Encyclopedia of Prophetic Hadiths

«ku woor benn bis ci yoonu Yàlla, Yàlla soreele jëmmam ca sawara juróom-ñaar-fukki Nawet».

"yaw de dangay woor at mi, di taxaw guddi gi?" Ma ne ko: waaw, mu ne: "yaw boo defee loolu bët yi dana ca loof, bakkan bi son ca, ku woor at mi kooku woorul, woor ñatti fan mooy woor at mi yépp", ma ne ko: man de man naa lu ëpp loolu, mu ne ma: "kon wooral woorug Daawuda yal na ko Yàlla dolli jàmm, daan na woor bis dog bis, te du daw bu dajee ak noon bi".

«bu ngeen ko gisee woorleen, bu ngeen ko gisee worileen, bu muuroo ci yeen nangeen ko nattale».

"bu Ramadaan ñëwee dañuy tijji bunti àjjana yi, tëj bunti sawara yi, jéng saytaane yi".

«nit ñi du ñu deñ di nekk ci yiw fii ak ñoo ngi gaaw a dog».

"tabax nañu lislaam ci juróom: seede ne amul kenn ku ñu war a jaamu ku dul Yàlla, ak ne Muhammat jaamam la di ndawam, ak taxawal julli, ak joxe asaka, ak aji Màkka, ak woor weeru koor ".

Yonnente Yàlla bi yal na ko Yàlla dolli xéewal ak mucc moo gënoon a tabe ci nit ñi, ci weeru koor nag la daan gën a tabe ba Jibriil daan daje ak moom, daan na daje ak moom guddi gu nekk ci weeru koor di jàng ak moom Alxuraan, waat naa ne Yonnente Yàlla bi yal na ko Yàlla dolli xéewal ak mucc moo gën a tabe ci yiw ngelaw lu ñu boyal.

«buleen jiitu weeru koor ci woor benn walla ñaari fan lu dul koo xam ne da daan woor ag woor kon na ko woor».