Encyclopedia of Prophetic Hadiths

<< aw ka na ne màjamu ka dàntɛmɛ i n'a fo nasaraw ye min ke mariyama den na; ne ye Ala ka jɔn de ye, aw y'a fo: Ala ka jɔn n'a ka ciden >>.

Cɛ dɔ nana kira ma kisi b'a ye a ko: yaa Ala ka ciden, waajibikow ye mun ye? Kira ko: <<ni mɔgɔ min sàra k'a sɔrɔ a tɛ dɔwɛrɛ fàra Ala kan o bɛ don alijana la, ni mɔgɔ min sàra k'a sɔrɔ a bɛ dɔ fàra Ala kan o bɛ don tasuma la >>

<< diinɛgɛlɛyalaw halakila>>a y'a fɔ siyɛn sàba.

<< Ala ko barikada b'a ye a kɔrɔtalendo: ne de ye diɲɛɲɔgɔnmanw la kaarilenbá ye ka bɔ filaninkafɔya ma, ni mɔgɔ min ye baaradɔ kɛ ka dɔwɛrɛ fàra ne Ala kan o la , n b'o ni a ka filaninkafɔya to>>.

Mɔgɔdɔw ye kira ɲininka somaw ka ko la, a k'u ma nɛɛma ni kisi b'a ye : << somaw tɛ fɛn dɔn >> u ko: yaa Ala ka ciden, u bɛ kuma fɛn dɔ kan tumadɔw la o bɛ kɛ tuɲa ye, kira ko nɛɛma ni kisi b'a ye: <<o tuɲa kuman n bɛ mɛ jinɛ de fɛ sanfɛ a bɛ na n'a ye k'a kalan soma tulo la i n'a fɔ sisɛ mangan, soma bɛ nkalon ɲagami a la min ka can ni kɛmɛ ye>>.

<< aw ka na sìgi kaburuw kan, wa aw ka na seli ka ɲɛsi a ma >>.

Tuma min bàna gɛlɛyara kira kan nɛɛma ni kisi b'a ye, a kɛra a bɛ finin biri a ɲɛda la, n'a degunna a b'a wili ka bɔ a ɲɛda la, a b'a fɔ k'a t'o lahalaya la: << Ala ka danga bɛ yahudiyaw ni nànsaraw kan, u y'u ka Nabiɲumanw kaburu kɛ bàtoyɔrɔ ye>> kira tun bɛ ka Làdili kɛ ka bɔ o ma.

Ne tun bɛ kira kɔfɛ fàli dɔ kan min tun bɛ weele ko gufeyiri, kira ko: << yaa muazi, yali i bɛ Ala ka hakɛ dɔn a ka jɔnw kan wa? Ani jɔnw ka hakɛ ye mun ye Ala kan? >> ne ko: Ala n'a ka kira de b'a dɔn, a ko: <<Ala ka hakɛ a ka jɔnw kan o ye k'a bàto fɛn kana fàra a kan, jɔnw ka hakɛ Ala kan o ye mɔgɔ kana làjaaba min ma fɛn fàra a kan>>, ne ko: yaa Ala ka ciden yali n' tɛ mɔgɔw lanisɔndiya ni nin ye wa? A ko: << kana u la nisɔndiya, a dɔla u b'u sinsin ni kan>>.