Skip to content
732 Hadiths

Encyclopedia of Prophetic Hadiths

Filter results

36 of 732 cards

Clear filters
"dees na gaaral fitna ci xol yi mu mel ni ag basaŋ nekk bant-bant, xol bu mu dugg ñi tomb ca tomb bu ñuul, xol bu ko weddi ñu tomb ca tomb bu weex, ba mu mujj nekk ci ñaari xol, bu weex mel ni xeer wu weex te rittax fitna du ko lor fii ak asamaan yi ak Suuf si mi ngi fi, beneen di xol bu ñuul bu rax, mel ni baag bu jeng, du xam lu baax te du bañ lu bon, lu dul lu dëppoo ak bànneexam", Husayfata nee na: ma wax ko ne, sa diggante ak moom benn bunt bu ñu tëj moo ci dox te daana ka toj na, Umar ne ko: mo ndax day toj? Moom bu ñu ko tijji woon sax amaana dees na ko tëjaat, ma ne ko: déedéet dañu koy toj, ma xibaar ko ne bunt boobu de benn waay la bu ñuy ray walla mu dee balaa yàgg te lii du ay njaxas. Abuu Xaalid nee na: ma wax Sahd ne ko: yaw Abuu Maalik, lan mooy ñuul gu rax? Mu wax ne: mooy weex gu tar gu nekk ci biir ñuulaay, nee na: ma ne ko: lan mooy baag bu jeng? Mu ne: mooy bu dëng.
Wér na Muslim soloo na ko.
التصنيف الشرعيذَمُّ الهوى والشَّهوات
"Àjjana amna ab maarse bu ñuy dem Àjjuma gu ne, ngelaw liy juge bëj-gànnaar daal di upp ñu dal ci seen kanam yi ak seen yére yi, ñu daal di gën a rafet gën a taaru, ñuy dellu ca seen njaboot ya fekk seen rafetaay ak seen taar yokk na, seen njaboot gi ne leen: giñ nanu ci Yàlla ne dangeen a gën a rafet gën a taaru, ñoom itam ñu ne leen: yéen itam giñ nanu ci Yàlla ne dangeen a gën a rafet sunu ginnaaw gën a taaru".
Wér na Muslim soloo na ko.
التصنيف الشرعيصفات الجنة والنار
Wax naa : yaw Yónente Yàlla bi, wax ma ci Lislaam wax joo xam ne duma ko laaj kenn ku dul yaw, mu ne ma : "waxal gëm naa Yàlla, te jub kocc".
Wér na Muslim soloo na ko, ak Ahmat.
التصنيف الشرعيتزكية النفوس، الإيمان بالله عز وجل، الإسلام، الإيمانموضوعات الحديثالإيمان بالله تعالى
"Jëf yi mi ngi aju ci yéene yi, te nit ku nekk la mu yéene rekk lay am, képp ku gàddaay ngir Yàlla ak ub Yonenteem, kooku gàddaayam dina jëm ci Yàlla ak Yonenteem, waaye képp ku gàddaay ngir àdduna jum soxlaa jot walla jigéen ju mu bëgg a takk kon gàddaayam jëm na ca la ko tax a gàddaay".
Wér na Ñaari imaam yi ci hadiis ñoo ko soloo, ñuy Abuu Abdillaahi Mouhammad ibn Ismaahiil ibn Ibraahiim ibn Al-Muxiirata ibn Bardisba Al-Buxaarii ak Abul Hussayn Muslim ibn Hajjaaj ibn Muslim Al-Xusayrii An-Naysaabuurii, ci seen ñaari téere yu wér yi nga xam ne ñoo gën a wér ci téere yi ñu taalif.
التصنيف الشرعيالأربعون النووية، أعمال القلوب
Laaj naa Yonnente Yàlla bi yal na ko Yàlla dolli xéewal ak mucc xoolug mbetteel mu digal ma ma wëlbati samab gis.
Wér na Muslim soloo na ko.
التصنيف الشرعيتزكية النفوس
«àdduna de ñam wu neex la te naat, Yàlla da leen fee wuutal, di xool lu ngeen fiy jëf, noytuleen àdduna te moytu jigéen ñi, ndax fitna ji njëkk a am ci Banuu Israayil ci jigéen la xewe».
Wér na Muslim soloo na ko.
التصنيف الشرعيأحكام النساء، ذم حب الدنيا، ذَمُّ الهوى والشَّهواتموضوعات الحديثالزهد وقِصَر الأمل، التقوى
"ñaari xaaj a gi nii yu bokk ci waa sawara te gisaguma leen,ay nit yu yor ay yar yu mel ni geeni nag di ci dóor nit ñi,ak ayjigéen yu solu ba noppi rafle, jeng di jengale, seeni bopp ya day mel ni jégénu giléem gu jeng,duñu dugg àjjana,te xet ga sax du leen xeeñ,te xetam ga dana toll ci doxub nangam ak sàngam".
Wér na Muslim soloo na ko.
التصنيف الشرعياللباس والزينة، صفات الجنة والنار، حجاب المرأة المسلمة، دلائل النبوة، أشراط الساعةموضوعات الحديثالتبرج، الظلم، أشراط الساعة
«Yàlla mu màgg mi day tàllal loxoom ci guddi gi ngir ki doon def ñaawteef ci bëccëg gi tuub, di tàllal loxoom ci bëccëg gi ngir ki doon def ñaawteef ci guddi gi tuub, ba baa jant bi di fenke ci sowwu bi.
Wér na Muslim soloo na ko.
التصنيف الشرعيالتوبة، توحيد الأسماء والصفات، أشراط الساعةموضوعات الحديثسعة فضل الله عز وجل، أشراط الساعة، التوبة