Encyclopedia of Prophetic Hadiths

Mwen te mande Mesaje Allah (ke benediksyon ak kè poze Allah sou li) sou sa ki byen (Al-Birr) ak sa ki peche (Al-Ithm). Li te reponn: 'Byenfè se bon karaktè, epi peche se sa kap twouble konsyans ou (sa kap grate kèw), epi ou pa ta renmen moun wè sa'."

«Pa aprann konesans pou nou vante tèt nou devan savan yo, ni pou nou diskite ak moun ki san konprann yo, ni pou nou chwazi pi bon plas nan asanble yo. Nenpòt moun ki fè sa, se Lanfè kap tann li.»

« Moman kote yon sèvitè pi prè Senyè a ,se lè li nan pozisyon soujoud (lèl mete tèt li atè poul adore), kidonk fè anpil doua (lapriyè/envokasyon) nan pozisyon sa a. »

«Anverite, sa ki halal klè epi sa ki haram klè, epi ant yo 2 a gen bagay ki gen dout ke anpil moun pa konnen. Donk, moun ki evite bagay ki gen dout yo, li mete relijyon li ak onè li klè, epi moun ki tonbe nan bagay ki gen dout yo, li tonbe nan sa ki haram, menm jan ak yon bèje kap gade bèt li yo bò kote yon patiraj rezève, li pa lwen kite bèt yo manje ladan li. Atansyon! Chak wa genyen yon zòn rezève. Atansyon! Zòn rezève Allah a, se sa Li entèdi yo. Atansyon! Nan kò a gen yon moso chè, lè li bon, tout kò a vin bon, epi lè li gate, tout kò a vin gate. Atansyon! Se kè a.»

Mwen te di: "Ya Mesaje Allah, dim yon pawòl nan Islam ke mwen pap mande okenn lòt moun sou li sof ou menm." Li di: «Di: Mwen kwè nan Allah, epi rete fèm.»

«Sètènman, gen moun kap itilize richès Allah san okenn dwa, pou moun sa yo, se Dife a kap gen pou yo nan Jou Jijman an.»

«Tout aksyon depann entansyon ki dèyè yo, epi chak moun ap jwenn rekonpans selon sa li te gen nan entansyon li, kidonk nenpòt moun ki fè Hijrah li pou Allah ak Mesaje Li a, Hijrah li a se vè Allah ak Mesaje Li a, epi nenpòt moun ki fè Hijrah li pou yon byen nan mond sa a li vle jwenn, oswa pou yon fanm li vle marye, Hijrah li a se vè sa li te deplase pou li a».

Priyè Pwofèt la (se pou lapè ak benediksyon Allah sou li) te konn fè pi souvan an se te: «O Allah, O Senyè nou, ban nou yon byenfè nan lavi isiba ak yon byenfè nan lavi aprè lanmò, epi pwoteje nou kont pinisyon dife a.»