Encyclopedia of Prophetic Hadiths

K'a fɔ su wo su ni kira tun bɛ taa a da kisi b'a ye a tun b'a tɛgɛkan fila fàraɲɔgɔkan, o kɔfɛ a bɛ tutuli kɛ u la ka Ala ka kumakan kalan : { a fɔ tìgi foyi tɛ yen fo Ala}, ani { a fɔ n bɛ tànga ɲini fajirikɛnɛ cibaa màsa fɛ }, ani { N bɛ tanga ni mɔgɔw danbaa fɛ }, o kɔfɛ a b'a farikolo dosi n'u ye a sé damayira la, a b'a daminɛ a kunkolo sanfɛla la ani ɲɛda ani farikolo kuntelenna, a b'o kɛ siyɛn sàba.

Kira tun kɛra nɛɛma ni kisi b'a ye a bɛ Ala kosuma a ka lahalaya bɛɛ la.

<< Ni mɔgɔ min ye Mìsìmuso kofɔ suran hayalaban fila kalan su kɔnɔ, o fila b'a wàsa >>.

Ko kira ye laseeli kɛ nɛɛma ni kisi b'a ye makan dùgu dayɛlɛn don, a ko: <<yaa aw mɔgɔw, i k'a dɔn Ala ye kodɔnbaliya waati yɛrɛbonya wili ka bɔ aw kan ani karama sɔrɔli a waati la ni wolofa ka sira ye, mɔgɔw ye suguya fila ye: ɲumankɛla min bɛ siran Ala ɲɛ, o hɛrɛ ka bon Ala yɔrɔ, ani cɛnnikɛla kunnango, o ka ko ka dɔgɔn Ala yɔrɔ, mɔgɔw bɛɛ ye an fà Adama den ye, wa Adama danna ka bɔ bɔgɔ la, Ala ko:{ yaa aw mɔgɔw, i k'a dɔn ne y'aw dan ka bɔ cɛ kelen ni muso kelen na, k'aw kɛ màntow ni kabilaw ye yaasa aw ka ɲɔgɔn dɔn, aw la mɔgɔbá Ala yɔrɔ o ye aw la alaɲɛsiranyɛjɔn de ye, i k'a dɔn Ala ye dɔnni ni kodɔn màsa ye} [ sìbonw kofɔ suran] >>.

Tuma min haya jìginna: { o kɔfɛ aw bɛ na ɲininka nɛɛmaw la o don na}[cayaɲɔgɔnya suran: 8], zubeyiri ko: yaa Ala ka ciden, an bɛ na ɲininka nɛɛma jumɛn la, yali nɛɛma fiman fila de ko don wa n'o ye tamaro ni ji ye ? Kira ko: << a dɔn kɔni k'o bɛna kɛ>>.