Encyclopedia of Prophetic Hadiths

«Lè yon moun antre lakay li, epi li pwononse non Allah lè lap antre a ak lè lap manje a, Satan di: Nou pa jwenn kote pou nou pase nwit lan, ni manje aswè. Men, si li antre epi li pa pwononse non Allah lè lap antre a, Satan di: Nou jwenn kote pou nou pase nwit lan. Epi si li pa pwononse non Allah lè lap manje a, li di: Nou jwenn ni kote pou nou pase nwit lan, ni manje aswè.»

Yon bedwen (arab ki rete nan dezè) te vin jwenn Mesaje Allah a (ke lapriyè ak lapè Allah sou li), epi li di: «Montrem kèk pawòl poum di.» Li reponn: «Di: Pa gen lòt divinite ki merite adore Sèlman Allah, Li pa gen okenn asosye; Allah se pi gran an toutbon vre; anpil lwanj se pou Allah ; glwa pou Allah, Mèt tout linivè a; pa gen okenn fòs ni okenn pouvwa si se pa gras ak Allah Toupwisan an, Saj la.» Bedwen an di: «Sa yo se pou Mèt mwen, men kisa ki pou mwen?» Pwofèt la di: «Di: O Allah padonem, fèm mizèrikòd, gidem, epi ban mwen pwovizyon.»

« O moun yo! Allah sen e Li pafè, Li pa aksepte anyen ki pa pwòp. Allah te bay kwayan yo menm lòd li te bay pwofèt yo. Li te di: "O nou menm pwofèt yo! Manje nan sa ki bon (legal/pwòp) epi fè bon aksyon, mwen menm mwen byen konnen sa nap fè." (Al-Mu'minun: 51). Li te di tou: "O nou menm ki kwè! Manje nan bon bagay mwen te ban nou yo." (Al-Baqarah: 172).

« Gen kèk pawòl (Adhkar) ki vin aprè lapriyè, moun ki di yo - oswa ki fè yo - aprè chak lapriyè obligatwa pap janm desi: se di 'Subhanallah' (Glwa pou Allah ) 33 fwa, di 'Alhamdulillah' (Lwanj pou Allah ) 33 fwa, epi di 'Allahu Akbar' (Allah pi gran) 34 fwa. »

Nou te ansanm ak Mesaje Allah a (lapè ak benediksyon Allah sou li), lè li te tande yon gwo bri ki tonbe. Pwofèt la (lapè ak benediksyon Allah sou li) di konsa: «Èske nou konnen kisa sa ye?» Nou reponn: « Allah ak Mesaje Li a konnen pi byen.» Li di: «Sa a se yon wòch yo te voye jete nan dife Lanfè a depi swasanndis (70) lane, li tap tonbe desann nan dife a jiska kounye a kote li rive nan fon li.»

«Èske mwen pa dwe fè nou konnen pi gwo nan gwo peche yo?» 3 fwa, yo reponn: «Wi, o Mesaje Allah.» Li di: «Bay Allah asosye, ak dezobeyi paran yo.» Epi li te chita pandan li te apiye, epi li di: «Atansyon, ak fo pawòl (fo temwayaj).» Li di: Epi li te kontinye ap repetel jiskaske nou te di: Nou ta swete li te fè silans.

« Anverite, Halal la klè, epi Haram nan klè, epi nan mitan yo gen bagay ki gen dout ke anpil moun pa konnen. Moun ki evite bagay ki gen dout yo, li mete relijyon li ak onè li klè, epi moun ki tonbe nan bagay ki gen dout yo, li tonbe nan Haram nan. Li tankou yon bèje k ap fè bèt li yo manje toupre yon zòn rezève, li pa lwen pou l kite yo manje ladan l. Konnen byen, chak wa gen yon zòn rezève pa l. Konnen byen, zòn rezève Allah a se sa Li entèdi yo. Anverite, nan kò a gen yon ti moso chè, lè li bon, tout kò a bon, epi lè li gate, tout kò a gate. Konnen byen, se kè a. »

«Nenpòt moun ki temwaye ke pa gen okenn lòt dye ki merite adorasyon esepte Allah, Li menm sèl, Li pa gen okenn asosye, epi Muhammad se sèvitè Li epi Mesaje Li, epi 'Isa (Jezi) se sèvitè Allah ak Mesaje Li, ak pawòl Li ke Li te voye bay Maryam, epi yon lespri ki soti nan Li, epi Paradi a se verite, epi Lanfè a se verite; Allah ap fè li antre nan Paradi a, kèlkeswa sa zèv li yo te ye.»