Encyclopedia of Prophetic Hadiths

"moytulleen bàkkaar yi ñuy xeeb bàkkaar yi ñuy xeeb dafa mel ni ay nit yu wàcc ci aw xur, kii indi ab bant, kii indi ab bant, ba ñu ñoral ca seen mburu, te bàkkaar yi ñuy xeeb saa bu ñu ci jàppee boroom mu alag ko".

«bu ndox mi nekkee ñaari mbànd kon du téye sobe».

Yonnente Yàlla bi -yal na ko Yàlla dolli xéewal ak mucc- bu daan tissooli day teg loxoom -walla yéereem- ci gémmeñam, daal di suufeel -walla mu téye- ci kàdoom.

«aji-gëm ji jikkoom ju rafet danako may mu am darajay Aji-woor ak kiy taxaw di julli».

«ku wax bismil Laahi Allasii laa yadurru maha ismihii say-un fil ardi walaa fis samaa-i wa huwa As-Samiihu Al-Haliimu, ñatti yoon balaa bu bette du ko dal, ba baa muy xëy, ku ko wax bu xëyee ñatti yoon balaa buy bette du ko dal ba baa muy gont", mu ne: ag paraaliise daal di dal Abaan ibn Usmaan, waa ji dégg ci moom hadiis bi tàmbali di ko xool, mu ne ko: lu tax nga may xool nii? Giñ naa ci Yàlla fenaluma Usmaan, te du caagine Usmaan daa fenal Yonnente bi yal na ko Yàlla dolli xéewal ak mucc, waaye bis bi ma lii di dal damaa meroon fàtte ko a wax.

man ak mbooloo ci Banuu Aamir dañoo ñëw ci Yonnente bi -yal na ko Yàlla dolli xéewal ak mucc-, ne ko: yaw yaay sunu sang, mu ne nu: "sang bi mooy Yàlla", nu ne ko: yaanu gën, gën noo màggi xéewal, mu ne nu: "waxleen la ngeen daa wax, mbaa lenn ca la ngeen daa wax, te bu leen saytaane yóbbaale".

«ku muñal ki am jafe-jafe, walla mu baal ka ko, Yàlla dana ko keral bis-penc ca suufus keru Gàngunaayam ga bis ba nga xam ne genn ker amul gu dul keram ga».

"yaw sama Boroom maa ngi lay ñaan bul def sama bàmmeel ab xërëm, Yàlla rëbb na nit ñiy jàppe bàmmeelu seeni Yónente ay jàkka".