Encyclopedia of Prophetic Hadiths

«Piga nou chita sou tonb yo, ni pa lapriyè nan direksyon yo.»

«Nenpòt moun ki di lè li tande Mouwazin(apèl pou lapriyè a) an: Mwen temwaye ke pa gen okenn lòt dye ki merite adorasyon esepte Allah, Li menm sèl, Li pa gen okenn asosye, epi ke Mouhammad se sèvitè Li epi Mesaje Li, mwen satisfè ak Allah kòm Senyè, ak Mouhammad kòm Mesaje, epi ak Islam kòm relijyon, yap padone peche li».

"Pa gen okenn jou kote bon aksyon yo pi renmen devan Allah pase jou sa yo" — sa vle di 10 premye jou [Dhul-Hijjah] yo. Yo di: "O Mesaje Allah, pa menm Jihad nan chemen Allah a?" Li di: "Pa menm Jihad nan chemen Allah a, eksepte yon moun ki ta soti ak pwòp tèt li ansanm ak byen li, epi li pat tounen ak anyen nan sa."

«Lè yon moun mouri, zèv li yo kanpe eksepte pou 3 bagay: eksepte pou yon charite kap kontinye, oswa yon konesans moun benefisye de li, oswa yon pitit ki dwat kap priye pou li».

« Lè nou tande apèl la (Azàn nan), di menm sa muezzin an ap di a. »

«Nenpòt moun ki di 'Subhanallah' (Glwa pou Allah ) 33 fwa aprè chak lapriyè, li di 'Alhamdulillah' (Lwanj pou Allah ) 33 fwa, epi li di 'Allahu Akbar' (Allah pi gran) 33 fwa, sa fè katrevendiznèf (99). Epi poul ka rive nan san (100), li di: 'Pa gen okenn lòt dye ki merite adorasyon esepte Allah, Li sèl, Li pa gen asosye. Se pou Li tout pouvwa a ye, se pou Li tout lwanj yo ye, epi Li gen pouvwa sou tout bagay, y ap padonnen peche l yo menm si yo ta tankou kim lanmè.»

«Pa joure moun ki mouri yo, paske vrèmanvre yo deja rive jwenn sa yo te akonpli.»

"Lè yonn nan nou ap fè ablisyon (woudou), se poul mete dlo nan nen li epi poul mouchel. Nenpòt moun kap netwaye tèt li ak wòch (istijmar), se pou li fè sa yon kantite fwa ki enpè. Epi lè yonn nan nou leve nan dòmi, li pa dwe mete men li nan veso dlo ablisyon an san li pa lavel anvan, paske yonn nan nou pa konnen kote men li te pase lannwit lan." Epi nan vèsyon Mouslim nan: "Lè yonn nan nou leve nan dòmi, li pa dwe plonje men li nan veso dlo a toutotan li pa lave li 3 fwa, paske li pa konnen kote men li te pase lannwit lan."