Encyclopedia of Prophetic Hadiths

Anasi y'a bàro bɔ an ye Ala diɲɛna a ma k'a fɔ cɛ dɔ ko: yaa Ala ka Nabiɲuman, kafiri bɛ wili a ɲɛda kan cogodi? Kira ko:<<Ala min y'a tagama a senfila kan duniya kɔnɔ a sé tɛ o ye k'a latagama a ɲɛdakan kiyamadon na wa>> katada ko a bɛ ten, o sé bɛ an tìgi ye.

<< Ala tɛ limaniyajɔn tɔɲɔ ɲumankelen hakɛ la, a bɛ d'a ma duniya kɔnɔ ka sàra a la lahara, n ka kafiri a le bɛ ladumuni n'a ka ɲumanya kɛlenw ye duniya, f'a bɛ taa se lahara, ɲuman tɛ sɔrɔ a bɛ sàra ni min ye >>.

<< i k'a dɔn Ala t'aw sawuraw n'aw ka nafolow lajɛ, n ka a b'aw dusukun n'aw ka baaraw de lajɛ >>.

I k'a dͻn Ala ye màsà sanuman de ye w'a tɛ foyi labi fo fɛn sanuman, wa i k'a dͻn Ala ye muuminuw yaamaruya ni fɛn ye a ye cidenw yaamaruya ni min ye, Ala ko - a ka se kͻrͻtara - : Eh aw cidenw aw ye dumunikɛ kabͻ fɛn sanumanw la, aw ka baara ɲuman kɛ; Ala ko tuguni : Ee aw limaniyajͻnw aw ye dumunikɛ kabͻ fɛn sanumanw la, ne y'aw garisɛgɛ min na, o kͻfɛ, a ye cɛ dͻ kofͻ a be taama sira jan fɛ, a kunsiw ɲagasalen do, gͻngͻn b'a kan, a b'a bolo bamba kataa sanfɛ: Ee ne tigi Ala! Ee ne tìgì Ala ! O b'a sͻrͻ a ka balo ye haraamu ye, aminiji ye haraamu ye, a donfini ye haraamu ye, a yɛrɛ balola haraamu dela, a fo tumanjumɛn o ka dugawu bɛna jaabi sa?

<< i k'a dɔn Ala bɛ tɔɲɔnikɛla kɔnɔ, fo n'a y'a minɛ a tɛ kila a la>> a ko: o kɔfɛ kira ye kurana haya kalan: << { i tìgi ka minɛli bɛ o cogo de la, n'a ye dùgumɔgɔw minɛ k'a sɔrɔ u bɛ tɔɲɔni na, i ka dɔn a ka minɛli ka gɛlɛn dimi b'a nɔfɛ}>> [hudu kofɔ suran: 102].

<< an má bɛ jìgin a kɔrɔtalen barika b'a la don bɛɛ sufɛ ka na duniya sankolo la tuma min su tɔ bɛ to tilan saba laban ye, a b'a fɔ: << jɔn bɛ n weele n bɛ o jaabi? Jɔn bɛ ɲininni kɛ n fɛ n b'a di? Jɔn bɛ yaafa deli n bɛ yàfa o ma?>>.