Skip to content
477 Hadiths

Encyclopedia of Prophetic Hadiths

Filter results

12 of 477 cards

Clear filters
«Lapriyè yon moun an gwoup pi bon pase lapriyè li fè lakay li ak lapriyè l fè nan machel ak 20 ak kèk degre. E sa, se paske lè youn nan yo fè ablisyon, epi li fè sa byen, epi li ale nan Moske a, san ke se pa anyen ki pousel eksepte lapriyè a, epi li pa vle anyen eksepte lapriyè a, pa gen yon pa li fè san ke yo pa elvel yon degre avèk pa sa a, epi yo efase yon peche pou li avèk li, jiskaske li antre nan Moske a. Lè li antre nan Moske a, li konsidere tankou li nan lapriyè toutotan se lapriyè a kap kenbe li. Epi Zanj yo ap priye pou youn nan nou toutotan li rete nan plas kote li te priye a, yap di: O Allah, fèl mizerikòd, O Allah, padonel, O Allah, aksepte repantans li, toutotan li pa nwi okenn moun ladan li, epi toutotan li pa kase ablisyon li.
Sahih Tout moun tonbe dakò sou li
التصنيف الشرعيفضل الوضوء، فضل صلاة الجماعة وأحكامها، أحكام المساجدموضوعات الحديثأحكام الوضوء، صلاة الجماعة
Lè Mesaje Allah a (se pou lapè ak Benediksyon Allah kouvri li) te konn fè Takbir nan lapriyè, li te konn fè yon ti silans anvan li kòmanse lekti a. Epi mwen di: "O Mesaje Allah, mwen ta bay papam ak manmanm pou ou, kisa ou konn di nan silans ou fè ant Takbir (deklare grandè Allah) ak lekti a?" Li te di: «Mwen di: O Allah, mete distans ant mwen menm ak pechem yo, menm jan ou mete distans ant Lès ak Lwès. O Allah, netwayem anba pechem yo, menm jan yo netwaye yon rad blan anba salte. O Allah, lavem anba pechem yo avèk nèj, dlo, ak lagrèl.»
Sahih Tout moun tonbe dakò sou li
التصنيف الشرعيصفة الصلاة، أذكار الصلاةموضوعات الحديثسنن الصلاة، صفة الصلاة
Li te konn di Allahu Akbar (Allah se pi gran an) nan chak priyè, kit se priyè obligatwa yo oswa lòt yo, kit se nan mwa Ramadan oswa andeyòl. Li te konn di Allahu Akbar lèl kanpe (pou kòmanse), epil di Allahu Akbar lèl bese pou li bese tèt (Ruku'), epi l di: "Sami'Allahu liman hamidah" (Allah tande moun ki fè lwanj pou Li), epil di: "Rabbana wa lakal hamd" (Seyè nou an, pou ou lwanj la) anvan li pwostène. Epil di: "Allahu Akbar" lèl desann pou li pwostène, epil di Allahu Akbar lèl leve tèt li soti nan pwosternasyon an, epi l di Allahu Akbar lè l pwostène (ankò), epi l di Allahu Akbar lè l leve tèt li soti nan pwostènasyon an, epi li di Allahu Akbar lèl kanpe soti nan pozisyon chita aprè dezyèm inite a (rakat). Li te konn fè sa nan chak inite jiskaske li fini priyè a. Lè li fini, li te konn di: "Mwen fè sèman sou Sila a ki kenbe nanm mwen an, mwen se youn nan nou ki pi sanble ak fason Mesaje Allah a (ke lapè ak benediksyon Allah sou li) te konn lapriyè, jiskaske li te pati kite mond sa a."
