Encyclopedia of Prophetic Hadiths

Mwen te konn ekri tout sam tande nan men Mesaje Allah a poum te ka memorize yo. Men moun Quraysh yo te entèdim sa, epi yo dim: "Èske wap ekri tout saw tande nan men Mesaje Allah a, epoutan Mesaje Allah a se yon moun li ye, ki konn pale lè li fache ak lè li kontan?" Lè sa a, mwen sispann ekri, epi mwen rakonte Mesaje Allah a sa. Li lonje dwèt li sou bouch li, epi li di: «Ekri, paske mwen sèmante sou Sila a ki gen nanm mwen nan menl lan, pa gen anyen ki soti ladanl sinon verite.»

Mwen te ale nan delegasyon Bani Amir la kote Mesaje Allah a ( se pou lapè ak Benediksyon Allah kouvril) epi nou te di li: "Ou se Mèt nou." Li reponn: "Mèt la se Allah." Nou di ankò: "Epi ou se moun ki gen plis valè nan mitan nou, epi ki gen plis grandè a." Li di konsa: "Di pawòl nou gen pou nou di a, oswa yon pati ladan li, epi pa kite Satan pran tèt nou pou li fè nou tounen pòtpawòl li (fè nou egzajere nan fè lwanj)."