Encyclopedia of Prophetic Hadiths

Tuma min Ala ye alijana ni jahanama dan a ye jibirila ci kisi b'a ye ka taa alijana la, a ko: taa a lajɛ ani n ye min labɛn a dùngew ye. A taara a lajɛ ka segin, a ko: n kalenna i bonya la mɔgɔ si tɛ ni komɛ k'a tɛ don a kɔnɔ. Ala ye yamaruya di k'a lamini ni gɛlɛyaw ye, o kɔfɛ Ala ko: taa a lajɛ ani n ye min labɛn a dùngew ye. A taara a lajɛ, k'a sɔrɔ a laminina ni gɛlɛyakow ye, a ko: n kalenna i bonya la, ne jɔrɔla ni mɔgɔ bɛ sɛ ka don a kɔnɔ. Ala ko: taa i ka taa tasuma lajɛ ani n ye min labɛn a dùngew ye. A taara a lajɛ k'a sɔrɔ tasuma bɛ ka yɛlɛn ɲɔgɔn kan, a seginna o kɔfɛ a ko: n kalenna i ka bonya la n ma d'a la ni mɔgɔ bɛ don ni kɔnɔ. Ala ko: segin ka taa a lajɛ, a seginna k'a lajɛ a y'a sɔrɔ a laminina ni nin diyaɲɛkow ye, a segin na, o kɔfɛ a ko: n kalenna i bonya la, ne jɔrɔla ni mɔgɔ bɛ sɛ ka kisi ni ma >>.

<< Ni mɔgɔ min ye gɛlɛyabaatɔ ɲɛmafilɛ wali ka jùrù bìn ka bɔ a kan na, Ala b'o tìgi don a ka màsasigilan suma kɔrɔ kiyama, don min suma tɛ sɔrɔ n'o suma tɛ >>.

<< ni duniya wili waati surunyara ne ka kuma bɛ lase cɛ dɔ ma k'a sɔrɔ a sɛmɛnen a ka sìgilan na a b'a fɔ: Ala ka gafe de bɛ aw ni ne cɛ, n'an ye halala min sɔrɔ o kɔnɔ an b'o kɛ halala ye n'an ye haramu min sɔrɔ a kɔnɔ an b'o de kɛ haramu ye, i k'a dɔn Ala ka ciden ye min haramuya o b'i na fɔ Ala de y'o haramuya >>.

<< i k'a dɔn lahidu min bɛ an ni u cɛ o ye seli de ye, ni min m'o waleya o kafiriya la>>.

<< hinɛbagaw hinɛmàsa bɛ hinɛ olu la, aw ye hinɛ dugukolo kàn mɔgɔw la, min bɛ sankolo la o bɛ hinɛ aw la >>

<< ni mɔgɔ min kalenna Alatàna la o kafiriyala wali a ye dɔ fàra Ala kan>>

<< N bɛ alaɲɛsiraɲɛ sarankanikan di aw ma, ani lamɛli ni labatoli, hali n’aw ka maratigi kɛra jon do de ye, ni Ala ye sijan di maa min ma ; aw la, o bɛ na fɔkɔɲɔgɔnya caman ye . N b’aw ma o tuma la nin ka taasira ye ani n nɔnabila kandalenw (naani) ka taasira aw ye taasira n minɛ n'aw tagaju ye, n b'aw ladi ka bɔ kokura sindi ma; i k'a dɔn ko sindilen bɛɛ ye fili ye>>.

<< i ye n ɲininka fɛn bá la, fɛn nɔgɔn do Ala y'a nɔgɔya mɔgɔ min ye, i bɛ Ala bàto i kana fɛn fàra a kan, i bɛ seli jɔ, ka jaka bɔ, ka sunkalo sun, ka Ala ka so yazura o kɔfɛ a ko: yala n tɛ hɛɛrɛ bondaw yira i la wa: Sun ye tangalan ye, saraka bɛ jùrùmu fàgà i n'a fɔ ji bɛ tasuma fàgà cogomin, ani silamɛ ka seli su dibifin tuma a ko o kɔfɛ kira ye haya kalan: {u kamanw bɛ kɔrɔta ka bɔ dalanw sanfɛ}, ka see kuranahaya ma: {'u tun bɛ min baara} o kɔfɛ a ko: yala n ti ladɔnniya koɲɛw bɛɛ kunkolo n'a toloman na wa? ne ko: n ladɔnniya yaa Ala ka ciden, a ko:<< koɲɛw kunkolo ye silamɛya ye, u toloman ye seli ye, u kɔrɔtalan ye kɛlɛ ye diinɛ tɔgɔ la o kɔfɛ a ko: yala n ti ladɔnniya ni bɛɛ dafalan na wa? ne ko: n ladɔnniya yaa Ala ka Nabiɲuman, kira y'a tà a nɛn ma k'a fɔ: i jànto ni nan>> ne ko: yaa Ala ka Nabiɲuman, yali an bɛ minɛ an ka fɔtaw ma wa? kira ko:<< i tununa i woloba la (yaa Muazi) , yali mɔgɔw bɛ fili tasuma la u ɲɛdaw wali u nunwo kan k'a sɔrɔ u kumakanw nɔ tɛ a la wa>>!