Encyclopedia of Prophetic Hadiths

<< Silamaya jɔra fɛn duuru kan, seereya ka fɔ ma foyi tɛ yen fo Ala wa kira Mamadu y'a ka ciden ye. Ani ka seli jɔ ka jaka di, ka taa bɔ Ala ka so la ,ka Sunkalo Sun >>.

<< n y'aw bàli min na aw y'aw yɔrɔ janya o la, ni n y'aw yamaruya ka min kɛ a ye o kɛ aw se damayira la i k'a dɔn mànton minnu tɛmɛna ka kɔn aw ɲɛ olu halakira ɲininkali caya de nɔfɛ, an'u ka Nabiɲumanw fɔkɔɲɔgɔnyali>>.

K'a fɔ a tun bɛ kira nɔfɛ kisi b'a ye a ka taama dɔ senfɛ, a ko: kira ye ciden dɔ ci nɛɛma ni kisi b'a ye - K'a sɔrɔ mɔgɔw b'u sìyɔrɔ la- ka taa fɔ u ye ko a ko: << kan fu jùruman jiri la wali a nɛgɛma foyi kana to ɲɔgɔmɛ kan na fo k'a tigɛ >>.

<< i k'a dɔn seli min ka gɛlɛn nafiki ma o ye saafoseli ni fajiriseli de ye, n'u tun b'a dɔn min bɛ sɔrɔ o fila la u tun bɛ na u ma hali n'u b'u munuman, ne hamina n'a ye n ka yamaruya kɛ seli ka jɔ, o kɔfɛ ka dɔ yamaruya ka seli ni mɔgɔw ye, o kɔfɛ ka cɛ dɔw sugandi ka na n nɔfɛ lɔgɔsiri bɛ minnu bolo an ka taa don selibaliw kan, ka u ka sow jeni tasuma la u kan>>.

<< i k'a dɔn Ala bɛ tɔɲɔnikɛla kɔnɔ, fo n'a y'a minɛ a tɛ kila a la>> a ko: o kɔfɛ kira ye kurana haya kalan: << { i tìgi ka minɛli bɛ o cogo de la, n'a ye dùgumɔgɔw minɛ k'a sɔrɔ u bɛ tɔɲɔni na, i ka dɔn a ka minɛli ka gɛlɛn dimi b'a nɔfɛ}>> [hudu kofɔ suran: 102].

A ko kira fàmana keyisi den saabiti ma nɛɛma ni kisi b'a ye, cɛ dɔ ko: yaa Ala ka ciden, ne b'a kibaruya ɲinin ká na n'a ye, a seera a ma a ka dú kɔnɔ a y'a sɔrɔ a kunkolo jìginnen do, a ko: mun bɛ i la? Saabiti ko tɔɔrɔ, a tun b'a kumakan mankan kɔrɔtara kira ta kan kisi b'a ye, a ka baara binna, wa a kɛra tasuma dùnge ye, cɛ n na na kira ma k'a kibaruya saabiti ka fɔta la, o kɔfɛ a seginna ni nisɔndiyako belebele ye, kira ko a ma:<<taa a fɔ a ye: i k'a dɔn e tɛ tasuma dùnge ye, i ye alijana kɔnɔ den de ye >>.

Gafe dùngew tun bɛ Tawurata kalan ebure kan na, k'a ɲɛfɔ làrabu kan na silamɛw ye, kira ko kisi b'a ye: <<aw ka na gafe dùngew tuɲatigiya wa aw ka na u nkalontigiya, aw y'a fɔ: {anw limaniya la Ala la ani min jìgìna an ka} [Mìsì muso kofɔ suran: 136] haya >>.

<< ne ka jifolon ye kalo kelen taama ɲɔgɔnna de ye, a ji jɛlen ni nɔnɔ ye, wa a kasa ka di ni latikolon misiku ye, a solilan ye dolow caya hakɛ ye, ni mɔgɔ min y'a min o tɛ minɔgɔ tuguni >>.