732 Hadiths

Encyclopedia of Prophetic Hadiths

A trusted digital reference for Islamic content in over 100 languages

Filter results

104 of 732 cards

Nekkul woon ku ñaaw i wax du caagine ay jëf, du caagine kuy coow ci ja yi, (marché)te daawul fayantoo lu ñaaw, waaye day baale di jéggale.

Wér na At-tirmisiy soloo na ko, ak Ahmat.

"yal na Yàlla leeralal waaju dégg ci man dara mu jottali ko kem na mu ko dégge woon, bariwaana ku ñu jottali mu gën a xam aji-dégg ji".

Wér na At-tirmisiy soloo na ko, ak Ibnu Maaja, ak Ahmat.

«su ngeen wakkirlu woon ci Yàlla dëgg-dëggi wakkirlu, kon dana leen wërsëgal kem ni muy wërsëgale picc mi, day xëy nek ku woos xiif di gont biir bi fees dell.

Wér na At-tirmisiy soloo na ko, ak Ibnu Maaja, ak Ahmat.

« ragalleen Yàlla seen Boroom, te ngeen julli seen julli juróom yi, te woor seen weer wi, te joxe asakay seen alal ji, te topp ki jiite seeni mbir, kon dangeen dugg àjjanay seen Boroom».

Wér na At-tirmisiy soloo na ko, ak Ahmat.

«socc day laabal gémmeñ di gërëmloo Boroom bi».

Wér na An-nasaa'iy soloo na ko, ak Ahmat.

Ci li Yàlla wax ne: {ku fa namm ag ndëngte ci ag tooñ dananu ko mosal mbugal mu metti} [Al-Hajj: 25] nee na: "bu doon benn waay dafaa namma def ag ndëngte fekk moo nga ca Hadan ci soriwaay kon Yàlla dana ko mosal mbugal mu metti".

Wér na Ahmad ak Al-Haakim ñoo ko soloo.

Wax naa : yaw Yónente Yàlla bi, wax ma ci Lislaam wax joo xam ne duma ko laaj kenn ku dul yaw, mu ne ma : "waxal gëm naa Yàlla, te jub kocc".

Wér na Muslim soloo na ko, ak Ahmat.

"toftalleen diggante Aj ak Umra, ndax ñoom ñaar dañuy dàq ñàq ak bàkkaar yi, kem ni sawara di dàqe mbonteg weñ, ak wurus, ak xaalis, te Aj gu ñu nangu amul genn yool gu dul Àjjana".

Wér na At-Tirmisiyyu ak An-Nasaa-iyyu ak Ahmad ñoo ko soloo.