839 Hadisai

Kundin Hadisan Annabi

A trusted digital reference for Islamic content in over 100 languages

Tace sakamako

17 daga cikin katuna 839

"Ku saurara lallai cewa duniya tsinanniya ce, kuma abinda ke cikinta ma tsinanne ne, sai ambatan Allah da abinda ke jiɓintarsa da malami ko mai neman ilimi".

Hasan ne Tirmizi ne ya Rawaito shi

«Ku yi wa juna kyauta, za ku so juna».

Hasan ne Buhari a cikin Al-Adab Al-Mufrad da Abu Ya'la da Baihakisuka Rawaito shi.

Mafi cikar muminai a imani shi ne mafificinsu a kyawawan ɗabi’u, mafificinku shi ne mafificinku ga iyalinsa.

Hasan ne Abu Daud ne ya ruwaito shi da Kuma Tirmizi da Ahmad

"Kada ku maida gidajanku kaburbura, kuma kada ku maida kabari na idi, ku yi salati a gareni; domin cewa salatinku a gareni yana isomin a duk inda kuke".

Hasan ne Abu Dawud ne Ya Rawaito shi

"Babu wani abu mafi girma a wurin Allah - Maɗaukakin sarki- sama da addu'a".

Hasan ne Tirmizi da Ibnu Majah da Ahmad Suka ruwaito shi

"Bala'i ba zai gushe ga mumini da mumina ba a kansa da ɗansa da dukiyarsa har sai ya gamu da Allah ba shi da wani laifi".

Hasan ne Tirmizi da Ahmad sun rawaito shi

«Idan ɗayanku ya shiga masallaci to ya yi wa Annabi salati kuma ya ce: Ya Allah Ka buɗe mini ƙofofin rahamarKa, idan kuma zai fita to ya yi wa Annabi sallama sannan ya ce: Ya Allah Ka tsareni daga Shaiɗan abin jefewa». (Riwayar) Hakim: «Idan zai fita to ya yi wa Annabi - tsira da amincin Allah su tabbata agare shi - sallama, sannan ya ce: Ya Allah Ka tsareni daga Shaiɗan abin jefewa».

Hasan ne Ibnu Majah da Hakim ne suka Rawaito shi

«Kaɗai an aikoni ne dan in cika manyan ɗabi'u».

Hasan ne Bukhari a cikin Al-Adab Al-Mufrad da Ahmad da Baihaki suka ruwaito shi