Sahih Tout moun tonbe dakò sou li
التصنيف الشرعيصفة الصلاة، أذكار الصلاةموضوعات الحديثمتابعة الرسول ﷺ، صفة الصلاة
Lè nou kanpe pou lapriyè, ranje ran nou yo byen. Aprèsa kite youn nan nou dirije lapriyè a pou nou. Lè Imam lan di 'Allahu Akbar', nou menm tou di 'Allahu Akbar'. Lè li rive nan fen Al-Fatiha a epi li di:  {غَيْرِ الْمَغْضُوبِ عَلَيْهِمْ وَلا الضَّالِّينَ}, {ghayr almaghdub ealayhim wala alddallina} Sa vle di: ( pa chemen sa yo ki fè w an kòlè, epi ki pa chemen moun ki pèdi wout la), nou tout di: 'Amin', konsa Allah ap reponn nou. Lè Imam lan di 'Allahu Akbar' epi li bese (ruku'), nou menm tou di 'Allahu Akbar' epi nou bese, paske Imam lan dwe bese anvan nou epi li dwe leve anvan nou." Mesaje Allah a (lapè ak benediksyon Allah sou li) te di: "Se konsa sa dwe fèt. Lè Imam lan di: Sami'allahu liman hamidah (Allah tande moun ki fè lwanj pou li), nou menm nou di: Allahumma Rabbana lakal hamd (O Allah, Seyè nou an, se pou ou lwanj la), konsa Allah ap tande nou. Paske Allah Toupwisan an, te di nan bouch pwofèt li a: Sami'allahu liman hamidah. Lè li di 'Allahu Akbar' epi li pwostène (sujud), nou menm tou di 'Allahu Akbar' epi nou pwostène, paske Imam lan dwe pwostène anvan nou epi li dwe leve anvan nou." Mesaje Allah a (lapè ak benediksyon Allah sou li) te ajoute: "Se konsa sa dwe fèt. Lè nou rive nan moman chita a (tashahhud), se pou premye pawòl nou di se: At-tahiyyatu at-tayyibatu as-salawatu lillah, as-salamu 'alayka ayyuhan-nabiyyu wa rahmatullahi wa barakatuhu, as-salamu 'alayna wa 'ala 'ibadillahis-salihin, ash-hadu an la ilaha illallah wa ash-hadu anna Muhammadan 'abduhu wa rasuluh (Tout salitasyon, tout bon bagay, ak tout lapriyè se pou Allah , Lapè sou ou, O Pwofèt, ansanm ak pitye ak benediksyon Allah. Lapè sou nou ak sou sèvitè dwat Allah yo. Mwen temwanye pa gen lòt dye eksepte Allah, epi mwen temwanye Muhammad se sèvitèl ak mesaje li)."
Sahih Rapòte pa Mouslim
التصنيف الشرعيأركان الصلاة، واجبات الصلاة، صفة الصلاة، أذكار الصلاة، أحكام الإمام والمأمومموضوعات الحديثصفة الصلاة، صلاة الجماعة
« Allah Toupwisan an di: "Mwen pataje lapriyè a an 2 pati ant mwen menm ak sèvitè mwen an, e sèvitè mwen an ap jwenn sal mande a. Lè sèvitè a di: {Al-Hamdulillahi Rabbil 'alamin} (Lwanj pou Allah, Mèt tout linivè a), Allah di: Sèvitè mwen an fè lwanj pou mwen. Lè li di: {Ar-Rahmanir Rahim} (Toupwisan an, Toumizerikòdyè a), Allah di: Sèvitè mwen an rekonèt pèfeksyon mwen. Lè li di: {Maliki yawmid-din} (Mèt jou jijman an), Li di: Sèvitè mwen an glorifye mwen" epi yon fwa li te di: "Sèvitè mwen an remèt tout otorite nan men mwen", "Lè li di: {Iyyaka na'budu wa iyyaka nasta'in} (Se ou sèlman nou adore, epi se nan ou sèlman nou chèche èd), Li di: Sa a se ant mwen menm ak sèvitè mwen an, epi sèvitè mwen an ap jwenn sal mande a. Lè li di: {Ihdinas-siratal moustaqim, siratal ladzina an'amta 'alayhim, ghayril maghdoubi 'alayhim waladdallin} (Gide nou sou wout dwat la, wout moun ou te fè favè yo, pa wout moun ou fache kont yo a, ni wout moun ki egare yo), Li di: Sa a se pou sèvitè mwen an, epi sèvitè mwen an ap jwenn sa li mande a." »
Sahih Rapòte pa Mouslim
التصنيف الشرعيفضائل السور والآيات، أركان الصلاة، تفسير الآياتموضوعات الحديثفضائل السور والآيات، أركان الصلاة
