Encyclopedia of Prophetic Hadiths

<< fɛn naani mɔgɔ min mana kɛ o cɛ la o bɛ kɛ naafigi ye, n'a taamasiyɛn dɔ yera mɔgɔ min na naafigiya taamasiyɛn bɛ o la f'a k'a bila: mɔgɔ min bɛ nkalon tigɛ n'a bɛ bàro kɛ, n'a ye lahidu tà a b'a bɔrɔtɔ, a bɛ cɛnni kɛ n'a bɛ kɛlɛ kɛ, n'a ye lahidu ta a bɛ jànfan kɛ>>.

Kira ka sahaba dɔw nana a ma kisi b'a ye, u y'a ɲininka:fɛn dɔ bɛ jìgin anw kunkolo la a fɔli ka gɛlɛn an ma, Kira ko: << o bɛna aw kunkolola wa>> u ko awɔ, kira ko<< o fɔbaliya yɛrɛ de ye limaniya ye >>.

<< ne bɛ kɛ n ka dàla kɛrɛfɛ mɔgɔ dɔw bɛna n b'u filɛ, dɔw bɛ minɛ ne kɛrɛfɛ, n b'a fɔ: ne tìgi ninnu ye ne dɔ ye n mànto dɔ don, a bɛ fɔ: yali i b'a dɔn u ye min kɛ i kɔfɛ wa, n kalenna Ala la u tun kɛra u bɛ segin u kɔ de dɔrɔn >>.

<< sitanɛ bɛ na aw dɔlakelen ma a b'a fɔ: jɔn ye danni kɛ tan? jɔn ye danni kɛ tan? F'a b'a fɔ: jɔn ye e tìgi dan? N'a seera o yɔrɔ ma a ka tangaɲini Ala fɛ k'a hakilimajɔ>>.

<< aw ka na ne màjamu ka dàntɛmɛ i n'a fo nasaraw ye min ke mariyama den na; ne ye Ala ka jɔn de ye, aw y'a fo: Ala ka jɔn n'a ka ciden >>.

Anasi y'a bàro bɔ an ye Ala diɲɛna a ma k'a fɔ cɛ dɔ ko: yaa Ala ka Nabiɲuman, kafiri bɛ wili a ɲɛda kan cogodi? Kira ko:<<Ala min y'a tagama a senfila kan duniya kɔnɔ a sé tɛ o ye k'a latagama a ɲɛdakan kiyamadon na wa>> katada ko a bɛ ten, o sé bɛ an tìgi ye.

Kira ko nɛɛma ni kisi b'a ye jabali den muazi ma, tuma min a y'a ci ka taa yamani jamana kan: << i k'a dɔn i bɛna taa màntow ma gafe dùngew do, n'i seera u ma i b'u weele u ka seereya ko má foyi tɛ yen fo Ala, Mamadu y'a ka ciden ye, n'u sɔnna o ma, u kibaruya ko Ala ye seli faridaduuru waajibiya u kan su ni tile kɔnɔ, n'u sɔnna o ma, u kibaruya ko Ala ye jaga waajibiya, a bɛ minɛ u ka faamaw la k'a segin u ka fantanw ma, n'u sɔnna o ma i bolo, n bɛ i ma n'u ka nàfolo sɔngɔman baw ye, i ka siran mɔgɔ tɔɲɔnen ka weeleli kan ɲɛ, balìlan tɛ a ka weelekan ni Ala cɛ>>.

« ko bɛɛ bɛ latige de bolo, hali làfu ni galabukɛnɛya , wali galabukɛnɛya ni làfu >>.