Encyclopedia of Prophetic Hadiths

<< Ala ye ntalen gosi sira tilenen dɔ la, koko fila bɛ sira n kɛrɛ fila la, donda bɛ koko fila n na u dayɛlɛnen do, ka suturalan samanen fila bila u da la, weeleli kɛla dɔ bɛ sira n daminɛ la a b'a fɔ: yaa aw mɔgɔw, a ye tɛmɛ sira n fɛ aw bɛɛ aw ka na jɛngɛ, weeleli kɛla wɛrɛ bɛ weeleli kɛ siran n kun na, ni dɔ y'a laɲini ka donda dɔ yɛlɛn, a b'a fɔ: ka n'a yɛlɛn halaki b'i ye! N'i y'a yɛlɛn dɔrɔn i tɛ sɛ k'i yɛrɛ bàli a donni ma, kira ko o sira n ye silamɛya de ye, kokofila n ye: Ala ka dànw de ye, donda yɛlɛnnenw ye: haramu kow ye, weeleli kɛla min bɛ sira daminɛ la o ye kurana ye, min bɛ sira kun na o ye Ala ka waajuli ye silamɛ bɛɛ dusukun na>>.

Ko kira ye laseeli kɛ nɛɛma ni kisi b'a ye makan dùgu dayɛlɛn don, a ko: <<yaa aw mɔgɔw, i k'a dɔn Ala ye kodɔnbaliya waati yɛrɛbonya wili ka bɔ aw kan ani karama sɔrɔli a waati la ni wolofa ka sira ye, mɔgɔw ye suguya fila ye: ɲumankɛla min bɛ siran Ala ɲɛ, o hɛrɛ ka bon Ala yɔrɔ, ani cɛnnikɛla kunnango, o ka ko ka dɔgɔn Ala yɔrɔ, mɔgɔw bɛɛ ye an fà Adama den ye, wa Adama danna ka bɔ bɔgɔ la, Ala ko:{ yaa aw mɔgɔw, i k'a dɔn ne y'aw dan ka bɔ cɛ kelen ni muso kelen na, k'aw kɛ màntow ni kabilaw ye yaasa aw ka ɲɔgɔn dɔn, aw la mɔgɔbá Ala yɔrɔ o ye aw la alaɲɛsiranyɛjɔn de ye, i k'a dɔn Ala ye dɔnni ni kodɔn màsa ye} [ sìbonw kofɔ suran] >>.

<< duwawu ye bàto ye >> o kɔfɛ a ye Ala kumakan kalan: <<{ aw tìgi ko aw ye ne weele n b'aw jaabi, i k'a dɔn minnu b'u yɛrɛ bonya ne weeleli ma u bɛ don tasuma kɔnɔ u dɔgɔyalen} {yàfa baa suran: 60]>>.

Tuma min haya jìginna: { o kɔfɛ aw bɛ na ɲininka nɛɛmaw la o don na}[cayaɲɔgɔnya suran: 8], zubeyiri ko: yaa Ala ka ciden, an bɛ na ɲininka nɛɛma jumɛn la, yali nɛɛma fiman fila de ko don wa n'o ye tamaro ni ji ye ? Kira ko: << a dɔn kɔni k'o bɛna kɛ>>.

<< Ni min ye tɔɔrɔ kɛ Ala b'o tɔɔrɔ, ni min ye gɛlɛya kɛ Ala bɛ gɛlɛya k'o kan >>.

Kira y'an ladɔnniya nɛɛma ni kisi b'a ye màgodonni laseeli la : i k'a dɔn tànu bɛ Ala ye, an bɛ dɛmɛ ni yaafa deli a fɛ, an bɛ tànga ɲini a fɛ ka bɔ an yɛrɛbakun tɔɔrɔ ma, ni Ala ye mɔgɔ min kanda filibaa t'o la, n'a ye mɔgɔ min lafìli kandabaa t'o la, n bɛ seereya k'a fɔ má foyi tɛ yen fo Ala, wa n bɛ seereya ko Mamadu y'a ka ciden ye a ka jɔn do, { yaa aw mɔgɔw aw ye siran Ala ɲɛ o min y'aw dan ka bɔ cɛ kelen nín na k'a furumuso dan ka bɔ o la, k'a càrili kɛ ka bɔ u fila la Musɔw ni cɛ caman na, aw ye siran Ala ɲɛ aw bɛ ka ɲɔgɔn deli nin o min tɔgɔ ye ani sinji, i k'a dɔn Ala kɛra aw kɔlɔsibaa ye} {musow kofɔ suran: 1], { yaa aw mɔgɔw minnu limaniya la aw ye siran Ala ɲɛ alaɲɛsiranyɛ lakika la, aw ka n'a to aw ka sà f'o k'a sɔrɔ aw ye silamɛw ye} [Imurana ka denbaya kofɔ suran 102], { yaa aw mɔgɔw minnu limaniyala aw ye siran Ala ɲɛ ka tuɲa fɔ(70) n'o kɛra a bɛ aw ka baara ɲà ka yaafa aw jùrumuw ma, ni mɔgɔ min ye Ala n'a kira kumakan bàto o tìgi ye niyɔrɔbá sɔrɔ} [kɛlɛjamakulu kofɔ suran 70-71].

<< fɛn foyi tɛ yen min ka bon Ala yɔrɔ ka tɛmɛ duwawu kan >>.

<< ni mɔgɔ min ye siginiden kelen kalan Ala ka gafe la ɲumanya kelen bɛ o ye, kelen o bɛ caaya ka kɛ tan ye, n ta fɔ {alifu laa mimu} k'olu ye siginin kelen ye, nka {alifu} ye siginiden ye {lamu} ye siginiden ye wa {mimu} fana ye siginiden ye>>.