« Yon mesye ki soti nan rejyon Najd te vin jwenn Mesaje Allah a (lapè ak benediksyon Allah sou li), cheve nan tèt li te gaye . Nou tap tande bri vwa li san nou pa te konprann sal tap di, jiskaske li te pwoche bò kote Mesaje Allah a (lapè ak benediksyon Allah sou li), epi nou wè se sou Islam lap poze kesyon. Lè sa a, Mesaje mesaje a (lapè ak benediksyon Allah sou li) dil: — « 5 lapriyè chak jou ak chak nwit.» Nonm nan mande: — « Èske mwen gen lòt sou dom ankò? » Li reponn li: — « Non, sof si ou vle fè volontè (anplis). Epi fè jèn nan mwa Ramadan an. » Nonm nan mande: — « Èske mwen gen lòt sou dom ankò? » Li reponn li: — « Non, sof si ou vle fè volontè (anplis). » Epi Mesaje Allah a (lapè ak benediksyon sou li) te mansyone Zakat (kòm obligatwa) ba li. Nonm nan mande: — « Èske mwen gen lòt sou dom ankò? » Li reponn li: — « Non, sof si ou vle fè volontè (anplis). » (Talha) di: Nonm nan fè bak poul ale pandan li tap di: — « Mwen fè sèman sou Allah, mwen pap mete anyen anplis sou sa, ni mwen pap retire anyen ladan li » Lè sa a, Mesaje Allah a (lapè ak benediksyon Allah sou li) di: — « Lap reyisi sil di laverite toutbon. » »
Sahih Tout moun tonbe dakò sou li
التصنيف الشرعيوجوب الصلاة وفضلها وحكم تاركها، صلاة التطوع، وجوب الزكاة وحكم تاركها، صدقة التطوع، وجوب الصيام وحكم تاركه، الإسلامموضوعات الحديثالزكاة ومكانتها، الصوم الواجب، صيام التطوع، صدقة التطوع، مكانة الصلاة وفضلها، صلاة التطوعمحاور التعريف بالإسلامأركان الإسلام
« Mesaje Allah a (lapè ak benediksyon Allah sou li) te anseyem Tashahhud la, pandan men mwen te nan men li, menm jan li te konn anseyem yon sourat nan Koran an: 'Salitasyon yo se pou Allah ,lapriyè yo ak bon pawòl yo. Lapè sou ou, O Pwofèt, ansanm ak pitye ak benediksyon Allah. Lapè sou nou ak sou sèvitè dwat Allah yo. Mwen temwanye pa gen lòt dye eksepte Allah, e mwen temwanye Muhammad se sèvitèl ak mesajel.' Nan yon lòt vèsyon yo, li te ajoute: 'Vreman vre, Allah se As-Salam (Sous lapè a). Kidonk, lè youn nan nou chita nan lapriyè a, se poul di: Salitasyon yo se pou Allah ,lapriyè yo ak bon pawòl yo. Lapè sou ou, O Pwofèt, ansanm ak pitye ak benediksyon Allah . Lapè sou nou ak sou sèvitè dwat Allah yo. Lèl di sa, salitasyon an rive sou chak sèvitè dwat Allah nan syèl la ak sou tè a. Mwen temwanye pa gen lòt dye eksepte Allah , epi mwen temwanye Muhammad se sèvitèl ak mesaje li. Aprèsa li ka chwazi nenpòt sal ta renmen mande Allah»
Sahih Tout moun tonbe dakò sou li
التصنيف الشرعيصفة الصلاة، أذكار الصلاةموضوعات الحديثأركان الصلاة، صفة الصلاة
Gen kèk mesye ki te vin jwenn Sahl ibn Sa’d as-Sa’idi, epi yo te gen yon diskisyon sou ki kalite bwa minbar (chèz kote yo bay sèmon an) te fèt. Yo mandel sou sa, e li di: "Pa Allah, mwen konnen byen ki sa li fèt! Mwen te wèl depi premye jou yo te mete li, e premye jou Pwofèt la (ke lapè ak benediksyon Allah sou li) te chita sou li. Pwofèt la te voye chache yon fanm nan branch fanmi Ansari yo, Sahl te bay non fanm nan—li te di li: 'Di ti gason bòs chapant ou a poul fè yon chèz (ak bwa) poum chita sou li lè map pale ak moun yo.' Fanm nan te bay lòd, e bòs la te fè li ak bwa tarfa (tamaris) ki soti nan forè a. Li te pote li, epi fanm nan te voye chache Pwofèt la. Li te bay lòd pou yo metel la a. Aprèsa, mwen te wè Pwofèt la (ke lapè ak benediksyon Allah sou li) te fè lapriyè sou li. Li te di 'Allahu Akbar' pandan li te sou li, li te fè roukou pandan li te sou li, epi li te desann pa dèyè pou lal fè soujoud (pwosternasyon) nan pye minbar a, aprèsa li te retounen monte. Lèl te fini, li te vire gade moun yo epi li di: 'O nou menm moun yo, mwen te fè sa sèlman pou nou ka swiv mwen epi pou nou aprann kijan mwen lapriyè.'
Sahih Tout moun tonbe dakò sou li
التصنيف الشرعيصفة الصلاة، أحكام الإمام والمأموم، أحكام المساجدموضوعات الحديثأحكام المساجد غير الحرمين، أحكام المسجد النبوي، صفة الصلاة