Encyclopedia of Prophetic Hadiths

Cɛ dɔ ko: yaa Ala ka ciden, an ye min waleya kodɔnbaliya waati an bɛ minɛ n'o ye wa? A ko: <<ni min ye silamɛya kɛ k'a ɲɛ o tɛ minɛ kɔrɔlen ma, ni min ma silamɛya kɛ k'a ɲɛ, o bɛ minɛ ni fɔlɔ ni laban ye >>.

<< ni mɔgɔ min ye Ala kunbɛnɲɔgɔnya k'a sɔrɔ a ma fɛn fára a kan o bɛ don alijana kɔnɔ, ni min y'a kunbɛɲɔgɔnya k'a sɔrɔ a bɛ dɔ fára a kan o bɛ don tasuma la >>.

<< ni mɔgɔ min ko: tìgi foyi tɛ yen fo Ala, ka kafiriya bàtofɛn wɛrɛ ma min tɛ Ala ye o ka nàfolo n'a jòli kɛra haramu ye silamɛ bɛɛ kan, a ka ko fɛsɛfɛsɛli bɛ Ala de kan >>.

<< duniya tɛ wuli fo aw ka yahudiyaw kɛlɛ, fo yahudiya bɛ farakuru min kɔfɛ o k'a fɔ: yaa silamɛ, nin ye yahudiya de ye ne kɔfɛ n'a kɛlɛ >>.

Abi talibi den Ali ko ne ma: n bɛ na i ci fɛn na kira ye ne ci min na nɛɛma ni kisi b'a ye ? O ye i kana tɛmɛ jà foyi la ni i m'a kari, ani kaburu kɔrɔtalen ni i m'a dalakɛɲɛ.

<< mɔgɔdɔw bɛ na kɛ ne mànton laban na, u b'aw bàroɲɔgɔnya fɛn na aw n'aw faw ma min mɛ, n b'aw ma n bɛ olu fana ma n'o kɛwale ye >>

<< Silamaya jɔra fɛn duuru kan, seereya ka fɔ ma foyi tɛ yen fo Ala wa kira Mamadu y'a ka ciden ye. Ani ka seli jɔ ka jaka di, ka taa bɔ Ala ka so la ,ka Sunkalo Sun >>.

<< n y'aw bàli min na aw y'aw yɔrɔ janya o la, ni n y'aw yamaruya ka min kɛ a ye o kɛ aw se damayira la i k'a dɔn mànton minnu tɛmɛna ka kɔn aw ɲɛ olu halakira ɲininkali caya de nɔfɛ, an'u ka Nabiɲumanw fɔkɔɲɔgɔnyali>>.