè yo konnen ke Allah te enpoze sou yo yon zakat (yon charite obligatwa) ki dwe pran nan men moun rich yo pou yo bay moun pòv yo. Si yo obeyiw nan sa, fè atansyon pou ou pa pran pi bon byen yo (kòm zakat), epi pè madichon moun yo fè mal, paske pa gen okenn baryè ant li menm ak Allah.