839 Hadisai

Kundin Hadisan Annabi

A trusted digital reference for Islamic content in over 100 languages

"Mai bayyanar da Alkur’ani kamar mai bayyanar da sadaka ne, mai boye Alkur’ani kamar mai boye sadaka ne".

Ingantacce ne Abu Dawud da Tirmizi da Nasa'i ne Suka Rawaito shi

Manzon Allah - tsira da amincin Allah su tabbata a gare shi - ya kasance idan zai yi atishawa, yana sanya hannunsa - ko tufafinsa - a bakinsa, kuma ya runtse - ko matse - muryarsa da shi.

Ingantacce ne Abu Daud ne ya ruwaito shi da Kuma Tirmizi da Ahmad

"Idan ɗayanku ya haɗu da ɗan uwansa to ya yi masa sallama, idan bishiya ko katanga ko dutse ya tsare tsakaninsu sannan ya haɗu da shi to ya yi masa sallama kuma".

Ingantacce ne Abu Dawud ne Ya Rawaito shi

"Babu wani abu mafi nauyi a ma'aunin mumini a ranar Alkiyama daga kyawawan dabi'u, lallai Allah Yana kin mai alfasha mai mummunar magana".

Ingantacce ne Abu Dawud da Tirmizi ne Suka Rawaito shi

"Babu wasu musulmai biyu da zasu haɗu sannan su gaisa hannu da hannu sai an gafarta musu kafin su rabu".

Ingantacce ne a baki dayan hanyoyin sa Abu Dawud da Tirmizi da Ibnu Majah da Ahmad ne Suka Rawaito shi

"Ku sanya farare daga tufafinku, domin cewa sune mafi alherin tufafinku, kuma ku yi wa mamatanku likkafani a cikinsu".

Ingantacce ne Abu Dawud da Tirmizi da Ibn Majah ne Suka Rawaito shi

"Mayafin musulmi zuwa rabin ƙwauri ne, kuma babu laifi - ko babu zunubi - a tsakanin sa da idan sawu, kuma abinda ya zama ƙasa da idan sawu to shi yana cikin wuta, wanda ya ja mayafinsa (ƙasa) dan girman kai to Allah ba zai yi duba zuwa gareshi ba".

Ingantacce ne Abu Dawud ne ya rawaito shi da Ibnu Majah da Ahmad.

«‌Wanda ya nemi sanin wani ilimi daga abinda ake neman zatin Allah - Mai girma da ɗaukaka - da shi ba ya nemansa sai dan ya samu wata haja ta duniya da shi ba zai ji ƙanshin aljanna ba a ranar alƙima» wato ƙanshinta.

Ingantacce ne Abu Dawud ne ya rawaito shi da Ibnu Majah da Ahmad.